《善意的競爭》集中討論區

太低估自己

唔知會唔會講佢哋見返呢

某程度暗示咗已經見返
應該唔會特登再拍出嚟啦

聰明在呢度
乜都畫公仔畫到出腸就無意思

棍請問點解在伊係遊學園果晚先鍾意左瑟琪？

個人覺得校慶前都仲係覺得瑟琪係棋子
出咗mid term成績後覺得瑟琪有啲料到 有意思
到校慶當晚 可以咁大膽反抗老豆 > 超級欣賞 真正愛上

呢一點我一直諗唔通

我覺得，我自己啦下，其實在伊一開始已經鐘意左瑟棋

因為我真係諗唔到佢收篇瑟棋個目的係乜嘢

在伊一直以來嘅姿態，動機，對瑟棋既幫助，對佢既態度，完全諗唔到為咗乜嘢要對瑟棋咁好

唯一做過對佢最壞嘅嘢就係裝個跟蹤Apps喺佢個手機度。 除此之外我真係睇唔點解要對佢咁好。

我一直覺得係因為和解協議書，但佢自己都有講和解係佢最唔想見到嘅結果。

所以，得返最後一個原因，就係真係鍾意佢

其實14集佢同瑟琪疏遠嗰到佢有講部份真話
瑟琪係數學阿sir個女 係佢老豆嘅污點嘅一部份
佢一開始想收編佢 某程度都係想戳佢老豆痛處
但當然認識之後種種都令佢覺得瑟琪幾有意思/有好感

本雜誌好似影得唔錯

https://x.com/hyeriherihey/status/1912808007882469534
fm MD

佢上惠利個清淡節目果次個妝又係好靚
但片集入面就好肉酸

(終於諗清楚我想講既野同理由, 長文好煩, 慎入)

如果單單為左收編瑟琪成為佢既人, 在伊o係補習社救左佢果次已經做到左 (之後瑟琪主動想坐返去在伊隔離), 無必要再討好佢如果想套佢料整佢老豆, 其實兩下交手已經知佢無料

如果純好奇想知點解瑟琪可以咁叻, 咁瑟琪落單買藥已經知道左佢靠食藥 (送藥果陣特登拎埋D補習料出去交收, 即係一早知道瑟琪係買家)

或者純粹扮好人照顧轉校生 (開學禮幫阿婆買晒D花) , 我又唔覺得導演想觀眾用呢個角度去理解

再深入思考, 第二集有錢女潑瑟琪果汁, 估計當日在伊己經即刻教訓左佢, 攪到佢學都唔返, 瑟琪唔係偷睇在伊個電話既話根本唔會知在伊教訓過有錢女

之後瑟琪買藥, 佢比左維他命佢, 如果純係為左操控瑟琪, 比D堅既藥其實更加簡單

仲比埋補習班既堅料佢, 等佢考到第一, 在伊果兩個密友 friend 到三個一齊有間私人讀書室都無咁好既待遇, 更加唔好講同崔京並列第一名 ( "換轉係其他人, 我會唔高興" )

呢幾個事件其實發生o係好早期 + 提前部署, 為左一隻棋子, 佢真係咁得閒o係背後幫佢咁多野?

所以, 雖然我唔係好想接受, 亦唔知咩原因, 但似乎在伊一開始已經鍾意左瑟琪, 而學園祭係令關系昇華既契機

如果買到劇本黎睇可能可以解構到呢個睇法

我覺得冇得好一層一層去睇呢個感情遞增
冇話喺呢個階段只有想操控
去到另一個階段某個動作就愛上
一個人帶有濃烈興趣去接近一個人本身就係有啲好感
校慶可能只係一個確定內心感覺嘅節點

尋晚bubble上面有海外fans同惠利講：要早啲瞓，如果唔係個黑眼圈就同牙彬一樣
之後惠利連續覆左幾條：嘿嘿嘿嘿嘿嘿 要瘋了
我們秀彬的黑眼圈都傳到那裏了嗎？
要嘮叨她早點睡 呵呵
我應該先做個榜樣才聽話吧..?

好癲好sweet

勁癲
明明可以扮睇唔到
偏偏揀咗呢個嚟回應

仲要覆得勁曖昧
我們秀彬～
做個榜樣先聽話
令我諗起之前秀彬喺惠’s club講
如果聽惠利話 就會幸福

惠利太可愛了吧

其實睇到一半先知原來飾演在伊係 Girls Day 既惠利黎

嗰一刻好驚訝。 因為10年前好鍾意 Girls day, 但惠利完全不是我杯茶。

又因為無睇回答吧1998， 更加唔知 Girls Day 既惠利原來藉住呢套劇已經爆紅左！

估唔到當年 Girls day 幾個女仔10年後撈得最掂嘅係佢

只怪自己有眼無珠差啲錯過左

IG又覆

牙彬覆佢彩虹emoji
係咪特登架