姜大衛兒子姜卓文自爆曾遭欺凌
最近，Podcast節目《Roll機》在IG上發佈了姜卓文分享自己曾被欺凌的影片，並留言：「其實Bullying真係可以令到受害者有好大嘅創傷。事隔10幾年，細John終於有勇氣可以share呢件事。其實每一個人都會有受過傷害，或者有一啲自己覺得好丟臉、唔見得光嘅經歷。呢一集嘅Roll機，證實咗俾大家睇，其實學識放開，勇敢地表達出嚟俾你身邊最親近嘅人，係會幫助到我哋去療癒呢一啲傷痕。Peace and Love Everybody，Thanks for listening」。影片中姜卓文說：「我以前畀人欺凌，啱啱返嚟香港，又鬼仔又肥仔，跟住又唔講中文。咁嗰時就有一個人就同我有啲唔啱嘅，去到中二啦，佢就有兩個好close嘅，佢哋又好welcome我入佢哋個group，幾個月之後我就feel到佢哋有轉變，bully我啦，挑撥離間啦。」
姜卓文被同性性騷擾
其後姜卓文又說：「我哋去咗我屋企玩，我就同呢個人喺房到，同埋另一個朋友。佢嗰時寸我就係x唔到旗，然後叫我『你打到，你打畀我睇吖！你睇吓，我得㗎！』跟住佢就喺我面前打X機，咁已經係一個變態行為了。咁佢問我『你得唔得呀？』跟住我就除褲，坐喺電腦前，結果佢影咗我相。第二日返學就唔同晒啦，佢send晒出去啊，呢啲先叫丟臉呀嘛！」影片發佈後，不少網民紛紛留言：「嘉許你勇敢面對，同放下過去」、「應該報警拉佢」。而姜卓文亦在IG Story中留言：「站起來對抗欺凌！你永遠不會知道別人經歷了甚麼，也不知道你的言語、舉動如何影響別人的一生。感謝你們溫暖的留言，我現在已是個更好、更強壯的人，我喜歡我的生命，我的朋友和家人。最重要的是，我喜歡我自己！」
