讀書個陣有冇試過畀人欺凌?

以前小學個陣試過比人夾硬拎咗個筆盒
然後掟曬啲文具落地下 又畀人改花名係咁笑
搞到成日都唔開心同埋想摺埋
諗返起嗰啲同學嗰樣都仲係會好嬲
你地有冇試過以前畀人欺凌過？會點做架你地？

小學冇人欺凌人
有初中試過做旁觀者
但上到高中覺得欺凌好無聊，基本上會同班朋友一齊出言阻止

但到大學有本事欺凌人，就真係有本事

你會唔會weak咗少少？
我細個俾人蝦講緊我係會好堅強
會日日夜夜鍛鍊 將悲憤化為力量
因為我相信 凡事只要努力就可以成功！
就係咁樣，我成功咁樣訓練咗我嘅超高口才
一有人蝦我，我即刻大聲！
同佢講對唔住
佢就知驚

冇

我老豆係度做訓導主任

大學有本事欺凌人? 呢d唔叫本事，呢d叫冇家教同冇同理心，欺凌仲講條友有冇本事，你都好野

能夠出口去阻止其他人欺凌人已經好難得
你同啲friend都好好

中學個陣俾人扔粉刷, 去廁所俾三個人圍叫我俾錢入黑社會, 郁手推我俾我打到爆晒江要見訓導, 自始以後就冇人再欺凌我.

所以個d 咩忍一時風平浪靜根本係垃圾, 人係欺善怕惡既動物, 俾人欺凌一定要還拖

中三比人分左去C班，比班入面大佬蝦
蝦蝦下變左佢跟班蝦仁

真 你愈忍佢地只會愈嚟愈過份，最後直接爆佢地一鑊，佢地就唔敢再搞你

大學生嗰種欺凌唔係蝦蝦霸霸嗰一種
係錢，人脈，機會

當大家都想周圍r fd networking 嗰陣
大學仲搞欺凌唔係叫蠢咩 當然亦都係幼稚同唔成熟啦

幼稚園K1 ：一圍圍咁坐，有時派積木玩，對面條女係咁搶，我拎起邊件，佢幾乎一定嗌「我架！」然後搶。好彩既係嗰間幼稚園分兩批放學，搭校車走既會早走少少，佢搭校車，我唔係，所以會有一段空檔係佢走咗而我仲喺度，要呢個空檔我至有得玩。

K2：搬屋同轉校，新幼稚園係一行行坐，所以每個人界線、檯上積木係邊個都較明顯，終於唔使被搶，不過同同學互動都少咗，或者就係呢D單機玩法至較適合我呢種毒撚。

同時，我面上開始浮現幾粒墨，有一粒好大既，剛好喺鼻孔之下，有同學開玩笑話：「好似鼻屎」，同老母講，佢當然當笑話。

K2-小一，都叫做冇乜嘢。

小二，唔知關唔關粒墨事，開始被改花名「鼻屎怪」，唔係一個花名咁簡單，係真係當我有傳染病咁，傳簿嗰陣拎著我本簿，刻意只拎一小角，同時E口E鼻咁「哎吔，有鼻屎架，好污穢呀~~」，當然杯葛孤立就少不了。

小三，情況惡化，被推撞、整爛嘢、將我書包當足球咁踢，加上呢間小學校風同師資都堅係差，所以小三完咗就轉校。

小四，轉去一間耶撚小學，瑓來冇乜嘢，但開學冇耐，有人同我講，有條女好唔妥我，我不以為意。但我之後喺呢度既際遇，同喺之前既小學差唔多，只係唔記得仲有冇被改花名「鼻屎怪」。

甚至，呢個階段既小學生，日望夜望既畢業營(或叫教育營)，對我嚟講，卻係惡夢，我係差D做咗全級唯一一個唔去，結果極唔願意下被逼去。

冇畀任何人寫紀念冊(但有少數人畀我寫，而且全部係仔)，就毫無感覺咁畢業離校。

待續~~~~

仲有班年輕老師都唔成熟 埋些外向既學生 結果外向既更外向 內向更內向
有時仲拎學生發泄情緒
學生打交就扮看唔到 或者射下波

升中，只有3個小學同學升同一間中學，而且都係唔同班，即係中一課室，100%全新面孔。好傻好天真咁以為，終於有正常日子過。

結果開學唔知有冇一星期，又一個「鼻屎怪」車埋嚟，我又即時社會性死亡，一樣係被當有傳染病咁。

有人同我講，係因為嗰粒鼻孔下既大粒墨，我不以為意，唔知真假。

中二，進入青春期，開始重視自己儀容，同懷疑問題所在，要求父母諗辦法，解決嗰幾粒墨既問題。

對呢個問題，我老母就從來都係當小朋友之間既笑話，而家我態度認真咁要求，佢就淨係識黑面同沉默。

仆街老豆就一直都係呢句：「點撚解咁多個唔撚恰，係恰你呀？！擺撚到明係你既問題啦！......屌你老味仆街死啦去......」，冇其他。

同佢地嘈過幾次，幾乎家變幾乎自殺，我老母至勉強搵相熟醫生傾，終於喺中二復活節假，進行脫墨手術。

當然，型已定，改變唔到了，尤其我嗰間中學，初中升班係原班人馬唔洗牌，中一到中三都係同一班人，困獸鬥既嚴重，可想而知。

中三，已惡化到病入膏肓，勉強挨完中三，就半被逼咁走，以中三程度結束中學生涯。

轉校？當時學額邊有而家咁過剩？

90後00後可能唔知，以前年代，大多數中學，中三有6班(甚至更多)，中四只有4班，所以完中三後，會淘汰大約1/3人，本身連自己人都踢走，仲點會有位畀外人攝入去？加上我D成績........

