啟德體育園零售館普遍日子人流少　商戶叫苦

啟德體育園頻密進行測試活動，做好準備迎接下月正式開幕，周邊設施已陸續營運，其中包含食肆及商舖的零售館已試業一個多月，在有測試活動的日子，會有較多人到零售館行下食下，但平日場內就顯得比較冷清。

有到啟德消遣的巿民表示，零售館比地鐵站旁的購物商場AIRSIDE遠，而且店鋪沒有太大特色，未必會到零售館消費；亦有人指，不太了解零售館的資訊。不過，有在零售館用餐的市民就認為，零售館以體育為主題，有較多運動鞋舖，具一定吸引力；亦有市民指零售館內的店舖吸引。

平日晚飯時段　零售館異常冷清 本台記者在一個平日到零售館觀察，午飯時間美食廣場內只坐滿一半，兩間食肆門外有人排隊等位，大部分是在附近返工的上班一族。在晚飯時間，只有小貓三四隻，有食肆一個食客都無。至於在星期六，零售館人流增加，美食廣場坐滿70%人。

在零售館的一間酒樓，在農曆年間有，仍有好多日子可供訂位。有奶茶店員工就指平日商場「冇乜人」，周末則會坐滿美食廣場。有滾軸溜冰用品店舖的員工指，平日人流「好少」，主要是長者，而零售館的店舖與AIRSIDE類似，相信巿民不會特登到零售館逛街或購物。有服裝店負責人就指，AIRSIDE分店與零售館分店的生意極好遠，對在零售館設分店感到後悔，認為政府宣傳不足。 有補習社負責人表示，有在其他新商場開分社，但商場在開業數星期後成為「死場」，相反零售館人流「算好旺」，課程查詢量亦比預想多一半。

九龍中選區立法會議員楊永杰指，零售館平日的人流較少，就算有大型測試活動，亦未吸引到觀眾到零售館消費，認為零售館以運動做主題，但場內有不少服裝及化妝品連鎖店和補習社，模糊了定位，認為要增加體育用品店，同時要加強宣傳。

應該唔會變九龍灣國際展貿中心既

新屎坑咁快收咗皮

去過一次，似。

體育呢樣嘢一定越多人越叻？

你把口好臭

冇show搞梗係無人去
啟德站或者搭巴士都係落車行兩個字都未必到

附近咁多居屋
又未入晒伙
變平民商場有得做

emax都有穿梭巴士
呢度除咗行一段路有冇方法去？

正常都唔會特登去果邊啦 ....

唔配合4天工作閑日邊有人去果度
靠$2搭車既消費囉

搞條扶手梯天橋囉，咁既距離無得搞

郵輪碼頭

有show就爆多人又唔講？

應該唔會咁差，郵輪碼頭係盡頭位，死位嚟，仲要有船埋岸先有生客。

但啟德體育園彈性大啲，可以搞大少event，人流點都好過郵輪碼頭

唔係預左既咩？
平日靠啟德居民，有airside sogo mikiki 競爭
你有event 果日就實人多，靠果水賺錢

咁遠地鐵站gg

做生意一定要包賺

每日派公務員去啦

其實咪同郵輪碼頭差唔多
無show果時

遲吓啲公屋/居屋入哂伙自然多人

遠都算，問題一定要on foot過去想搭車都冇

叫乜撚嘢苦有得做生意你執到啦滿意就退租

無可能衰過郵輪碼頭

開運動用品outlet, 要真係平，唔好再mark up 扮折
一定會多人流