垃圾中伏拼多多，大家用之前小心

自己用開其他網購平台都已經好多年，
一直都冇咩大問題，依排睇到廣告話拼多多包郵，就諗住試吓。

Down咗個app落嚟睇，又真係幾平，十蚊就買到幾包廚房紙，既刻買咗啲日用品，加加埋埋百零蚊，
見到佢分開咗兩張物流單，就慢慢等啦

過咗差唔多兩個禮拜，有短訊話件貨已經到咗自提點，心諗雖然耐啲，但起碼最後都送到。

去到個自提點，見到成堆貨亂咁擺，得一個阿婆喺度睇住，咁就問我阿婆拎件啦。

點知兩張單淨係拎到一張，我問阿婆話仲有一張單喎，個阿婆就拎佢本啲字亂到阿媽都唔認得嘅筆記簿出嚟係到對number，之後話應該未到，過兩日再通知我嚟攞。

去到依度我都feel到中咗伏，張單十成十遺失咗，但我都照等幾日，都係冇通知，再去個自提點問過阿婆，佢都話唔知。

依一刻我想屌鳩人㗎啦，但見到阿婆都幾十歲手都震埋，佢打份工時薪應該都係得最低工資，唔關佢事都廢事同佢嘈。

咁我就上個app諗住退款啦，個商家就淨係識得重複話已經送咗貨，要我退貨先可以退款。搵個客服問佢哋淨係重複話幫我跟進，俾個物流電話叫我打過去，但個電話永遠打唔通，最後當然係冇退返錢啦。

去到依度我都諗住俾多次機會拼多多，不過今次就醒目啲，前後買咗幾樣嘢加埋唔超過$20，同埋揀咗用自提櫃。

今次個app都係分開咗兩張單寄過嚟啦，結果都係一樣。其中一張單通知我話到咗但根本冇送到，個自提櫃係吉嘅，我仲特登拎住個手機錄影住我開櫃個一下，心諗今次有晒證據一定實冇死。

點知我上個app要求退款嘅時候都係一樣，推來推去都係唔退款。最搞笑係個官方客服，我send段片俾佢，個AI客服話自己睇唔到段片，我要求轉人工客服，個AI客服就話自己係真人，來來回回問答幾次都係一樣。

我自己就決定永不錄用拼多多啦，大家用之前就預咗一半機會係收唔到貨。雖然拼多多啲嘢係好抵，我諗計返收唔到貨嘅機率都應該平過其他地方賣，但值唔值得嘥咁多時間又受氣先平幾蚊就自己諗諗

呢個係自提點問題定pdd問題呀？

送親都去順豐櫃/點架喎

買2蚊都順豐包郵到港喎好穩陣
關PDD咩事

係pdd 既官方合作物流就關佢事啦
影住個自提櫃冇貨都唔認數就真係吹漲

打咁大段野，我覺得樓主睇中亞婆想屌亞婆

咁係關物流公司同自取點事，
同PDD有咩關係

那請您拍一張未收到包裹的照片傳至小編

你退貨我咪退錢囉

咁重口味

你唔洗send message同商家講要退款，直接係張單禁僅退款，兩三日之後就會自動退

試左幾次收到件野之後覺得好垃圾，就直接退款，全部都退到，不過都係平野

或者係啦，
最好揀返順豐

強國都係窮人唔理質素9用先用拼多多，有啲錢都唔會用，係你班港豬又蠢又貪又唔認識祖國先至走去用比果少少錢又想要人有正常野比你

咁有錢嗰d用咩？

就係退唔到
申請咗拼多多介入都係一樣
依家個app已經話過咗時間自動確認收貨

買過百樣野都無事，唔知你做緊乜鳩

就係已經影住開櫃個下都退唔到錢

唔知咩事，我就未試過

可能拼多多同你八字唔夾

淘寶京東，送去北京香港同十八線嘅貨都唔同啦，供京供港冇聽過？
人哋個個都知一分錢一分貨，同一間廠同一款野你比幾多錢攞貨人哋就比幾多你，絕對唔會賺少一分錢

淘寶已轉會多多
野19樣 但平勁撚多
1蚊都免運 太屈
除非多多冇先淘寶買

利申：淘寶10年會員 消費左10幾萬
我愛多多

樓主原始人

唔係點會咁平

申請退錢個part

用家問題

試過SF 合包 漏左2件貨
係pdd 度催左 SF 差不多一星期
有客服打左黎2次， 最後搵得番件貨 補送番

其間搵個pdd 客服 , AI 自動退$

有無人pdd用菜鳥集運出過問題

今日第一次係pdd買野好驚