雷凱欣被囝囝問過去
雷凱欣嫁有米老公後成為少奶奶，專注照顧兒子，間中在社交網分享跳舞片段，見她外貌身形依然保養得不錯。雷凱欣去年似乎已有意復出，考獲瑜珈導師牌的她不時拍做運動影片，有意無意間晒身材，又突然指想拍煮食片，問網民是否想看到她出鏡。日前她更放風表示有意重返娛樂圈：「哈哈，我個仔佢終於問我到底我以前做咩㗎？我話我好popular㗎，咁佢話你係咪再可以做嘢，我話我隨時都準備好㗎，咁你想唔想我去做嘢啊？佢話好啊好想我變番popular，所以我都放咗我個珍藏人形咕𠱸喺佢個房度」。
不過有網民卻潑冷水：「你最出名咪3D肉蒲團， 點popular ? 同陳冠希有緋聞？ 妳以前只係紙上明星， 無咩代表作。」雷凱欣即澄清傳緋聞的不是自己。亦有人重提當年她在《3D肉蒲團之極樂寶鑑》中竟是男人聲的老夫、兩秒露點、人體爆炸等，更連環爆粗指本來滿心期待，最後卻令自己充滿陰影。雷凱欣回覆：「女神嘅軀殼裏面都可以住一個男一個女雙重性格」，有人再留言：「唔好呀，媽媽會爆炸，講笑，拍吓YouTube輕鬆下先」、「仔仔知道媽媽當年呃觀眾，之後嘅成長唔知會點…」她就表示：「娛樂嘅嘢無話呃唔呃喎」，該網民再追問當年是否假露點，雷凱欣竟回答：「似真又似假咁先好㗎嘛。」
雷凱欣上的士司機職前課程
雷凱欣近日再次更新社交媒體，並分享一張運輸署《公共服務車輛司機職前課程》基礎單元訓練手冊封面的照片，表示：「救命啊！我捱過第一堂啦，學到好多嘢，之但係睇咗好多撞車例子嘅影片，壞到我而家好驚驚喎，從來可怕都不是自己」。昨日又貼出《的士司機職前課程》的照片，寫上「8小時後又8小時，唔知我pass唔pass呢？」疑似準備考的士牌。根據運輸署資料顯示，設立職前課程的目的是為了加強新入職的士、公共小巴及公共巴士司機對安全駕駛及良好駕駛態度的意識，及讓他們掌握載客服務的基本知識和顧客服務技巧等，從而提升公共交通服務的安全及質素。
