油卡/入油折扣討論區(48)窮撚/新手專區 [大貓加得快油劵全面進場]

死線戰士 · 2025-01-27T14:12:26+08:00

上一個post: https://lihkg.com/thread/3837537/page/1 利申先：並非任何油卡agent，資料唔係100%完整。現時香港有5大油公司，基本上油價都係一樣，一般都只係靠油卡同油券提供優惠。以下為小弟已知嘅油卡資料： Shell: Shell Go+ App 優惠1：逢一四直減$5，古稱水魚日優惠2：逢二五日用city 信用卡減$7.2 /8.2 優惠3：逢星期六貴油3倍分優惠4：逢星期三，全線免費升級，清水灣道油站日日免費升級 Esso: 現金卡：基本Smiles卡-$1.6,可以配油劵用，逢星期二同星期五減-$7/$8(不可以配油劵)重點係儲積分可以直接用嚟入正價油。開張/執笠卡: -$6-8.5不等, 平時無得申請, 有油站開張/就快執笠關門大吉時先接受現場申請. 基本上係一張團體Smiles卡, 有得儲分 Esso App:每個月都會畀呢d券 (減~$5以上) 加得快(成撚日帶頭加價 ): 私人能源卡(紅卡)：減$7/7.5 與agent 卡唔同，紅卡係油公司自己出，較為有保障，另外佢最特別係可以配合油券用。喺油站拎form或網上申請要copy牌簿(張卡跟車牌no.) 收入文件住址證明同銀行戶口no.做DDA (填錯戶口no.過唔到數會lock戶口要畀按金解bam) 可以自己畀油站職員收集可以自己寄最後都係去返雪佛龍office處理一般需要超過一個月處理先會寄卡返去你地址每個月中過數前可以揀用信用卡找數教協(已執笠) 會計師工會嗰d有特別紅卡可以減多d 不過一般人申請唔到大貓加得快油劵：半年派一次，平油減9個幾，貴油最高減10個幾，要用大貓信用卡付款全日通用，貴油減幅拍得住能源大法，唔洗打上加得快CS乞能源油劵雙支多數玩快閃優惠，要日日mon實佢哋限時限站先會有減，而且佢哋成日攞個貴油價折扣出來講，扮減好多，實際快閃都無能源大法減咁多，可以skip FAQ: Q:現金卡有咩好/壞處？ A:現金卡一般折扣較低。但由於每次用現金/信用卡結，可以免除被收多錢風險，亦可以儲信用卡積分。而大部份現金卡都可以儲分 Q: Agent 卡點解折扣特別高？申請好唔好 A: 一般Agent 同油公司簽咗合約，Agent 每月要包銷一定數量油，所以佢透過其他車幫手消費，再賺中間差額。雖然折扣額高，但有唔少潛在風險，例如申請時需要提交大量個人資料，例如銀行戶口號碼/信用卡號碼，曾經有Agent 非法盜用卡資料同個人資料。另外佢個折扣額可以隨時更改，可能到你收到月結單，畀人收咗費先發現折扣額變咗或者收咗手續費。 Q: 入貴油好唔好，分別喺邊？ A: 貴油同平油主要係添加劑不同，兩者辛烷值都係一樣98。有研究話貴油平油里數個表現都一樣。小弟用過貴油，感覺上轉數上得快少少，機頭又好似靜少少但我分唔到係咪心理反應。總之貴油的確好過平油，值唔值就見仁見智。 Q:有啲巴打話佢張卡減到3蚊甚至4蚊，點申請？ A: 的確有啲油卡折扣特別高，但唔係一般人可以申請，佢地多數係公司卡，例如地鐵卡，Uber Card 等。 Q:優惠日唔比用油券，咁比唔比用信用卡優惠？ A:要睇個信用卡優惠係咩，例如信用卡優惠係400送65油，其實即係油券，所以九成九同油券條款一樣，唔用得；如果信用卡優惠係回饋金錢，例如450回饋65蚊，條款就會唔同，一般都可以同優惠日共存 Q:其他優惠可唔可以同貴油平入共用，積分又點計？ A:除非佢條款有另外說明，一般所有優惠都可以同貴油平入共用，例折扣卡貴油減多D，貴油平入就會計貴油折扣（啟德卡例外，所以其實都要睇條款），但入平油價，即係變相直減多佐，積分都係計貴油；油券就睇條款，間間油公司唔同，例如ESSO同SHELL都可以貴油油券去貴油平入用，但唔知支硬化定支油就唔得 Q:油券同信用卡送既油可唔可以跟油卡折扣？ A:正常大部分送既油都係無分同計牌價，例如400送65既券就送果65蚊要跟牌價，400可以用折扣卡；200蚊現金卷就200蚊全部跟牌價，但詳細都要睇條款，有例外，例如shell今期恒生優惠送果100就有分同計埋折扣以上資料由Post 38抄出黎，配合油價調整同睇心情update