其實香港已經係好易玩，點解咁多人覺得係香港都玩唔掂移民左會好好？

No 香港唔死=共產黨係2019年對香港人做嘅嘢，以及2020年立國安法嘅決定係啱，sorry 我唔認同。

No中國共產黨係做錯決定
冇係612當日即時用霹靂彈炸開所有立法會道路俾議員通過
冇係中信大廈用霹靂彈清除所有人肉障礙然後全面抓捕
冇即時拘捕所有反對派議員
冇即時啟動通過立法23條程序
唔係嘅香港依家一早由治及興咗
大家齊齊有錢賺 食玩買
依家所講嘅問題一律唔會出現

香港嘅學習環境有時都幾toxic
好似成日中意笑人哋英文講得差
所以父母話為子女移民
除咗國安教育外
讓子女及早適應全英語環境亦都係其中主要原因
其實喺外國父母稍為督促下跟緊啲細路學業提昇佢哋嘅學習興趣要攞好成績唔難

講返自己，當年中一中轉英真係勁辛苦
屋企家姐同佢當時男朋友用咗中一完咗嗰個暑假谷我學業
去到中二學期初啲成績終於正常返

睇到而家高小學生甘多功課
而同學仔英文又完全跟唔上
我都只可以同情佢哋

老實講，英文呢個難關就算俾你升中母語教學你遲早都要搞返掂
分別係你個細路想升小學之前，定係升初中入英文中學或高中上英語教學班先開始正視
香港唔同日本或其他西方國家，你又冇自己工業，成個就業市場以服務業為主，就算跟大陸做生意你都要幫手做大陸同西方國家嘅對接人，呢到都要用到英語處理文件

老實講 未回留係因為未到5+1 ,我都幾肯定到時大把人回流，因為我係其中一個。除左個濕鳩天氣，香港真係算易玩，如果去過其他地方

我就睇你表演回流

易玩 易玩到2019-3015俾人當狗咁撚

無錯👍
「講得好！」
而家香港營商環境非常好，樓價高企，政府連年都surplus!

無錯👍
「講得好！」
而家香港營商環境非常好，樓價高企，政府連年都surplus!

無錯👍
「講得好！」
而家香港營商環境非常好，樓價高企，政府連年都surplus!
快啲回流享受香港嘅醫療（應該唔會cut budget 吧）

政府財赤的源頭

其實唔關事，就算香港有工業，都唔見會有乜唔同，以香港人既奴性同冇骨氣，一樣會仲死攬英文呢個包伏唔放：

「工業技術既學術文獻期刊全部係英文，造咗件產品出嚟賣向全世界又要用英文……」

睇返巴打中一中轉英既痛苦經歷，呢D嘢聽唔少，分別只係邊個階段出現，或中一、或大學。有冇諗過，呢種痛苦，可能全世界只有香港人要承受？其他正常地方，唔好話中學，到大學、甚至研究院，全部用自己母語，絕對天經地義。

英文門檻呃殺咗香港不知幾多人材，多年前高登、newsgroup年代，已有網友討論過，如果愛因斯坦係香港華人，好可能會因為過唔到英文門檻，而大學都入唔到。


除咗「英文刑/兩文三語刑」，仲有「樓刑」。

人生online 港伏真係easy mode？

新加坡
中英都無問題

如果想下一代永世係大灣區內循環，你嘅諗法係完全正確。

英文強勢係因為美國強勢, 你睇番香港發績既歷史, 好老實講香港起家有一個好大部份就係識英文, 你無英國嘅法律, 無英文嘅全民普及性, 家下連深圳水平都無.