某D人仲以為以前讀書競爭、壓力冇而家咁大。

待續~~~~

啱， 最可靠既係自己。 人地郁你 你一定要郁返人， 唔夠大隻就自己操返大隻

十年前，果班人玩我玩到盡…… 我又肥又成面倉，成日有人寸我，成日有人打我，學期初話打，過多幾個月開始屈我錢，一個接一個走埋嚟問我攞廿蚊。我蠢，又驚被打，次次都俾。 有時冇錢俾，佢哋就打到我開花。後尾為咗唔想再被打，我竟然自己開口：「唔好打我，我下次俾40蚊……」

之後就一發不可收拾，越俾越多，成個學期落嚟，自己啲錢俾晒出嚟，仲欠咗成六百蚊。開始冇錢還，啲人打得更癲。我真係頂唔順，日日返學都驚到震。

就係呢個時候，班上其中一個人——佢成日講笑抽水，但又冇份打我——佢走埋嚟同我講：「不如我借六百蚊俾你清晒啲數先啦，如果唔係你俾人打死都似。你欠我錢咪慢慢還囉，我又唔會打你！不過呢排我都比較手緊，我借六百俾你，三個月你咪還二千俾我囉！」

我嗰陣真係諗都冇諗，咩都簽埋張借據，總之有錢先頂住條命再算……

但幾日之後，學校突然爆出嚟話有欺凌事件，校長、班主任、甚至我老豆都捲埋入去。原來有人寫封無名信話我成日俾人打，仲寫埋我個名出嚟。校長火都嚟晒，開始查件事，結果成班有份打我嗰啲全部中晒伏，個個都俾人記過……

嗰日放學，我老豆捉住我，黑晒面攞住兩千蚊叫我還咗俾個人。還錢果陣，我話要攞返張借據，佢死都唔肯。我嗰刻心知不妙，第二日即刻同Miss講話佢借六百要我還二千，點知Miss一見到張借據，連反應都冇，當睇唔到……

咁樣無啦啦一個星期內，我就冇咗千四蚊。

但噩夢先開始。之後足足一年，我日日都俾人玩。成件事好似有隻無形嘅手操控住，每次發生啲奇怪嘢都同我有關。

有一日，上西史堂，全班最惡嘅X君唔見本書，搵晒都冇，報咗西史Sir，結果一搜書包，發現本書喺我個櫃桶入面，仲寫住我個名。我發誓我根本冇見過本書，但Sir唔信，直頭記過，仲寫封信比我老豆……

Lunch果陣，X君搵到我，打到我第二日返唔到學。

跟住，我每日返學都唔見教科書，後尾發現係有人日日偷走，丟落街，甚至將垃圾桶啲嘢塞晒入我書包。頂唔順，我買條鎖鎖住書包，點知最後成個書包都俾人掉咗……

放學返到屋企，屋企電話無端端成晚響，我聽電話就冇人講嘢，之後有時會不停收到奇怪嘅Fax。我頂唔順，最後要改電話號碼。

有一日，突然有廿幾份外賣送上門，送餐嗰啲問我係咪我叫，我連邊間鋪頭都未聽過。

成個學期，我日日過住地獄生活，但到最後一日，放學門口，佢竟然細細聲行埋嚟同我講：「成件事都係我做㗎。」

我嬲到忍唔住出手打佢，但我拳頭未落到佢度，成班男同學已經圍埋嚟——原來佢哋想打我好耐，一見機會即刻出手……

我最後連點樣俾人打都唔記得，只記得佢笑住望住我，然後轉身走咗。

中學過咗十年俾人欺凌都已經唔記得記晒啦
大學更加難一嚟可以直接走堂二嚟自摺就冇人識

下
有錢有人脈點解要欺凌人
冇因果關係喎兩件事

大學無錢無人脈都可以欺凌人
中學有錢有人脈亦都可以欺凌人

完全唔明你點得出呢個結論

有
試過俾人踩書包
dum我盒飯落垃圾桶
仲俾人笑我係單親家庭

玩就有
好似電影果種童黨燒屍、黑社會斬人
未去到果種極端

其實俾人蝦既人真係weak
我小學轉校初期，見有d人周圍搞鳩人，
d被搞既人就忍左/唔出聲，
條友就變本加厲，

有次條友排隊撞到我，我一野推鳩佢，
佢胸埋黎兇我，我死睥佢，同佢鬥頂
之前佢搞邊個都唔敢搞我。
俾佢蝦果d 最後變左同我玩

初中學都係，見有d仆街成日搞鳩人，
上堂掟波，個阿蛇又唔理，
有次掟到我，我就執起個波，
一野掟落佢度，再指撚住佢 大聲喝佢，
「玩撚夠未啊？」，
之後屌撚埋個阿蛇 唔管秩序，
果幾條友到高中畢業都唔搞我，
同埋到左高中，思想成熟左，走廊見到見都會hi下

所以俾人蝦既人係有原因，堅強d唔該！！！

中學嗰陣已經同仔仔做愛

笑左
「仆街死啦去」，我老豆都成日講
所以你果種無奈我好明

我諗你唔明我講乜
嗰種欺凌係可以笑笑口，約你去玩
但實際上只係佢嘅陪襯

又或者能力好高
從根底睇唔起人