曼城2年前被英超賽會控告違反財務規定，涉及控罪達到130條，不過訴訟過程一直保密，上年底完成結果陳詞後就冇晒聲氣。曼城領隊哥迪奧拿日前爆料，指結果將會喺約1個月後出爐，並曼城近年花錢遠遠唔及其他競爭對手。
曼城喺冬季轉會窗狂花1.8億鎊買人，喺財務違規官司陰霾下，仍然做出呢種「燒錢」行動被視為瘋狂，不過哥迪奧拿就話：「我講咩都冇用，大家講到曼城就只會諗到燒錢，但事實上近5年，曼城係Big6入面淨開支最少球隊。」
哥迪奧拿更透露，備受關注嘅財務違規官司即將有結果，呢位西班牙名帥表示：「等多1個月，官司嘅結果同判決就會出現，到時我會就呢段期間發生嘅事發表意見。」
oncc
