【獨媒報導】《文匯報》昨日報導，啟德體育園開幕禮當日，兩名記者成功「放蛇」，付款合共1,600元後獲一男子帶同從後門進場，無須門票及安檢。文化體育及旅遊局局長羅淑佩今早在港台節目《千禧年代》，確認有人「不合規」將無持票觀眾帶進場，警方正進行調查，會適時公布。她重申屬初期磨合問題，「香港人都應該要有啲底氣，就係呢啲咁樣嘅小瑕疵、小問題呢，我哋係能夠解決有餘，而唔好喺度拘泥住我淨係望住好細、唉呀呢度出事。」「我唔記得咗原來我咁大件事，咁大個場館係做得咁好。」
文體旅局局長羅淑佩今早在港台節目，主動談及事件。她指當局昨日已與警方聯絡，高層非常重視，正進行調查，亦已有進展，會適時公布。羅淑佩確認「有人不合規將無持票觀眾帶進場」，亦掌握部分詳情，指事件並非大規模發生。她感謝傳媒報導，讓他們可第一時間採取行動，「咁早見到呢個事情係好嘅」。
她指啟德體育園一如行政長官所言，再次帶香港衝上雲霄，認為今次屬運作初期磨合問題，會嚴肅跟進，但重申「香港人都應該要有啲底氣，就係呢啲咁樣嘅小瑕疵小問題呢，我哋係能夠解決有餘，而唔好喺度拘泥住，唉呀我淨係望住好細，唉呀呢度出事。」「我唔記得咗原來我咁大件事，咁大個場館係做得咁好。」羅淑佩稱「瑕不掩瑜」，不認為這個「瑕」可與「瑜」比併，「係出咗問題，我哋認真面對」。
