實測深圳 VS 香港夾公仔機 港忠粉：$600都夾唔到一隻

【夾公仔/夾公仔機/北上夾公仔/代幣】近年夾公仔店在香港越開越多，不少舖頭更擺放人氣貴價公仔如Labubu及迪士尼公仔作招徠，令顧客難抵誘惑花費金錢務求夾得心儀公仔。目前，香港對夾公仔機的難度設定，尚未設條例規管，不少市民反映在港夾公仔不時遇到商家處處刁難。而隨著近年北上成風，不少港人索性轉場到深圳夾公仔，認為當地更抵玩，容易有收穫。《星島申訴王》今次派出Sammi 和Rachel 兩位主持，分別走訪香港和深圳夾公仔店，實測比較兩地夾公仔體驗。

港夾公仔機設擋板阻出貨 主持實測$100夾得四個鎖匙扣
《星島申訴王》實地走訪香港多家夾公仔店，不少顧客均表示遇過商家在機爪和洞口位置設置機關，指難度高得令人沮喪。過去，甚至有人不惜以身試法，例如日前在荃灣有兩名竊賊於夾公仔店偷走多隻合共5,000元的Labubu人氣公仔。

主持人Sammi早前到黃埔一間夾公仔店實測，先用$100港元換取20個代幣，準備挑戰店內的夾公仔機，每次遊戲費用為$5港元。起初，主持選擇當前熱門的Labubu公仔，但在花費將近一半代幣後，仍然「食白果」。

隨後，Sammi決定調整策略，嘗試使用其他夾公仔機。觀察過程中，她發現店內的十多台夾公仔機存在多項問題，包括很多機器的洞口被擋板和膠片遮住，甚至有些洞口過小，以致公仔根本無法順利通過。

在經過多番嘗試後，Sammi終於找到一台似乎障礙較少的夾公仔機來進行挑戰。換機後，她的運氣有所好轉，成功夾到了一個Pizza公仔的鎖匙扣。

最後，玩到剩下最後一個代幣，Sammi決定孤注一擲，向難度挑戰，希望能夾到一隻價位較高的公仔。她先向店員求助，店員在她要求下重新調整公仔擺位，並將目標公仔放置得更接近洞口。遺憾的是，最終她仍未能如願。總結成績，Sammi花費了一百港元後，在香港的夾公仔店只獲得四個鎖匙扣作為安慰獎。

深圳夾公仔洞口大小有標準 百元成功夾到15隻公仔
而在深圳實測的主持Rachel，收穫豐富得多，僅僅以人民幣100元，就成功夾得15隻公仔之多！

對比兩地收費，深圳夾公仔店以99.99元人民幣的價格，顧客可以換取1000個電子代幣。每次夾公仔需要消耗10個代幣，換算下來夾取100次的花費僅為香港五分之一。

另外，香港許多夾公仔機的洞口不時經過改動，以增加夾出公仔的難度。而在深圳，夾公仔機洞口則遵循標準尺寸，長度和寬度約為25厘米，選擇體積較小的公仔時，成功夾到的機會也隨之提高。

在夾公仔的過程中，如多次無法成功，是可以請求店員協助調整位置。經過店員的幫助後，Rachel 迅速連續獲得兩隻公仔。

北上港人：深圳夾公仔成功率更高
北上港人Sherry在接受訪問時表示，在深圳夾公仔的成功率更高，全家一共花了100元就夾到了12隻，與香港相比，深圳的價格更加親民，而香港則常常無法成功夾取。此外，市民Koji提到，她在深圳花了100元亦夾得5隻公仔，感到非常開心，形容重拾起了童年美好回憶。Nicole也分享了她的經歷，表示自己僅花了約二十分鐘，便成功夾到11隻公仔。

夾公仔機店投訴增 海關提醒市民需保障自身消費權益
翻查資料，海關接獲有關「夾公仔機」涉嫌違反《商品說明條例》的舉報明顯上升，從2022年的16宗急增至去年158宗，兩年內增幅超過8倍半。市民在玩夾公仔機時應保障自身權益，消費者委員會建議注意機台是否設有「保夾」或「保底」機制，並衡量所花費的總金額與心儀獎品的價值是否相符，切勿過度沉迷於夾公仔機。

香港人做生意真係冚家剷
連夾公仔都要輸比深圳

港商：深圳A貨成本低嘛，我地日本入貨又點同

香港夾公仔機閪到係人都知，唔駛講啦。
但深圳俾你好易夾到果啲，究竟係貴價野定$2一件果種淘寶貨?

香港果d又有幾多係真貨

大陸d機有好野又簡單再講
1蚊鋪必出咁濟都有，但係入面d三唔識七公仔你係咪真係想要呢

利申至撚憎夾公仔，寧願用錢買

根本係部機set到夾唔到

無話想唔想用，純粹係玩下享受下出到貨既快感
早排既奶龍公仔係幾得意
我寧願比錢大陸賺好過比台主賺

香港個D 都唔講個爪有冇較鬆
單係個出口就一堆野頂撚住
咁撚樣都有客玩真係冇天理

好多 起碼9成

智商有問題先玩

Y C又有新excuse 含淚上SZ了

完全冇諗住出任何公仔俾你
你投訴佢就話技術台 唔適合新手

深圳 全部0價值垃圾公仔

香港 去大店夾啦 起碼正版 啲公仔同模型你都識

支持拆關

深圳係正版定翻版先

貴貨應該set 貴d 每次夾個價錢，唔係set 到部機難夾d

Set得難告唔入，但賣假嘢告得入

我覺得冇所謂，深圳可以用公仔換其他禮物，小朋友也開心！
何況很多人只是夾到成功出貨有成就感😂

深圳好似有啲有標明係正版 大部分你預老翻
但係香港你夾唔到嘅話你放舊金磚落去都唔關我事

唔係話幫香港商家
而係個對比根本唔係apple to apple

香港人做生意係全世界最撚仆街，佢地個心態係寧願自己蝕都唔想俾你賺

你睇下大陸果啲乜貨先。。。
比你下下夾到 夾埋啲垃圾好撚玩咩。。

香港有幾多成係假？

影上黎睇下～

唔好打幾隻字就真呀～

我就信香港政府咁缺錢，一有假就會拉人封鋪。