簡單介紹下自己，坦白講我讀書唔勁，自修dse得科econ拎5**。
小弟讀U之前係新界某間小型補習社全職教過一年，我無咩名師所謂嘅幾多成學生拎5**戰績，果陣我教嘅幾乎全部都係band 2尾band 3頭嘅學校學生，有好多都係去到form 6開學仲係連demand supply都未熟果隻，果年我大部份學生都係拎5或者4，但佢地已經極滿意。岩岩大學grad，因為好鍾意鑽研econ呢科，所以而加全職幫人補緊dse econ。其實我真心覺得DSE Econ拎5**好易，係好似我呢啲不知所謂嘅廢學生自修左半年總分都可以拎到95%嘅一科。
廢話唔講啦，入正題。
因為而加先9月，我覺得未係時候出一份完整嘅mock，我岩岩出左一份20題嘅MC test，想分享比大家做下。S.4至S.6嘅同學都可以做，剩係做自己識嘅topic就可以。
坦白講呢份得20題嘅MC test我每題都有諗過度過，考嘅好多都唔係普通past paper會出嘅題目，好多都係我覺得學生應該識但past paper比較少考嘅概念，但亦都有比較淺嘅題目。如果DSE卷MC嘅平均難度係5，我份MC嘅難度個range應該大概係4.5-8。希望大家會花時間做下，做完會學到野。
LINK (暫時只得英文版，如果想要中文版都可以提出):
https://drive.google.com/file/d/0B7i8wwlNYPemNjRFOFAtdHJpclk/view?usp=sharing
純焠為左數據分析，做完份卷可以填返呢份google form比我睇下你嘅答案：
https://goo.gl/forms/1a6FWbxcOMnxO0jO2
答案同題解我會遲少少係呢度公怖。