荷蘭fans講荷蘭

呢幾年球員既質素同才子(van Perise, van der Vaart, Sneijder, Robben) 比一定係差左, 但一定唔係差到要輸比冰島, 保加利亞, 落到變2線係事實, 但絕對絕對唔係3,4線波

變到咁, 好多問題, 先講2個

青訓轉左型:
不嬲都係, Ajax 好, 荷蘭好, Ajax呢10年,8年都係海外買20歲左右年青球員, 再培育, 所有中軸線, 都係差唔多買返黎既, 冇荷蘭本土球員

中堅: Alderweireld Vertonghen Vermaelen Sánchez
中場中: Eriksen Ziyech
前鋒: Suárez Milik Dolberg

如果以上每個位都有個荷蘭本土人, 串連, 組織 已經好好多

主教練不停改變戰術同方向:

雲馬維克 – 2010同2012 係我最唔鐘意荷蘭既時期, 變得攻利, 由控球在腳, 變左打防反, 不過4大都係高鋒時期, 所以有好成績

雲高e – 改打3後衛, 打大腳波比Robben 跑, 經中場分波少左好多, 不過正正咁樣, 少左暴露荷蘭既弱點 (中場中軸線球員質素下降) 所以2014打得十分十分之好

希丁克
太老了, 戰術係10年前既433, 仲係打控球在腳,分波 仲未留意到荷蘭本身既弱點, 中軸線差同老, 未必可以再做到波, 而且仍然重有3大才子, 所以Euro2016分組賽未完就byebye

Blind , 一個字, 極度廢, 經驗唔多, 有唸過改變隊波, 已經比較多用後生仔, 但係冇戰術可以比到班波, 作客對保加利亞, 中堅用de Ligt, 輸2球都關佢事

艾和卡特 , 又重用返班老野, van Perise, Sneijder 仲可以踼國家隊都過份

所有教練都係戰術同方向都唔同, 不停變, 最後生個個係56歲既Blind, 國家隊同荷蘭足總都冇一個長遠少少既目標, 呢3年係白白浪費晒

展望
希望首先搵到一個後生既主教練, 高古, 雲邦荷斯, 至少思維會有新衝擊, 再訂立更長遠既方針, 希望3大球會可以重用返多的荷蘭本土年青球員

我覺得目標依家應該放係2022年世界杯, 至少依家有好幾個我都覺得好好波既新仔出左黎, 全部唔過22歲, 過多5年top fit

後防
Fosu-Mensah de Ligt Tete Karsdorp Aké Riedewald
中場
Vilhena van de Beek Bazoer
前鋒
Justin Kluivert Bergwijn El Ghazi

我鐘意左隊波25年, 92euro細細個覺得柏金好q 勁, 之後到96個班Ajax, 再到4大, 見到依家連Euro 2016, World cup 2018都入唔到, 唉, 都好心傷, 希望黎梗2場波, 可以大抄白俄, 再狂抄瑞典爭第2

只係睇到個積分表, 有感而發, 打左咁多野

唔係荷蘭fans但好想佢地入到
真係唔想睇d正選都識唔晒嘅球隊入到
加上洛賓最後一屆了

請朗奴高文啦
有料限米煮限反打簡單波

請朗奴高文啦
有料限米煮限反打簡單波

等愛華頓fans入黎屌你喇
兩兄弟都垃圾黎

高質荷蘭fans

2018唔使諗啦 早d出局諗長線
琴晚贏3:1 好似好勁 但有睇都知進攻靠晒左路單邊 白連特既出波 好彩係佢琴晚出波勁 佢無態係會底線傳底
前線贊臣二線料 做下支點無問題 但埋門9流 平時球會又無時間踢 點會有態
右路洛賓明顯回塘無咩貨賣
出到線都無用啦

2018唔使諗啦 早d出局諗長線
琴晚贏3:1 好似好勁 但有睇都知進攻靠晒左路單邊 白連特既出波 好彩係佢琴晚出波勁 佢無態係會底線傳底
前線贊臣二線料 做下支點無問題 但埋門9流 平時球會又無時間踢 點會有態
右路洛賓明顯回塘無咩貨賣
出到線都無用啦

