前HotCha成員Winkie荷爾蒙失調
黎美言最近擴大生意版圖進軍美容業，公開招募合作夥伴，日前她在Facebook分享她跟一眾有意成為夥伴的人士介紹美容產品影片，見到身穿西裝外套的她，身形爆脹不少，外套更有點不合身。黎美言翌日發文解釋︰「大家唔使再問我！係呀，肥咗好多，因為我荷爾蒙嚴重失調，呢幾年屬於Recover靜修嘅日子。我想講屋企人突然離開，大數據顯示，大概需要五年。好彩我有信仰有上帝，畀我最大嘅平安。我就係好努力讀書同埋工作令到我有啲寄託，所以根本上我呢幾年都冇去商會，唔想見人，淨係想一個人靜靜地叉吓電。我而家fully charge battery ，我接受咗呢件事，所以成日話為家人而戰，細佬在天之靈都希望見到我積極面對生活。而家努力面對荷爾蒙問題 ，一定能夠盡快修復！作為一個公眾人物 係呀，肥咗都要同人交代， 多謝大家關心！」一眾網民都叫她加油和保重，身體健康最重要。
2007年，黎美言與張惠雅（Regen）及張紋嘉（Crystal）組成HotCha出道，直至14年拆夥，2022年張惠雅在一個電台訪問大談HotCha往事，令黎美言大為不滿，於IG公開鬧爆兩位前隊友，直指一直以來都受到欺凌，因此試過嚴重抑鬱，又試過參加《G1格鬥會》時，被張紋嘉好友暴打而放棄繼續比賽。黎美言早已封鎖兩位舊隊友電話號碼，並強調大家要放棄對HotCha的集體回憶。
Winkie胞弟角樓母患癌
除了兩位舊隊友令黎美言大受打擊外，其胞弟黎嘉駿於2020年10月從灣仔寓所高處墮下倒臥平台，終年28歲，也令非常疼愛弟弟的黎美言心如刀割，當時她曾發文表示「這一刀很痛，這一個傷口很深」。去年黎美言為讓自己振作，完成了包括有伸展及運動治療師、健康管理師認證、恒生大學頒發可攜式光療師證書（了解細胞修復）、正向心理學導師課程、保險理財及投資策劃顧問、Online Marketing數據培訓課程，但她同時透露母親患上肝癌，家中的愛犬亦年事已高，需要花長時間照顧。翻看黎美言的社交網，見到她多以寬身衫示人，或許因壓力導致荷爾蒙嚴重失調而暴脹。
