八字全部官殺係咪等死

2029嗰十年丙寅大運係你人生高峰

我都唔太識，都係 tup 返入去咋
佢話木火運就超旺

咁會係咩？ 身強？ 七殺格？

可以學術討論下

係咪指事業金錢?感謝

從殺格從土，火土大運幫你燒咗乙木做灰養土，所以發達。

睇返之後啲運都唔係差。條命忌水，之後大運係有水，但果啲水係無力的，最多係少少阻礙。由於係中年以後行水土運，所以會針對返水相關器官問題，例如腎同泌尿系統。少食太鹹既野多飲水。

師兄知你有做善事，好人一生平安。

係咪由24歲大運開始計順運到34歲咁
可唔可以解答埋我係身強定身弱啊麻煩晒你

丙火日主，戌月出世，用神必為甲木，其次係壬水，你原局已經有壬水呢粒七殺星，壬水有申子根氣，但係日主太弱，只有月令戌中丁火餘氣做根，原局又無木化殺，故此為殺強身弱，所以當你行到去丙寅大運嘅時候，就會變咗做殺印傷身嘅格局，必主異路功名，用得到個七殺星，都相信會有一定嘅名氣

係點睇架 單身咗好幾年唔少都係未開始已經結束

兩次都係被炒？

原局女命官殺混雜，本身好易吸引異性，同時時柱辛金透出，即係一定會有人同你爭仔

可唔可以解釋下異路功名係點?
另外都想問下姻緣...

從格唔係要睇埋大運咩 有幫身就唔入格

身弱
月令丙午火的確強

依個先啱

異路功名係古代係指自己打拼嘅事業，因為以前有科舉制度，所以考科舉就係正路，如果以現代嘅角度去講，謝霆鋒就係異路功名嘅表表者，佢個格局就係殺印相生，一路靠住努力去打拼咗自己事業返嚟

至於你問姻緣嘅，你原局又係官殺混雜，好老實講，我相信你身邊係好多男人對你有興趣，但係至於你揀唔揀得落手又係另一回事，簡單咁講啦，逢2/3字尾年份都會有姻緣嘅機會，拍下拖嗰啲應該冇咩問題，但係結婚就要另計

未用丁透
唔會弱
不過係官殺旺
用印護身

2018 自己炒自己 ，轉行

但唔適合自己，2019 比人炒，2019新工，2020初因為疫情再比人炒

2020 好似2月搵到工，5月自己炒自己，8月轉新工，跟住到依家

2020，2021同 2022 我自己覺得係最好，因為人工加得OK

時柱係會影響一世定某一個時期？
另外都想問吓呢幾年姻緣如何

如果你淨係問年月日時係影響幾多歲呢，八字入面的確有根苗花果呢一個嘅說法，但係你呢一個case呢就唔係淨係睇根苗花果呢一個概念，因為你原局丙火官星透出，官星代表你老公，本身八字入面丙辛係會相合，但係可惜你時柱有個辛金同你爭合，即係會同你爭男人

至於你想拍拖嗰啲嘅，六字尾七字尾年份都會有機會，即係2026，2027，因為今年係木火年，我相信今年立秋之後左右啦，都會有男人開始蒲頭搵你，咁因為你本身個夫妻宮係坐丑土，咁本身係屬於你嘅偏印，我相信你搵伴侶都係想搵個佢照顧你，多過你照顧佢嘅男人偏多，而夫妻宮係屬於四墓庫，我相信你都係唔介意你男朋友係咩樣，最緊要佢照顧你

呢到咁多高人，想問下其實出生時間使唔使用真太陽時?

因為從八字嚟講

你出世個陣已經計1歲

想請各位師兄幫幫忙，回顧自己一生渾渾噩噩，自己嘅想法好難實現出嚟之餘又諗多過做，內心有團火但有綁住綁住咁

雖然今年就大運年。

但我想問下點解呢10幾年我中意既女，追親次次都係有緣冇分

有冇高人可以指點五行無金又無水

喜用調喉在年月，祖上興隆或富貴，你呢個八字有個丁火喺年柱，再加上地支全部都係印星，我相信你屋企/家族都係有啲錢，屋企人對你嘅照顧都係非常之好，但係恕我直言，如果你真係想有一番成就，我勸你都係安分守己