但最近一次過睇番有江華既劇，真係睇到如痴如醉，抽離唔到，覺得呢個人做戲真係勁到仆街
佢係《九五至尊》做雍正/李大蝦真係比到我一種做皇帝既感覺，無論係表情、講野語氣、用詞都完美演繹皇帝既神髓，睇佢做戲好有投入感，完全覺得佢有一種皇室貴族、博覽群書、見多識廣既氣派，完全做到果種皇帝生活係現代社會果種聰明睿智既感覺
係《尋秦記》做嫪毒更加唔使講，除左成個造型本身就好似一個劍客，佢做嫪毒果種奸直頭見到都會心寒，但奸得黎對宣萱/太后又可以做到鐵漢柔情既感覺，劇入面完全係睇佢同呂不韋既演技大鬥法
最後就係《楚漢驕雄》既項羽，佢可以話係西楚霸王既真人版，留埋濃鬚，粗眉大眼果個樣，再加埋講野個氣勢完全就係就係一個霸氣盡露，威風凜凜既項羽
江華真心係影視界既goat，無論做咩角色都入型入格，睇完勁有代入感，唔知點解果時會突然隱退
有冇人都欣賞江華
劉邦你呢個卑鄙小人!!!!!!!!!!!