完全認同,
尋日左邊係最大威脅, Blind留佢係左閘就係貪佢出波好, 尋日佢出幾球波落點力度都好好, 但係一冇態, 真係好垃圾

贊臣只可以講既hold到波, 身位有, 但係last 個一腳, 真係好垃圾, 蜀中冇大將

Robben 34歲, 都冇要求佢再做到幾多野

尋日場波, 好在有出 Proepper, 至少打幾下後抽, 分下波, 都已經好足夠, 點都好過用Sneijder, 而且右閘Tete , 去左Lyon 之後進步好大 助攻助守

都知出線都唔會去得耐同遠, 但係作為fan真係好想自己隊波可以出到線

青黃不接真係大問題
宜家仲用緊史奈達同robben

而家呢隊零默契

樓主點睇韋拿老母？

巴打點睇14年荷蘭
個屆後防比前線球員變動較大？
彈起左基利臣迪維積真馬特依d我印象打得唔差，但之後好似回哂塘咁

14 年迪維積 華拿 因迪做正選, 3中堅, 3個當時既個人能力唔好, 而且個時唔多球隊用3中堅, 變相其實完全彌補到好多缺點, 防守有多個人, 包波都容易好多,
控球個時, 好多時候大腳比Robben 跑, 佢地既缺點完全睇唔到, 只可以講雲高e個時真係好了解隊波, 唸到呢個戰術

施利臣, 巴塞都應該係貪佢用波好, 唔會下下大腳先買佢, 但係上年都冇咩出, 我覺得佢比人感覺一的都唔穩陣, 龍門冇咩人用, 先用佢, 只係希望留黎梗呢年, 再進步大的, 先變到一個比較可靠信賴既龍門

迪維積係好波既, 不過佢易傷, 上季, 由季中踢到季尾, 冇傷, 表現好好, 之前都有傳祖記想買佢, 有佢係到荷蘭防守會好的

真馬特就唔得啦, 係英超中遊都係踢到麻麻地, 勤力有餘,防守助攻都一般 但係衝動, 易拎紅, 唔應該係一隊強隊做到正選

我覺得依家一定係雲迪積最好中堅黎講, 佢可以係成隊荷蘭, 最有卡屎既球員, 希望佢快的可以出返黎踢, 10月對瑞典場波, 一定要有佢係到

Sinkgraven點睇

樓主點睇韋拿老母？

根本佢係一個打邊出身既攻中, 唔係一個防中, 波底好好, 你見佢fit個時帶波過波, 後上射門係完全冇問題,

依家見佢, 要做防守, 追波, 分波, 呢的都一定唔係佢善長既野, 但係比上年都已經進步唔少, 佢既可索性好大, 我會覺得如果佢係利記keep 住做到正選既話, 黎梗呢1,2年佢既表現一定會仲好, 我都想佢越踢越好, 因為荷蘭係好需要一個世界一流可以分到波既中場中

幾時再出返個施多夫或者戴維c果d髮型既中場
防守落剷果陣型到痴根

hi荷蘭叻

Sinkgraven點睇

講真, 我覺得佢麻麻地, 佢傷多過踢, 出返黎, 都一定唔夠 Ziyech, van de Beek 爭中場踢, 唯有打左閘先可能做正選, 但係咁樣進步又會幾大呢?
佢可能要再等Ziyech轉會 , 再加上自己有進步先做到正選

拉素都好似有兩個中屋唔錯，仲有普美斯唔差，當初應該徵召ziyech，咁中場都有d創造力

文沙

荷蘭橙留名

btw, Riedewald 算數啦,廢到

文沙

萬博

VVD係咪black list左？

正路就雲迪克拍迪維積，一剛一柔最好。
龍門就冇個掂㗎喇。
中場佐迪卡斯本身幾好，點知踢英超見唔到佢有咩優點。
Wilnajdum係成個中場線最有競爭力嘅一個，真係有啲似施多夫。
Van de beek有大把進步空間，希望佢唔好做錯轉會決定。

VVD係咪black list左？

recovering

7年荷蘭橙
其實最新一代荷蘭唔算太差
見阿積士上年歐霸都入到決賽
陣中比早幾年已經多返好多本土球員
我覺得依家最大問題一定係領隊
荷蘭從來都係一隊打戰術既球隊
唔似西班牙 法國 德國成班天才波都夠贏
但要搵到個識set戰術既領隊已經係v92
唯有寄望2020年有個好啲既領隊
帶領依家20-22嗰班後生仔成長到
始終依家25-30嗰班真係好唔惦