梅啟明遭高院頒令破產 斥法官「夾硬嚟」：我無話唔還錢！

15:34 2025-01-27

已故「樂壇天后」梅艷芳胞兄梅啟明，前年於銅鑼灣「水門雞飯」餐廳工作期間失重心倒地，向餐廳追討工傷欠薪敗訴，之後再上訴失敗，連本帶利拖欠餐廳4.8萬元訟費。梅啟明今日（27日）於高等法院反對破產呈請，提議分期六個月還款，庭上指「我兩餐都成問題」。但法官陳靜芬指梅啟明未能向法庭提供合理的反對理由，遂頒令梅啟明破產。

梅啟明稱沒有收到債權人商維餐飲管理有限公司寄到他家的誓章，又指他工傷後入院，僱主至今沒有向他賠償，要求4.8萬元訟費連利息分六個月還款。梅啟明指自己「兩餐都成問題」，需待工傷官司勝訴後獲得賠償才有錢還款。債權人指它提出為梅啟明驗傷但他卻拒絕。

梅啟明被判正式破產後指：「我無話我唔俾錢，我無話我唔還（錢），無理由強迫我破產，文件我又無收到，夾硬嚟嘅」。陳官稱：「我唔使你教我做嘢，我已經頒咗（破產）令」。梅啟明表示他會考慮會否就其破產令上訴。

梅艷芳72歲的哥哥梅啟明，去年10月時宣布將第三度結婚，他更在梅艷芳生忌當天召開記招，帶泰籍女友查頌美（May May）宣布婚訊。由於梅媽2年前與梅啟明疑因錢失和，梅啟明未能見到梅媽，他更在記招公開尋母，其後被梅媽狂轟趁梅艷芳生忌搞事。梅啟明更被第二任太太Joey指恐重婚，Joey提出大量證據指二人未辦離婚手續，亦沒有分居6年之久。10月底，Joey更公開報案紙，指控梅啟明家暴及虐兒，透露梅媽縱容兒子酗酒習慣，家事大公開再成為大眾茶餘飯後話題。

案件編號：HCB 7513/2024

佢老母呢

4萬8 都批破產 , 破產易左咁多?

梅媽無比生活費佢

唔還就破架啦

之前有個frd 欠債十幾皮申請破產個官唔批, 申請費都蝕埋

主要係個官都唔鍾意佢

梅覃美金（1924年3月10日—）


100歲仲健在，過兩個月101

佢都係一手好牌打到爛晒

有咩好牌 ? 梅艷芳啲錢完全唔關佢事, 佢痴住老母先有得做大少

七十歲人仲on99咁

佢老母真係害左佢

無話唔還不過冇錢還
結果咪一樣

梅媽係咪要洗晒梅姐份遺產先捨得死

有個老母每個月收入有25萬都唔叫好牌？

真 拎廿皮買美股一早財自

梅老母個個月還緊律師費 , 自己都未夠洗 , 梅啟明做跟班分得唔夠兩萬, 二奶都睇佢唔起

仲未死 痴撚線

咁就俾佢老破，似幫佢多啲喎

因為佢真係冇能力還

佢唔肯破產
係唔係驚個老母一死
點都有d錢留比佢
到時會分唔到呀

4萬8 夠出糧畀兩三個人喇
而家飲食業生存咁艱難 我都好理解餐廳唔接受佢分期
分6個月畀 6個月後都唔知捱唔捱得住
老細唔食啲員工都要食架

佢老母死左咪拎到冚家d遺產

佢老母死咗剩返嗰啲會捐咗佢