無知一問，其實點解2014年後烏克蘭唔秘密研究核彈

當年烏克蘭都係放棄曬d核武，但d核彈技術應該有留底，就算真係燒毀，以烏克蘭咁多核電站，要再研究翻應該都冇一般國家咁難，反正依家大家都R爛塊面，咪一齊當舊時簽d文件係歷史文件

民主政權，搞核好多人反，不得民心
親俄政權，搞核不得俄心，不理民心

另一個伊朗?

拳頭夠大咪可以研究
咁多人造衛星照住

我估做核彈應該唔難
核電站肯定難過核彈

最難應該係踏入呢個攬炒派的心理關口

但係依家仲仲撐烏嘅烏人冇理由仲反核，大家都知有核武先冇人敢郁你，又唔洗係咁捉人打杖，係得翻班撐俄烏狗先會反

北韓咪又係咁做，到依家都未滅國

的確，上網睇過就算整唔到核彈，仲有隻核髒彈，技術成份冇咁高，原理係將d核廢料引爆，係差在佢地有冇彈道技術射出去

有中共照
中共唔放邊成到事

北韓90年代已經搞核，嗰時中共邊有國際地位

烏既主要敵人一直得俄，唯一要用核打既得佢哋，但俄就一直喺隔離。
先唔講人唔人道俾唔俾人譴責嗰啲嘢，土地咁近好難做到可以對俄造成嚴重破壞後自己領土完全唔食任何核幅射後果影響
如果烏都可以研發到控制到，咁其他有開發武器既國家都理應一早做到
全部呢啲國家都一定點都有秘密研發，但成唔成功係另一回事

整核武根本從來唔係為左打人

核武=國際地位，有核武先有拳頭，咁先冇人會恰你，唔係真係用黎開戰，核武從核都係最後一刻唔夠打先用，因為一用對面都一樣會用，之後就冚球剷

同埋烏之所以話佢比其他由0開始研發嘅國家易整到，係因為始終佢keep過蘇聯d核彈，當中d藍圖有冇被逼銷毀埋就唔知，但我相信唔會真係一份底都唔留
加埋烏克蘭本身已經有可控核電站，仲唔少，整核彈個主體基本上係冇咩難度，因為就算佢整唔到核彈個彈頭都仲可以用核廢料整次一級嘅核髒彈，係差佢有冇技術將佢精準命中目標

從頭到尾*

你話研究就研究
篤手指啊?

比人打到滅國要變賣資產搵外援時你仲有得揀？破產都要搞架啦，一日唔搞一世都會比人搞

事後孔明
唔示弱咪做下一個北韓伊朗
距離西方文明只會越來越遠
唔好話談判桌 連門口都入唔到

去邊度買鈾同儀器？你一買就全人類都知，而且買亦唔買得多，當2014開始整，整到而家都仲未整到一粒，有春用？

蘇聯解體，烏克蘭賣咗嗰時軍工技術，航母、飛彈一推技術賣曬俾中國，有無留底就無人知。

呢樣野就兩睇啦，伊朗除左石油都冇乜野出口世界，出石油嘅國家又多你一個唔多少你一個唔少，但係烏克蘭出名世界糧倉，專出口農產物，石油天然氣呢d當然都有，你杯佢咪唔好買佢d出口殼物，睇下邊個損失大d，佢賣唔出最多經濟差，但係起碼仲有得食。要杯佢杯到好似伊朗同北韓咁我睇就冇咁易

咪就係當初信錯班仆街只要交返啲核武出黎，又話睇住又保護又盛。
而家打撚左幾年，死既係自己國民，錢美國又話要收反。
如果唔棄核 烏克蘭就係有1700個核彈既軍事強國。

有核最多俾人鬧，無核俾人打俾人當狗撚
如果早知結局係咁，我相信俾全世界杯都要做

烏克蘭本身就大把稀土，點會冇鈾
儀器係咩儀器先，佢地本身有核電站，本身就有相關核技術

一黎此時此刻唔到你話想研究就研究
二黎入個北約都咁難，研究核武分分鐘連歐洲盟友都有內奸

無計，當初邊個會估到呢個地步，而且當時接手呢堆核彈個保養費都好貴，即係等如有人送成櫃跑車，你都冇咁多錢搞牌費燕梳入油保養啦