失戀/感情/壓力問題加油援助區86

多謝你

通常佢見你卻步就會向你傾訴同男朋友有幾唔夾
盡最後嘅努力俾啲希望你
但到你叫佢分手時佢又唔會肯
咁你就會知大概係咩事

啪 啲筆斷曬

又返工，好想死

唔知算唔算感情問題 但唔知同邊個講想係度9up下

簡單黎講就係佢覆msg覆得好慢 但好多時我覺得係單純佢唔想覆 明明好多佢自己講做緊嘅野其實唔係真係睇唔到電話(至少我覺得係 唔排除真係我錯 但我不嬲都可以同時做幾樣野所以真係唔係好理解到)

同女朋友long d 其實都係啱啱開始 佢返份工好chur成日都好攰 返緊工基本上平均只會online 1 2次 呢個當然唔係問題 我自己返工都唔會係咁拎電話出黎
但問題主要就係佢放工成日都好似好多野做同手腳好似特別慢咁 明明放工返到屋企到訓其實都講緊有6個鐘咁上下 但佢可以日日差唔多11點先得閒傾計一陣咁跟住就要訓 11點之前就講一句答一句又唔見左人

我其實唔知實際上佢放工係點 因為我冇得睇住佢做咩 更加唔會要佢報告幾點做左咩做左幾耐咁痴線 只係我成日心中有呢個疑問

有時佢會同我講係去左煮野食野煮第二日lunch 做家務之類 但我個腦都係好多問號但又唔好意思講
例如點解煮野食野會完全打唔到字 明明我自己煮野食野都可以 煮野又唔係講緊大廚比賽咁計晒時煮九大簋 講緊都係煮一份仔自己食姐 實有時間攝到用電話㗎喎唔係咩 因為我自己都會一路煮一路睇下電話 煮少少野邊有咁chur
食野更加唔使講 你話約fd出去食都話當你傾計傾到完全拎唔到電話出黎
但係屋企自己食真係會用唔到電話咩 現代人有邊個食飯仲要係講緊自己食係睇唔到電話
總之基本上就係佢差唔多每日明明都係正常放工時間 但可以去到11點先真係坐得低咁 跟住12點又要訓了 我同其他fd仲講得多野過佢

講埋我自己:
當我7點返到屋企 我通常一黎就沖涼20min 跟住沖完就煮野食野通常都係1hr以內 當我食野沖涼再慢D計埋我爆個石其實都係2hr 煮野就算要煮第二日lunch都係煮嘅時候一次過 唔會多幾多時間
做家務又唔使日日做 咩洗衫個D都係講緊放一放入洗衣機就得 仲要我會沖完涼就放 煮完食完就差唔多可以收再涼埋 涼個衫最多咪15min
以上全部野講緊除左沖涼都可以用電話 唔係話一定會死拎住部電話狂傾 但絕對用到電話邊做邊打幾隻字

想問下係唔係其實大部分人都係做完一樣還一樣 姐係唔會等緊洗衣機/食物熟嘅時候做定其他野 其他野包括其他要做嘅家務又好 覆msg又好
一定要等到眼前樣野做完先會做其他野/用電話
其實係咪我先係少數會攝得就攝 時間慳得就慳嘅人
我成日都諗住一句: 有心覆你實覆到 係你未夠重要姐
有冇人可以話比我聽其實我咁諗係錯

咁喺香港/追到佢之前有冇呢個問題？
我覺得覆得快慢都係個人喜好
反正都係同你閑談吹水嘅話，又唔急於一時
你自己覆得快唔代表佢就要覆得快
全世界 multi task 到唔代表佢要違背佢做事的意願
你係用緊自己把尺去度人哋
咁總會係對方唔著的

呢個係我心情唔係最好嘅時候就會出現嘅諗法 你下面個兩位巴打嘅回覆就係我理性d嘅時候嘅諗法
唉感情野真係

我都覺 我好想係佢第一順位 但我又feel到我唔係
但我近排都開始試下唔好放佢係第一了 可能咁會舒服d

一開始應該好d 交帶得多d 不過呢d預左
真嘅 我可以覆得快其實唔應該要佢一樣覆得快 只係會諗好多野
其實呢樣我都冇特別同佢講 自己上網其他人講下算
反正係你嘅就係你 佢想覆就自然會覆 逼佢只會有反效果 我應該再睇開d

而家嘗試緊focus自己度先 得閒先覆佢
你啱 如果佢次次一講完野我就勁快覆可能會令佢覺得太chur

真 雖然心入面都係好想對方同自己一樣

人就係咁犯賤 真係想打撚死自己 明明一開始係諗住做朋友就算 我已經好撚努力咁控制自己唔好真係鍾意左人 得閒咪ig傾幾句 完全冇壓力又唔使煩佢點諗 做緊咩
點知最後人地一步一步逼近嘅時候原來自己係0防禦力 屌你老母自己都唔知自己幾時同佢開始左 大家完全冇講過咩就好自然咁做晒講晒男女朋友會做會講嘅野
毒撚就係咁撚易溝 平時少人關心人地講幾句就心動

阿 Q 啲諗
long d 好多時唔 work 係因為寂寞時識到新人
佢鐘意自己做自己嘢獨立嘅性格冇咁需要其他人解佢嘅悶
佢唔咁秒覆人亦可能杜絕到啲霧水姻緣
可能咁樣反而幫到你哋維繫段 long d 呢
一杯水係半空定半滿
點諗係自己控制到的
總易過控制人哋點做

你同我出街瞓

尊重啦