率先體驗Android版八達通！ (7)

Momiji · 2025-02-16T15:16:16+08:00

1）點開卡? 已經唔駛填form, 只要有八達通App同八達通戶口就開得 2) 可唔可以將實體卡轉 An 八達通? 暫時唔得, 因為其他手機八達通都有, 唔知遲啲會唔會加返 3) 可唔可以將SIM/三星/華為/蘋果八達通轉 An 八達通? 唔得 4) 點樣檢查自己部機嘅 An 八達通用唔用到? 最直接係去港鐵查閱機/優惠站/八達通服務站度試用第二部手機查閱係一定唔得,一定要用八達通機先讀到如果 An 八達通讀唔到,可以去八仔官網睇下佢推介唔同手機品牌嘅設定, 睇下有無幫助以下係常見唔成功原因: - App喺後台被kill - NFC無開 - 手機太耐無網絡/八仔App連唔到網絡 - 手機重開機後未unlock 5) 見有得經Google Pay加錢, 但唔知點解張信用卡唔俾揀/搵唔到張卡? 簡單啲嚟講, 你張卡要同時加入Google Wallet wallet.google.com 同 Google Payments payments.google.com , 你張卡先會出現喺增值Android八達通嘅揀卡list入面以依家大部分卡都要用銀行App加卡為例, 就咁加咗卡入Google Wallet後, Google Payments係會無你張卡, 咁就用唔到嚟增值Android八達通呢種情況嘅解決方法係去Google Payments度加返同一張卡, 加咗之後增值Android八達通揀Google Pay, 你張卡就會出現喺揀信用卡list入面 6) An 八達通冇辦法add入Google Wallet，係唔係正常？依家應該無咩人有呢個問題, 有嘅話應該跟官網更新Google Play Service同Google Wallet就得 7) 喺An 八達通卡入面見到有得備份An 八達通，究竟有咩用？備份之後可以換An機嘅時候轉去第二部An機度，但係備份只可以還原一次備份之後部機就用唔到Android八達通, 揀番「還原此卡」就用得返,但個備份就會無咗 8) 唔小心剷咗App / An 八達通已停用，可以點算？可以申請退款,退款之後就可以開過張 9) 點解用An 八達通好似慢過卡/三星八達通/生果八達通? 三星/生果八達通係用eSE,Android八達通係用HCE,兩種技術唔同官方喺訪問有提及用HCE原因係可以兼容更多不同品牌嘅 Android 手機原則上應該只要手機有NFC,Android 12以上,有Google Play Service就用到Android八達通但用HCE嘅缺點就係軟件模擬容易受OS限制而影響速度 (eSE因為係獨立安全元件所以速度唔受干擾) 10) WearOS可唔可以用An 八達通？目前未有資訊話WearOS都可以用，留意後續消息 11) 體驗版幾時完/幾時出正式版? 官方話已正式公開, 所有Android用戶均可參與, 但無見到官方搞正式發布, 所以唔知係咪仲係體驗緊 12) 發現問題點樣反映？官方途徑係填「Android八達通意見問卷」另外呢度有八達通員工疑似有Mon住Post(已經半證實)，所以發現任何問題都可以直接寫喺度