老移民集體回憶

今日無喇喇諗起，有冇人仲記得有長途電話卡呢樣野，以前喺美國會喺啲士多雜貨鋪liquor store之類既地方買到，5蚊到25蚊咁上下已經可以講好耐。
之後就轉左用Google voice打，再之後就用app。

之前有用過
一到農曆新年就好難打得通

我老豆仲話有d會呃分鐘

我都有呢個印象
Redial又好撚麻煩，要㩒個水蛇春咁長既pin

有可能仲有得賣
唐人埠仲有好多阿婆唔識用智能電話

美國喺80年代有冇好似英國咁 有舖頭 係可以租到tvb劇嘅錄影帶舖？

80年代我先出世
租帶就印象中去到2000年代頭都仲有，有賣下vcd 又有cd dvd賣咁，賣埋報紙雜誌漫畫都有，之後執下一間又一間執晒。
以前嗰啲鋪好多係早年移民黎嗰啲阿姐喺唐人街過日神同街坊吹水咁做，自己鋪冇壓力，好多買屋買鋪一早上晒岸

巴打資歷仲耐過我連登好少見

千禧年左右 係英國有唔少 香港華人嘅家庭 都安咗鳳凰衛視 我去探朋友 去到佢屋企 見過佢阿媽睇 不過全部好似係國語定普通話 因為冇學過國語 唔係好知電視噏乜

美國 啲人收唔收到鳳凰衛視？

應該有，我都記得去人地屋企睇過台灣綜藝，又去條女屋企佢阿媽睇日文節目。當年(宜家應該仲有) 係個個都會有普通收費既tv cable，幾十蚊個月，如果淨係得天線只有本地十個八個免費台睇，MTV呀discovery channel嗰啲national channel要cable先有，咁你再俾多啲錢廿蚊咁上下就可以sign up一個外語頻道既package，佢分晒中文，日文，西班牙文咁，睇番地區咩族群多啦，我印象中中文頻道個package當年呢邊好似都係冇廣東話頻道既

我記得我細個喺美國讀書 TVB好似已經喺美國有個電視台㗎啦喎
之後周街啲唐人 接近100%都係講廣東話 如果你報警嘅話 直頭可以要求一位識得講廣東話嘅警察到場

唐人街直頭一定有舖頭可以租港產片攞出香港劇集嘅DVD VCD 錄影帶

不過點都好 過咗咁多年 亦都好多不同國家確實生活留學甚至工作過 對我嚟講 最好住最鍾意真係香港冇辦法

嘩巴打幾多歲

係啦，BT係嗰期，如果我有朝一日會拎啲陣年harddrive出黎執可能仲會搵到一兩套尋秦記同彊屍之類成套rmvb format既劇出黎
當年細個真係會有思鄉病，宜家返去行個圈飲餐茶打個冷掃一轉葵廣已經夠皮想拿拿聲返美國

廿年前英國sky tv有鳳蝗衛視

美國真係好正，任何香港嘅嘢係外國一定係美國有先

肯定係加拿大啦，幾時輪到美國，兩國香港人數量完全唔係同一個級數

租帶睇tvb

租過帶應該年紀有番咁上下，以前啲人仲好興dup帶添

溫哥華同多倫多八十年代各自有幾間戲院專上香港首輪片，同香港一樣分晒院線，仲開午夜場，啲戲院到後來，香港人開始回流同有Vcd之後就執晒，所以而家要去Cineplex睇香港片。


93年新時代電視開台，之前得啲細cable台,新時代無線有份，所以時不是時有無線藝員嚟做show。除非要追無線劇追得好貼，可以唔駛租帶，大show就遲兩個禮拜播，香港新聞即日。

中文報紙分加東加西版，最貴就隔日空運香港版，壹週刊都係空運過嚟，仲有得租。

睇完上面嘅回覆真心respect 以前移民嘅香港人
係果個咩都冇嘅年代究竟點樣先可以頂得順唔思鄉

答得到果啲巴打有無50up

細個加拿大讀書有dup
會寫哂邊套劇