男女應該分開作賽，天經地義

除咗男女嘅成長速度差異之外，仲有男女嘅生理所影響嘅腦部結構同思維都會令佢哋喺一啲主要領域上有明顯差異，所以分梯隊升學同考公開試故然係必須嘅措施，但係我哋亦唔應該忽略公開考試嘅模式嘅重要性。

現時公開考試嘅模式係嚴重偏重書寫(writing)同表達(expression)，本身係非常有利女性，因為女性荷爾蒙會促進腦部嘅陳述性記憶系統，讓女性嘅腦部思維更擅於書寫、表達。因此若公開考試模式係偏重書寫表達，普遍女性確實會比男性強。

所以要爭取公義嘅升學制度，係需要改變返個考試模式，亦即將考試嘅設計加入更多手動嘅成份。特別係，而家已經進入科技、STEM嘅新年代，事實上全球都需要更多砌機械人、手動VR虛擬實境遙距控制機械人、腦部空間記憶、電腦等等嘅人才。

所以，高中嘅必修科，本身就好應該盡快改返做著重理工科，例如將中英當做半科，然後一科數學，一科工學與科技，一科電腦，入大學必須全部最低level 3；

而公開試，係需要轉為大量考核手動。且呢啲手動嘅公開考試部份，評審準則係唔可以有任何性別差異，必須用同一準則，就正如語言科考試，對男女嘅評審準則唔會有分別，唔會理男性同女性喺書寫表達方面嘅腦部生理差異一樣。例如，考試可以係俾所有考生，喺45分鐘內砌好一個機械人，又或者喺60分鐘內利用VR虛擬實境手動控制機械人去模擬進行各種任務，例如運輸、物流工作、高空清潔、維修電纜工作，厭惡性設施嘅運作、核電廠內部維修，甚至係為軍隊運送物資同埋作戰。

以上呢啲內容全部都係嚟緊世界嘅大勢，無論係低階層嘅清潔運輸，定係複雜嘅工程同國防，未來都需要使用大量嘅遙距控制機械嘅人力資源，而且進入新工業革命嘅機械科技時代，使用機械亦會變成所有人嘅日常生活習慣，例如使用家居智能機械人進行各種生活上嘅活動。所以從中學同埋公開試起，就要大量訓練同考核學生喺呢方面嘅技能同知識，以適應嚟緊呢個人類新文明時代。

到時候，可以想像某些處於劣勢嘅群體就會指控所謂「唔公平」，因為公開試如果大部份係手動、體力消耗，普遍而言，女性就變返較為劣勢（但當然唔排除部份女性非常優秀，比男考生更擅長作手動活動，而同時有少部份男考生非常弱嘅可能性）。主觀預測，屆時大學男女比例將會逆轉，由女性60%男性40%變成女性35%男性65%。

所以，本身大學女多男少，其實並唔係因為所謂「男性廢」，而係現今落後嘅考試模式仍然係極度偏向書寫表達，本身就係蝦男性。而且呢個考試模式喺而家呢個年代已經不合時宜，例如語言都已經可以用即時translate軟件解決到問題，重文科表達嘅各行各業如需要draft e-mail、draft信件嘅公務員、秘書性質嘅文職，已經可以用AI自動generate出比自己寫得更好嘅文章書信，所以公開考試當中嘅書寫表達其實已經唔係第一重要嘅嘢；反而人類嘅科技、控制、使用硬件嘅技術、能力要更上一層樓，以至達成普及化，就需要依賴高執行力、手動力量、專注力同埋體力消耗各方面嘅承受能力。

簡單而言，而家大學班既得利益女性，只係食住一個既落伍，又對男性唔公義嘅考試模式，先至會口出狂言去話男性廢。點樣設計個公開試制度，從而令邊一方嘅優勢發揮到出嚟，先至係關鍵。而現今世界大勢，本就需要更多具男性優勢嘅人才。

男女應該分開作賽，天經地義

講得好感謝您！