至於未來, 因為法制同內地9成無分別, 外國商家都唔會再分香港同大陸, 咁淨番唯一贏深圳嘅得番英文普及性, 呢樣都無埋嘅話, 未來香港嘅細路大左之後條路難行到爆

近排成日話，如果「熊貓經濟」係work，咁四川一早發晒達。

同樣邏輯，如果某些港人對英文既執著係成立，「英文普及」係咁勁既「靈丹妙藥」的話，咁：

N大工業國，應該係英文國家全面壟斷，但事實並非如此，七大工業國，英文國家只佔其三，一半都冇。

嗰D前英國殖民地非洲國家、菲律賓之流，應該一早成龍成鳳做晒發達國家，事實呢？

日本、菲律賓，同樣東方島國、親美、多天災，面積、人口都唔相差太遠，分別係一個出名英文盲點，一個英文普及、亦係官方語言之一。

兩個國家，分別怎樣？有冇因為英文普及，而令到：

菲律賓發展水平比日本高？

菲律賓科技、工業技術比日本先進？

馬尼拉比東京更有資格稱國際大都會？

菲律賓旅遊業，比日本成功？

有冇人會因為英文普及，而話菲律賓旅遊，吸引過好玩過日本旅遊？就算有，你都會話佢on9，係咪？

亞洲第一個(亦通常係全球第二個)鬼佬主題樂園，迪士尼、環球影城、姆明谷、哈利波特影城呢D，點解永遠落戶英文盲點既日本，而唔係英文普及既菲律賓？

同樣邏輯，亦適用於某些港人好吹捧既新加坡：

有冇人會因為英文普及，而話新加坡旅遊，吸引過好玩過日本旅遊？亞洲第一個環球影城，點解落戶英文盲點既日本，而唔係英文普及既新加坡？

2024全球十大國際旅客最多國家，頭兩位都唔係英文國家，而且英文國家只佔其二，其中一個仲要係排到最尾。

1.法國 - 8,940萬
2.西班牙 - 8,370萬
3.美國 - 7,930萬
4.中國 - 6,570萬
5.意大利 - 6,450萬
6.土耳其 - 5,120萬
7.墨西哥 - 4,500萬
8.泰國 - 3,980萬
9.德國 - 3,960萬
10.英國 - 3,940萬

就算唔講咁遠，近近地，同樣用正體中文廣東話、距離、文化、歷史背景，同香港最接近既：澳門，都冇全民英文普及、英文唔係官方語言，澳門有冇發展唔到？唔風光過香港？某些香港人講到危言聳聽，傳說中的「冇英文普及、冇英文做官方語言，就冇外資嚟投資」，喺澳門有冇發生？你當一大堆外資(主要係美資)賭場死嘅？

我唔係反英文，我只係議事論事，英文喺旅遊業既重要性毋庸置疑，但就算英文普及甚至英文母語國家，旅遊業亦唔見得有優勢，所以係咪應該要反思一下對英文既執著？

香港最大嘅問題, 佢唔係一個國家, 佢係無野生產. 所以你噏嘅例子無可比性, 合適嘅地方比較會係台北, 廣州, 深圳, 上海, 東京. 以城市水平去睇. 而上面呢d 城市, 你要係上遊嘅工作搵工嘅話, 全部都係要英文.


香港所有嘅收入, 都係靠金融同高端服務黎, 呢度佔左50%, 貿易又佔左2成. 旅遊業睇番數據, 佔香港收入連5% 都無.

睇香港條數好簡單, 點解係香港, 讀過番書嘅先入到高薪職業好似iBank 個d? 以我地收入最多個三泛計, 金融, 高端服務, 貿易, 全部都要有英文底先搞得掂. 亦點解對上30年, ABC 係香港高端職位係佔好多人. 就係因為有demand, 先會要人有英文底. 全部都係需求問題.

我諗得留港撚先有資格講期待香港死呢句
就好似當年自由法國諗嘅係解放法國本土而唔係想法國死去証明法西斯係錯誤
如果你走撚左去又想睇人死去証明自己價值觀嘅話
你只係一個食人血饅頭而無打算做出任何回報死賤種
希望你係留港先咁口爽啦下

以前就易玩，你睇吓做生意仆晒街。
中小企唔係等執就吊命

我好欣賞你嘅回覆。
但我沒有打算改變我嘅諗法。

你改唔改變無所謂
皆因你實際上做唔到啲乜
不過某程度上你已經自己証明左中共做嘅野係正確
但凡唔啱自己心水就寧願佢爛左好過

香港將來好，就係黨2019年做啱決定， 呢個係事實。

1989年後中共帶領佢嘅國家急速發展就係佢一直強調嘅論述。