做過HKTV送貨司機 你問我答

之前係HKTV做過幾年 越做越多on9政策所以無做

仲有舊同事做緊 答到盡答 自爆唔答

答左個最大路既問題先
點解成日唔跟我揀嗰個時間送貨

呢個情況最常發生係你揀左EV(6-9)嗰個時段 因為派晒就可以收工 咁當然想盡快派晒佢收工 但係最早都係18:30先走得

如果你係揀左AM(10-2)既話有機會遲到 取決於你住既地方 因為通常派邊個屋苑/邊一座先都會有個最順路既次序 如果你係尾門而又多野做就會令到你遲收貨

抄po死全家

「越做越多on9政策」 但你一樣都無講過
講啲黎聽下先啦

揀夜晚,試過11點半先送到黎,通知又無,道歉又無

試過買野飲同急凍件,屋企咁岩無人收,送貨果條友直接扔係門口就走左去,通知都唔通知聲,隔左幾個鐘返黎見到,真係痴撚線

冰鮮野買唔買得過?
有冇技巧點樣買法可以KEEP住D野凍

淨係搞左個8小時即日送達已經夠on9 對客黎講咪好 因為你極短時間就可以收到貨

只要係當日既晏晝一點前落單買8小時送達既貨就可以當日收到 但對我地黎講就用多左唔少時間 因為你又要4點幾5點返公司拎多轉貨 之後朝早同晏晝派過既地方又要再重新去多次

遲送多數都係做唔切 公司規矩一定要whatsapp通知左客人先 打電話都有機會唔計

如果有凍貨既話簽收只有QR code同埋簽名 如果你好唔忿氣既話你可以投訴你無簽過名但係就有人幫你簽收左 個簽名可以去e-mail check返

冒簽係差唔多最大罪 所以如果佢真係無經你同意就咁樣簽收左既話我建議你投訴

不過如果你想佢放門口既話就收到whatsapp之後盡快sd個qr code俾佢入機 唔係既話都唔知要等你個code幾耐無code既話佢都攞正牌拎返走你啲貨聽日再派

搵幾多？啲車係咪棍波為主？使唔使要19號牌？

做過一個月腳仔 係幾好搵 個個月搵3皮入職第一個月
但係真係辛苦

送私樓同公屋會唔會有分別
我送自己度每次都準時無問題，送去我媽度成日遲仲要試過送唔齊，過兩個鐘扮我簽收偷我貨，全部都係零食黎

我自己做嗰陣凍野會落返自己架車 咁我可以keep到佢一直係雪櫃入面

因為唔同送貨員對啲貨都有唔同態度 如果你介意啲貨有機會連埋包裝掂過地下既話就最好唔好買 當然呢個情況比較少見人介意 始終本身件貨都有佢自己個包裝 再加埋公司個膠袋 其實都唔會有咩問題 最重點都係驚佢溶左雪

溶左雪會係幾個時間出現

第一
雪櫃唔夠凍
有啲車個雪櫃壞壞地所以有時會唔夠凍 或者多凍貨得滯有啲貨都會好明顯唔夠凍 例如烏冬會feel到最外圍唔夠硬 無讀過physic所以唔知咩原因

第二
夏天既時候分貨
有見過落貨既話多數都見過啲貨會放晒地下度分 如果手腳慢又天氣熱就會好快開始融雪

第三
太耐未收貨
有時個客叫放門口 但自己無咁快返到 都會令到你收貨既時間件貨已經唔夠凍

如果你收到凍貨真係發現唔夠凍/融左雪既話就同返cs講 佢地會退返錢 正常情況下唔會影響到送貨員 所以可以放心投訴

我事後都有搵返客服講,果陣夏天黎,急凍野扔門口無通知就走左去

好彩果陣有金會員,上網噤個制就有人打比你問你咩事,如果普通VIP就仆街

搵個客服搵餐死

每個月最少4萬 但有啲日子要'包派' 即係成車貨只有你自己一個人做 唔會有跟車幫你 唔會有ot

近兩年開始買左啲自動波 如果你見到唔係典型貨車樣而係新款hiace既話就係自動波 但我自己唔鐘意揸 架車無乜轉向

有2號牌就得

要搵錢既話呢份工好好 但真係俾時間換錢 辛苦其實唔係特別辛苦 可能做開體力勞動

你指咩分別先

送私樓當然最開心 無凍貨既話無人就幫你放門口 但係公屋我自己唔敢放 個客俾人偷左野就有排煩

如果純粹想追討損失既話一律建議搵cs 話唔齊貨 九成會退返錢俾你 如果為啖氣就直接投訴

依家gold vip都唔係最把炮 出左個diamond vip 有啲日子cut左即日貨 但個DVIP唔會受影響

搵唔到人直接放門口又仆街啲既 我自己多數係放低乾貨拎走凍貨第二日再送

我做開文職 個陣入職係7月
朝早9點上貨 熱撚到
但係新入職一個月都3萬幾 好誇張

入職搵到3萬既話即係ot都唔少 同行黎講hktv應該真係最搵到錢 福利就ok既 19日假 每個月6日例假 有公司醫療卡

送貨完成之後個客為送貨服務個個評分對你有冇影響？

就係嗰個評分會影響 每個月最高平均分嗰個會有$500 mall dollar

另外公司話呢個分會影響花紅

不過無乜送貨員會care 只有少數同事會收工就叫晒所有客俾5星

如果自己包派，最高幾多錢一個月？

點解你地可以咁放心成車貨放係街邊走左去?? 有無試過因為咁而唔見貨?

以前有全職包派 聽過佢地講有6萬 我之前兼職包最高試過5萬幾

但包派唔係咁容易 首先你要熟左成個送貨流程先 之後你仲要做得快 最辛苦係你朝早要自己上晒成車貨 架車無尾板 你要逐件搬上車 你預每日一噸貨左右 自己上自己落

有興趣可以去入職試下做司機先 你覺得handle到既話就同主管講想試下包派 佢會再安排 但係你預啲線都唔會好好做 好做既都已經有人mark左

始終呢度係香港 未去到咁明目張膽既 就算成地貨都無人會搞 況且啲貨有晒包裝你又唔知係咩黎 最好既情況係你偷完又無人發現 件貨你又啱用/好貴 但最壞既情況係件貨又唔啱用 又俾人捉到 個成本太大

而且你唔係著住制服你去搞啲貨都幾覺眼 不過都聽過隔離區有人放晒啲貨上架手推車諗住轉頭做 放左係公屋範圍 點知做完手上嗰車貨落到黎成架車仔俾人推走左 嗰度好似幾千蚊定唔知成萬蚊貨 最後收warning同埋扣錢

覺得司機幾唔抵做，多少少錢但人哋喺車可以抖吓回吓氣，你就繼續揸車

有冇反過車