話說小妹我前幾日係凌晨時分同朋友搭Uber，齊齊由荔枝角返元朗
朋友會落車先，佢住錦田附近，一出大欖，朋友叫條友前面轉左，條友應咗之後直行，我同朋友呆咗係度你眼望我眼，之後再同司機講轉左喎，佢當刻好似先如夢初醒，但即時反應居然係打算… 倒後？？？
倒咗一陣發現真係太遠，就繼續直行。咁啱我地望到原來佢uber app 個gps壞咗，keep 住係同一個位唔郁，當時提議佢轉app，而佢冇轉到，係秉持住對司機嘅信任，我地都冇再講啲咩
當時我問朋友而加咁佢仲返唔返到去？朋友表示返到的，但要兜一大個圈。
好啦，咁架車繼續行駛啦，去到迴旋處位，朋友同司機講「迴旋處第二個口出」，指示十分明確，司機都應咗，果時我仲同朋友係度講緊「第一個… 第…？？？」
我望住第二個迴旋處口同我地刷身而過，司機係第一個迴旋處口出咗，我地即刻同司機講「唔係呢個啵，呢個係第一個出口」，司機即刻做出補救措施，即刻U-turn，返去迴旋處，但係，個迴旋處係單線行駛，呢度係第一次逆線行駛（係呀無錯呀，唔止一次呀）。跟住啦，咁理論上，迴旋處得三個口啫，佢唔小心出咗第一個口，佢出下一個口咪就係我哋想去嘅地方囉？跟住佢叻豬啦，佢由自己最新個出口開始數第二個出口，咁姐係點？姐係返去原本個出口
理所當然地我哋有提佢啦，呢度係第二次逆線行駛。後尾去朋友屋企都順利嘅，朋友同佢指晒方位，而佢都好似暫時清醒。到去我屋企嘅時候朋友仲突登教埋司機點去我度。恐怖嘅就嚟了，佢gps 依然都係壞嘅，佢依然都係唔識路，依然都係憑自己嘅直覺亂鳩咁行，咁皆因我都唔識揸車，我又0熟錦田啲路，我只可以睇住gps 睇我自己係邊。途中有叫佢換app，呢個好重點，佢換app 期間會停係「馬路中心」，換咗app我以為會好啲啦，過多一陣發現佢又望返個唔郁嘅uber gps，佢先話佢唔知邊個app 嘅gps 嘅壞咗…
當第唔知幾多次係佢亂9咁行嘅時候同佢講方向好似唔啱，我就開自己個gps 睇到底點行，但我發現自己都睇唔明，只可以大概同佢講個方位轉左轉右，去到差唔多嘅時候叫佢轉彎佢唔轉，反而係唔知邊度轉咗入一條超級偏僻，渺無人煙嘅村，當然我驚到打比朋友開speaker咁同佢傾住，之後佢當然又U-turn 返出大路啦（我唔知佢呢個有冇逆線）
後尾我真係又驚又慌咁發脾氣叫佢換app唔好再望住個唔識郁嘅uber gps 嘅時候，佢突然間發返我脾氣話佢唔識路，佢識路嘅話就帶咗我返屋企，叫我報警，同警察講話因為Uber 司機唔識路叫警察帶我返去。
最後嘅最後，佢係馬路中心（附近冇任何嘅行人路）放低我，係附近幫我截咗架的士車我返去，最後荔枝角返到元朗嘅屋企歷時一個半小時
補充1：我同司機兩個係上述講行錯路嘅迴旋處兜咗三、四次，兜到我同司機講「你覺唔覺得呢度有啲
熟面口？」
補充2：仲有一次逆線好癲，當時等緊紅綠燈，前面有一架大貨車，可能大貨車遮住咗佢嘅視線，佢睇唔到個紅綠燈，佢兜過架貨車，行到貨車前睇紅綠燈，但隔離線係30秒前先有架車係對面過嚟
補充3：事後uber app 收多左我接近$80，原因係路線長咗，我就同佢地投訴有件咗嘅事發生，佢就收返我原價，但我比咗呢舊錢我都返唔到屋企，所以又同佢地嘈，最後free咗程車
呢件事搞到我而加搭uber 有ptsd，巨恐。
分享完畢
撚知你點數第2個出口咩
