細細粒與岑麗香合照
細細粒日前出席衛詩雅婚禮時與新娘子合照，見她身形瘦削不少，又搞笑發文，引用《老表，你好Hea!》金句「Vivienne今日嚟食buffet」，令一班網民大讚細細粒變靚變索。轉眼間細細粒已飛回內地工作，她日前貼出與另一女神級好友岑麗香的合照，更大晒10年前後的對比，見到比細細柆還大半年、已為人母的岑麗香由青春少艾變得成熟，但同樣明艷照人，相反，「細細粒」變化就大得多，由以往巨無霸身形變成身穿透視裙、充滿女人味的女士。
網民讚細細粒靚過岑麗香？
網民紛紛留言激讚：「細細粒瘦到好緊要」、「十年前一個索女，十年後有兩個」、「五官真係靚」、「睇落去仲靚過香香公主添」。原來當日細細粒與岑麗香、郭晉安等人於福州出席王祖藍公司年度晚宴時碰面，兩人在三輯《老表》系列都有合作，認識十多年，細細粒指岑麗香無論皮膚、面貌以及身形完全沒有任何改變，自己就已經有歲月痕跡。
細細粒曾透露早年身體百病纏身，包括糖尿病、脂肪肝、高血壓等，健康狀況亮起紅燈，醫生警告她如果再不減肥，繼續暴肥下去，很大機會只剩十年壽命。細細粒更自爆因肥胖導致月經異常，所以下定決心減肥。細細粒早前都有貼出一年前後的分別，並感慨指：「有時候望返自己一年前同一年後，真係好大感覺，2024真係好大改變的一年，今年的我希望真係再有一個更大的突破，真真正正可以穿一次三點式，留一次倩影，留一個回憶，希望今年可以做到，40歲呢年完成呢個願望。健康其實先係人生終極要完成的事。」
