[Steam/PS5/Xbox] KCD2 天國降臨：救贖2 集中討論區(3) 三月中大更新、四月硬核模式登場

呢個算係隻game最大詬病
我第一日玩 經過Michael 同George 兩個吟遊詩人間酒吧上面條木橋之後
遇到一竇賊 仲要有個著Full set armor 就咁就俾我拉打打死咗
之後D格鬥易到仆街 玩玩吓轉咗著口才裝算數...

戲情殺黎

我都係，做曬第一個支線，入第二章，除左武器大部份技都20左右，常用既都就滿，係武器好多都係12-16左右。

主線黎講係嫁
W3 狂獵鋪咁多集結果都係咁上下
BG3 就普普通通王道 其實成個上城區cut左

公平就唔計石之心劇本超強/血與酒超多內容和滿分美術既DLC
不過點解普遍評價都仲係好高呢
Witcher 全程支線有hea既（多數狩魔）但都有非常耐人尋味既（殺唔殺光頭呢D）影響主線甚至結局環環相扣 整體保持到水準
Bg3 個別隊友支線成張獨立細圖勁有誠意，幾位VA都十分落力 ，同KCD2相似地圖太大同支線係太多而開始疲倦。但係精心設計既戰鬥 ，地形，DnD build我諗冇乜玩家有一刻會覺得無聊，但KCD2中後期的確唔少人有感受到

仲有明明做結尾係最好 而唔係好壞冇乜分別既吹下水就完左

冇專登練，不過有偷嘢換靚甲

玩玩下發覺唔偷嘢=on9
不過玩到第二張map開始厭之後一直放置，唔係幾有動力再開嚟玩

我一開始係整藥過日子識開鎖之後做任務各樣都方便好多
我最早升爆嘅技能係偷嘢 明明一開始係有貴族尊嚴

其中係好多人玩過第一集有經驗要做咩
其二係個遊戲本身有引導，一開波掉你去玩鍊金，要你整藥水先可以save
啲人為左要save 本身已經要整大量藥水谷高左個lv
跟手整毒藥已經變無雙
潛行打鐵全部有主線做引導
冇話特唔特登練
好多人都覺得偷野同打鐵好玩
不知不覺就會練爆左
你話隻game 本身冇引導啲人上網查就話特登
隻game 有教過你玩一次，玩家鍾意玩練高左，咁唔算特登喎

都係遊戲設計問題
一開始整藥整幾晚攞去賣鍊金已經~18lv
開鎖都係覺得好玩先玩，宜家開完都唔偷嘢，純粹覺得開鎖過癮

老實講係佢比玩家既工具太勁
劍可以大師反唔緊要
但劍點解又可以打穿重甲？
同埋大師反單手劍可以挑開人地支長矛
諗都知冇可能

Steam 係咪用唔到ps5手制玩？無反應

W3最深刻都係林中夫人...
其他任務都冇乜果種lesser evil既感覺

之後發現偷藥仲快過整藥
係D藥草商之間係咁偷
除左享利的狐狸藥之外都冇整過藥

佢頂帽唔係普通貴族摺帽咩? 裁縫鋪有架?

用到, 要係steam right click隻game -> setting -> 手制 熄左steam模擬輸入功能

唔該巴打

咁W3唔係剩係得二揀一lesser evil既支線, 呢種就係林中夫人係癲峰
仲有種係發現真相之後繼唔繼續完成委託果種爭札, 委託者先係衰人/目標係無奈果種, 例如小紅帽任
另外一種係睇落平平無奇, 好快做完可以交任既委託, 但玩家好奇心下再探索下會發現更多真相&後續既任, 例如食人肉既老夫妻, 老鼠之塔

W3支線精彩地方係好多變

我唔係講緊自己郁手做呢種啊，係網上有所謂快速升級攻略嘅影片同文章，教你點樣快速升滿等，但所謂嘅教根本就係惡意利用遊戲機制，譬如教，一睇就知唔係正常嘅遊戲方式，但好奇怪用呢啲招嘅人反而會好自豪周圍同人唱同晒優越感，真係有咩受眾就有咩攻略

咁就真係對唔住都要講聲
呢種先係RPG 既真正玩法
先唔講KCD 其實係一種抄Bethesda 玩法既RPG
而呢種咁既快速攻略已經喺Bethesda RPG入面盛行左廿幾三十年
就算再古早之前既FF/DQ，一開波喺新手區打廢怪打到99LV 出去一拳秒BOSS 都係唔少人既童年回憶
尋找、利用遊戲入面既機制優勢而使遊戲本身陷入崩潰係RPG 玩家既最大樂趣來源亦係最引以自豪既地方
就算返返tabletop, dnd 玩家鑽遊戲機制喺規則書入面撚到DM 反枱都係大家最開心既時候
如果你唔鍾意呢種玩法同行為
咁好對唔住，唔適合隻game 既人

係你

請出門口轉左

未完全爆曬，唔敢評後面啲支線住不過你講嘅某啲問題我諗都覆到你大概點解

所謂嘅主線亂就係玩家好難對突然彈出嘅咁多嘅人物同勢力投入同理解，某程度上係好符合遊戲所講嘅貴族政治平民唔會明，中世紀嗰陣時嘅勢力就好似三國時代咁勁多大佬周圍插旗，佢哋嘅西吉斯蒙德事件都有少少似董卓入京，但佢哋仲誇張，因為一個貴族可以有好多個身份，所以政治態度上更加搖擺，我玩玩吓都有啲頂唔順要睇返遊戲入邊個記事本講嗰啲歷史事件，先大概明佢描述緊啲乜嘢

人物刻劃方面，我覺得今集個取材太過受限，有啲啲非戰之罪，第一代啲人本身你細細個就同佢識嘅，領主之間暗地裏都知你係對你都特別照顧，但係第二代啲人去到一個新區域個個都唔識你，啲領主都係高高在上，你去到佢個城都係話得閒先見你，跟住無端端傾一陣就忙得滯又要走，咁點會有足夠嘅時間刻劃。同埋我覺得成個一代都係幫緊二代刻劃人物個性，無論係最明顯嘅漢斯到最唔明顯嘅配角埃里克，喺二代都顯得特別有親切感，相對之下二代嘅新人物就冇咁個性鮮明同吸引

個結局睇落未完似乎係佢哋慣例，就係為之後三代唔少人認為嘅鋪路，某程度上你都可以話二代人物都係為三代刻劃緊

至於你講嘅補充親密嘅人嘅提議，其實一代佢哋都有做㗎，不過就放晒落DLC度，佢哋有分別喬漢卡、漢斯、特雷莎嘅大型任務，1.9版本甚至更新咗免費dlc嘅同特雷莎拍拖線，早期已經爆咗機嘅人可能唔知。我估二代應該都有呢類補充，再等等啦佢哋而家搞平衡同bug已經忙到焦頭爛額

到依家為止覺得最遺憾嘅都係，同你諗法一樣，想叫戰馬回水

咁我諗你搞錯咗啦，我唔係反對呢種行為，我係支持鑽研呢種行為添，純粹係用呢個做理據話隻game好簡單我覺得係冇意思

唔明你想點
喺所有了解遊戲規則既玩家面前
所有遊戲都好簡單
人地鍾意講啖講
你理得佢有冇意思？