門逃 heretic

呢個位有啲誇張喎….

推一推先
呢套嘅關注好似嚴重不足

係衰爛尾 本身講宗教講得幾有趣

如果冇教會條友撳鐘成個trick點樣進行？

又係wor

長老係一定會黎搵人

佢兩個本身就係跟長老指示，去向啲有意了解摩門教嘅人傳教

不過到咗其他人都已經返咗嚟嘅時間，唯獨係佢兩個冇返到嚟

長老係一定會去跟返佢哋個list去搵人

如果長老知道嘅話一定會搵係真，因為我哋好關心同照顧姊妹傳教士。
但其實唔多會有長老指示其他人去exactly邊到傳教，好多是我哋係用感覺或者洗街咁去隨機同人傾計。我哋做傳教士係通常一pair pair咁自主計劃同決定每日行程。

當然都有啲特別原因係有list咁去探人，可能電影中就咁啱係呢啲情況。但其實耐唔耐都有新聞報LDS傳教士被殺。

利申：近30年摩門教徒，做過全職傳教士，開過你問我答。

你點睇戲中大富翁比喻
尤其係個隻broad game（唔記得咗叫咩名）比喻摩門教

傳教士被殺原因有無講過點解？
定d人只係純變態？好似殺狗、貓個d新聞咁？

老實講我無睇套電影，都無咩興趣睇，唔係因為佢講到有關我信仰，而係我真心個人唔太睇小品電影。教宗選戰之類都無睇。睇開LOTR個啲。

不過如果你唔介意嘅話可以講下個比喻我聽，我再講我睇法咁答。

另外呢到有幾條片係啲LDS youtube channel睇完再分析。佢哋睇晒再分析就一定詳細好多。
https://youtu.be/m-dWa9A8v5A?si=WaGXWlig87qbvzH-

https://youtu.be/LfDQoVaY2u8?si=Z4_1ybPh8sKEwBq0

Sor答漏下半部，我查返數據，似乎畀錯idea你。
教會總共派過447,969+傳教士出去，其中有525+人傳道其間死亡。但死於謀殺就應該少於50人。最近一次係2006年

https://www.foxnews.com/story/mormon-missionary-shot-dead-in-virginia

個list喺呢到
https://en.m.wikipedia.org/wiki/Latter_Day_Saint_martyrs

兩個女主角現實都係ex-mormon 仲有代入感

由頭到尾都冇講到男主角點解要咁變態捉d女人？
個動機係咩？
純粹貪過癮？
想同d 00後妹妹黎個深層次宗教辯論？
同埋佢間屋好似係教堂改建而成
最後end得幾好，明知祈禱係冇用，但依然照做，
所以最後miracle就降臨佢身上

我覺得唔係有奇蹟
只係佢幻想出嚟

大富翁個比喻幾好
Ending個open end都幾好

不過低成本電影通病
變左好多野想講同表達出黎 但個感覺係得把口咁

同埋好多位 如果你有探討過「宗教」既意義 可能都聽過好多
例如唔同神係左抄右抄 同核心思想既 宗教=控制


信教既人幾值得睇 去探討下自己既信仰

好似the man from earth咁一直用說話討論到尾應該正啲

終於睇左 好彩唔係鬼片個種驚奇
最好鍾隱喻，尤其blueberry pie

睇到最後個段剪手指甲，諗起自己養貓
其實都算係控制一種
唔好得過個d宗教

有啲期望落差
套戲鬥智係幾緊張

只係入場前聽聞講宗教講得好deep
諗住有咩學術性討論
但覺得Hugh Grant只係詭辯同玩小把戲

For real?

我覺得係因為香港呢邊個marketing angle有啲off咗
本身套戲比較似係講control, gaslighting, confirmation biases

宗教喺呢套戲比較似係整個故事嘅切入點
你見套戲其實touch得最少係宗教喺歷史中有啲教會嘅思想控制，亦有講宗教嘅教條主義中嘅altruism, sympathy

仲以為純粹用氣氛嚇大家，其實一直用疑問同實驗試兩條女
最後開門送走佢兩個

我花咗啲時間睇咗大富翁比喻

戲中佢話猶太教係原版、基督教係最受歡迎版本、伊斯蘭教係第二受歡迎版本，LDS係最受歡迎版本嘅Spin off。我就唔同意個比喻嘅。

我覺得用呢個比喻係好表面化咁睇。喺我哋嘅宗教角度中，LDS係神直接啟示嘅復興嘅教會嚟。復興嘅意思係未被人改變嘅版本。

事先我要強調我係用緊哋我哋嘅宗教角度去睇：
用board game比喻就會有原版，即係神嘅完整計劃。呢隻board game唔係扔嚟由得人自己玩，係一隻非常長嘅game，需要個由game designer指派game lead咁 lead住人玩（先知），否則啲人玩玩下就會自己理解錯隻board game。

呢隻board game一開始就亞當一代代傳落去，每隔一段時間人就會因為反叛而拒絕聽game lead自己玩。咁隻game就會被人改咗。喺摩西時代，啲人已經第4次拒絕game lead，再次自己加規則咁玩緊。開始第5次摩西將原game落返嚟，話畀人聽隻game係long campaign嚟，我哋玩到70%到啦，要準備game designer嘅最重要FLC（耶穌基督降生、贖罪同死亡）。

咁現代嘅猶太教已經係由原版到改變咗。又開始亂玩game，基督教喺耶穌基督開始傳道工作時，耶穌再次拎原版出嚟叫人玩。而早期基督教就係呢個原版嘅復興。

又過咗幾百年，我哋宗教觀點中，人又拒絕game lead（拒絕12使徒），喺最後一個使徒約翰都消失咗後隻game又畀人改咗。

1820年開始由LDS創教者先知約瑟斯密又拎返原版出嚟，直到而家。

Again，我知一定有人唔同意，但呢個就係我嘅睇法。Game一直都玩緊同一隻，只係人拒絕game lead先出現其他版本。假設原版叫Game P，摩西復興嘅就係Game P，係後人拎Game P改成猶太教。耶穌嚟話猶太教唔係Game P，就再拎返Game P出嚟。後嚟改成主流基督教。LDS先知拎返Game P出嚟。

希望解答到你。

btw想加句，套電影其實映射到傳教士好似啲講得好聽啲叫好單純，難聽啲叫蠢嘅人咁。

傳教士有傳道規則去保護佢哋，其中一條規則係傳教士唔可以單獨同異性喺一個私人環境獨處。電影中嘅場景，傳教士會寧願約過另一個時間喺教會見面，甚至姊妹傳教士會將佢嘅聯絡資料交畀長老傳教士，由長老去見佢哋。我自己傳教時都收過幾個咁嘅聯絡方式。

我識嘅每一位姊妹傳教士都唔會敲門傳教時遇到個中年男人，佢單純一句我老婆喺入面就信佢入去。LDS傳教士係nice，但唔會忘記考慮個人安全問題。

好睇喎 勁多批評宗教
其實都唔只係講宗教 好多野你信唔代表係真
莊周夢蝶都講埋 估佢唔到

2大女主角真人上連登