以前喺收音機度聽到方大同啲歌 你會覺得成件事好撚高級 你個人因為識貨都變得高級咗。
家陣啲00 後10後可能都唔係唔識咩叫收音機，電台係咩黎。作為鍾意音樂嘅人黎講，電台都係一個頗為重要 獲取音樂資源嘅途徑
畢竟手機鈴聲要錢 買碟要錢 mp3個啲本身都好幾百蚊 入歌又要本身有電腦 唔係都幾 lev hea 頻頻撲撲 先入到自己想要嘅音樂。
收音機呢啲嘢 基本上越貧窮嘅家庭 越有。跑馬仔 聽天氣報告 路面報告 好過開電視啦 尤其啲有細路嘅家長 覺得開電視 啲細路就會偷睇而唔做功課 所以好多都係鍾意聽收音機。
家長對於細路 只要唔睇 聽嘅破壞力細好多 。因此更容易接納小朋友 夜晚都拎部收音機喺度聽嘅情節。
我屋企係冇電腦 唔係掛 90後 活到200x年 冇電腦都幾大獲 係呀 我係冇電腦 部電視又成日壞燈睇唔到 於是乎收音機都係我頗為重要嘅少年回憶。
聽到周柏豪 鄭融合唱個啲mk歌 你會眉頭都笑撚死 嘩咁撚樣嘅歌詞都出到街嘅😆 個期都型 有錢買yes卡 自動獲取某啲歌曲歌詞 或者冇錢自己聽嘅 默寫歌詞 所以我係對歌詞 音樂 好有深刻記憶嘅人
方大同啲歌 係好高級
你見到佢個樣 又覺得 高級有理 唔高級唔搵佢啦
喺遠離收音機嘅年紀 某天得知方大同拎台灣金曲獎最佳男歌手獎
我談不上因此感動 但唔多唔少 為我當年覺得 方大同=高級 聽方大同歌=成件事很高級 而感到wow
慧眼識珠 聽到耳仔郁郁 嘅感覺 係幾美妙。
後來年紀大咗 冇話特登搵方大同啲歌黎聽 但每每再聽到佢嘅歌 見到佢嘅新聞 我都會覺得 高級感滿滿
直到得知佢過咗身
我唔知道呢一種高級感 由誰來接棒 繼承 延續 令本來就單一嘅香港樂壇 痛失一種辨識度極高 音樂類別很高級嘅聲音。
於我而言 曾令我快樂的他 去了另外一個快樂的地方 並不能夠算是遺憾和缺失 畢竟 佢留低咗最頂級嘅作品俾我 俾我哋
方大同呢首歌又唔係賣慘 唱得好好J