陳夢今日最新出街嘅訪問
隊內通知佢放假,唔係自己申請唔參加比賽
之前出活動陳夢都話過自己會參加北京大滿貫
點知過幾日就突然退出北京大滿貫
新華社一月份嘅特稿寫得好清楚
馬龍早於樊振東陳夢自行提交退役申請表
樊振東陳夢同一日12月23日收到由中國乒協同WTT遞比佢哋嘅退役申請表,即日要求佢哋簽名
由頭到尾樊振東同陳夢都係比人ban比賽+逼退
中國乒協咁多年嚟應該都逼退過唔少運動員,運動員根本冇say默默隱退
劉國梁最估唔到係樊振東陳夢會自己企出嚟聲稱收到WTT退世排要求簽署,仲重申唔會退役
11月27號樊振東陳夢出聲明之後,唔夠一日WTT就串過貓王咁回應罰款唔係新規定,罰款合情合理,你唔遵守我嘅遊戲規則就bye bye
12月31日WTT宣佈樊振東陳夢馬龍世界排名除名,樊振東陳夢嘅相喺世排系統即時移除變咗灰色頭像(但馬龍張相又生勾勾喺到冇郁過)
輿論大爆炸,所有人都攻擊WTT,仲引伸到質疑劉國梁三位一體嘅職務
WTT就啞撚咗冇再回應 (1月頭出過post幫樊振東陳夢總結職業生涯,用埋farewell字眼)
1月開始樊振東省隊上海電視新聞、報紙連續一個月開炮攻擊WTT霸王條款,財政唔透明
2月突然宣佈樊振東陳夢獲得多哈世錦賽名額,然後又宣佈樊振東陳夢因為冇世排冇資格參加澳門世界杯,一日後又突然改口話上屆世錦冠軍樊振東有資格參加澳門世界杯
不過有資格唔代表會參加,2月中嘅亞洲杯樊振東陳夢自動入圍參賽,深圳主辦亦都宣傳亞洲杯將會係樊振東第一個回歸國際賽場嘅比賽,但1月尾公佈正式參賽人選嘅時候樊振東陳夢都唔喺名單內
馬琳透露陳夢自己唔想參加,王皓直接無視樊振東唔解釋點解佢冇參加
世錦同世界杯名額大家都推測係上面施壓,出完名額資格後,cctv即刻跟進報導樊振東陳夢有資格繼續參加比賽
今日所謂嘅改革,只係劉國梁玩大咗,死死地氣話你哋想比賽咪比你哋比賽囉
事實上世排前五嘅樊振東陳夢本身就符合所有WTT賽事嘅參賽資格,ban撚完人再放人去比賽唔叫改革
罰款問題WTT一直冇回應過,反而2025最新修訂嘅handbook總共有超過一百條罰款細則,你想返嚟比賽咪做我嘅atm幫我做馬嬲戲搵錢再罰錢