TVB冷門作品《生死訟》

啱啱煲完TVB套生死訟，由郭晉安主演，講述馬錦超（羅樂林飾）因為欠下賭債，竟然欺騙親人，利用佢哋返大陸時要佢哋運海洛英，並為左掩飾，殺人縰火。

係中國司法草率下判決，一無所知嘅長女因運毒而槍斃，老婆因為頂殺人罪被中國公安終身監禁。

而馬海（郭晉安飾）因為家姐（鄧萃雯飾）慘死及救出母親，不斷係中國大陸嘅司法機關遊走。

呢套作品因為太慘情，所以1994年上映時收視低迷。我睇《大時代》同《誓不低頭》時，都覺得好慘，但呢套可以更慘。而現時香港都會因為政治不正確，唔可能再拍呢種戲，亦唔會重播。

呢套戲真係好好睇，劇本好之餘，所有角色都演技好好。但有心理準備會睇到好唔開心。

槍斃鄧萃雯嗰集真係好心up，簡直痴撚線劇情

最心up 反而唔係槍斃一刻，而係大家姐一無所知下，帶著兩隻燒鵝入左公安局，佢唔知燒鵝入面有咩，佢見到啲公安好緊張，係度出出入入不斷叫人同打電話，又被公安命令佢呆坐，佢知道有嘢唔妥，但又唔知咩事，又咩都做唔到，但觀眾就知道佢死硬。

好似睇恐怖片咁，明知隻怪獸係附近，隨時出現，但就係唔知係邊，亦唔知幾時出現。真係第一次睇戲係慘到覺得恐怖。

主題曲由張學友唱，都好應。同誓不低頭比，誓不低頭有種打到最後有希望嘅感覺； 生死訟唔同，無論最後輸或贏，都唔會有happy ending，最盡係苦中作樂。

https://youtu.be/EktQRBO4CbQ?si=5wavgsELcBwnXTGp

睇過
大時代 誓不勁在佢慘 但你睇到主角係有機會贏 因為身邊人都有努力生活 無被牽連嘅人
主角有出口去抖氣

但生死頌... 無，所以睇得好攰 當年收視都唔好
同類戲，第三類法庭都睇到好攰

TVB啲情仇劇真係好好睇
天地三部曲 笑看風雲流氓大亨 黃日華萬梓良系列

最推介一套 人在邊緣 黎明做 好睇

呢套好嘢嚟, 不過好灰好 sad
真係睇到個人都好灰 , 壓住心口咁

想知係邊集？想喺YT睇翻

結局係點

好似係第9集

不斷上訪救阿媽，救唔救到就自己睇結局。

真係要比較嘅話，呢套嘢同大時代嘅結構幾似。

又係仆街老豆累人累物(秋官VS羅樂林)。秋官表現係個自私橫蠻無理嘅人係度呃人呃己，羅樂林係個膽小縮骨但自私自利嘅人，害人之前之後不斷揾籍口開解自己。

仆街老豆又有個孝順同有愛心嘅大佬(丁孝蟹VS方中信)，但孝義兩難全，為左保老豆做啲傷天害理嘅事。

好人方面又有個傻妹鍾意個孝順仔(李麗珍vs關詠荷)。

有個仆街細佬(又係吳啟華做)係度亂玩女人同做陰質嘢。

又有郭政鴻，不過又次佢係主謀之一。

正氣仔又係死全家。

今次唔係三角戀，係四角戀。

類似嘅結構，類似嘅悲劇下，個氣氛同大時代又好唔同，拍出同大時代唔同嘅感覺。大時代個背景係股票戰場上嘅利慾薰心製造嘅悲劇，而生死訟係司法制度草率下製造嘅悲劇。股票你估話可以抽身離開去避免，但司法制度你想避都無得避。

吳啟華
記得羅樂林同郭政鴻燒死林家棟嗰集都好好睇

張延好靚女

戲：燒鵝藏毒
現實：公仔藏毒

https://www.instagram.com/p/DGVTEvSJVd2/

細個睇呢啲劇真係會不安
睇到個人有種好灰既感覺
以前啲劇真係好正
親恩情未了 情濃大地

誓不低頭劇透



因為謝文武最終放得低成敗得失，所以無論經歷幾多悲劇，都有苦盡甘來嘅感覺。

生死訟（劇透）