有冇人有慢性鼻竇炎？

你眼眉同眼中間位，眼睛對下骨位，手指按落去會唔會痛？你痛左幾耐？有冇超過2星期？

上淘寶買隻電動洗鼻機，好舒服，好過用手動個隻。 都做過手術，切左鼻中隔彎曲舊骨同埋切左息肉，做左6，7年，無試過鼻塞，但息肉會翻發，都係要靠洗鼻清潔

按去唔係好痛，痛超2星期了

翻發冇得再切？

有 朝早洗鼻 洗法： 係咁禁左邊鼻 右邊用力'申'曬鼻涕鼻屎鼻水出黎。換邊，都係最近用緊呢個方法 舒服多過之前

你都好D,唔似我咁有血,建議你去睇下普通科,一般都會比抗生素你食 (一星期藥至二星期),食個期間一般都會變好,但如果你食完之後又返發,就最好去睇專科,不過有心理準備唔平 (所以建議你去睇普通家庭醫生先),要照呢樣個樣,仲有一樣野就係試下好似我同其他師兄咁洗鼻,我用IFO藍色都幾好用(屈臣士同萬寧都有得買),會用上癮,因為好爽,不過記住用之前睇說明書教你點用,如果唔係好似我咁初期用D水入耳都幾痛。

ifo藍色邊隻

呢隻

1千搞掂CT+鼻內竅鏡?

有冇巴絲打試過生物製劑 最後解決左鼻竇炎/鼻敏感問題？

事關近年都試過幾次鼻竇炎 每次食抗生素/ 噴類固醇 病況都得到改善 之前亦諮詢過專科醫生 話可以做手術 包括清洗鼻竇/ 解決鼻中隔彎曲/ 削鼻甲 解決結構性問題

之後再睇其他專科醫生 了解到就算做完手術 都可能復發 因為個問題係敏感 所以之後都要長期保養 例如洗鼻 敏鼻 減少敏感

如果手術都唔能夠根治 生物製劑係咪值得一試？

你依種似係環境同天生免疫力問題，講清如果要上深圳醫，個效果唔會太理想 (我之前試過)，我覺得最好既方法係做健身同改善生活習慣提高免疫力比食藥有效。

我推薦上深圳醫係如果要做手術，就平靚正，但係大陸啲醫生開既藥一般藥力都唔掂，效果無咁好。

另外之前睇過一個PO，有人話去台灣醫，佢哋有啲診所甚至可以做小手術，可以醫鼻敏感幾勁，又係好平好快捷，只不過就山長水遠好多，依方面我就無太多資料。

又係要切Nasal Polyp (鼻"息玉")....

有, 但都係會再翻發....

有冇人隻眼窩同眼窩上面位置會痛？

我係，前額痛，㩒落去再痛啲，眼窩又痛

巴打睇左耳鼻喉未？

未睇耳鼻喉，睇咗普通醫生，開咗消炎止痛藥同埋抗生素

巴打食左藥有冇好返d？

食完個頭又真係冇痛

食左兩日，個頭無再痛

我都食左兩日藥 但隻眼仍然有痛

我都唔知係有止痛藥先唔痛定係抗生素真係幫到手