有無人廿尾先讀書進修？

唔好再諗 到你40又後悔點解30唔讀 讀pt high 支持 行下行下 就完一年

一見到三年期就成個人頹左，始終知道自己唔係讀書材料，好驚半途放棄…咁講我知大家覺得我好weak

This is so fucking true
以前讀degree有個媽咪級同學四十幾歲
一樣爆GPA grad
想做咪去試下

無錯，見步行步囉
high dip求個畢業應該唔難嘅，而家又可以AI問功課

不能同意更多 只能讚好 comment

信我 開學搵啲讀書嘅人
其實識咩人好重要
世界上真係無咩愚蠢嘅人
只有勤力嘅人
當然都有好多天才
但你知道其實佢地比我同你都好努力

點都好 自己開心就可以

成世人流流長 唔需要跟人哋所謂攻略

連登多啲依啲post 會高汁啲

出面一堆垃圾膠post 完全無營養

因為自己運輸佬 雞腸都唔識多隻，真係驚科左水完畢唔到業，high dip都唔便宜

好似有60%支助
https://vplus.vtc.edu.hk/

想請教high dip有無話邊間院校會比較好？例如之後嘅銜接。

希望玩膠搞笑之餘 可以多d正能量 互相推動啦

讀書同揾錢完全無關係，揾到錢既，反而係因為讀唔到書去做生意，而讀到書既多數係打工仔

同埋每個人開竅嘅時間都唔同 經歷亦都唔同
有啲人可能細個冇心機讀書 大個咗做嘢接觸多咗唔同層面嘅人 或者睇書 突然之間對某啲嘢產生興趣甚至開竅 咪讀返個degree囉

總係有啲撚樣會話 你都幾廿歲讀乜撚嘢書 但係最奇怪係 如果你話去旅行去玩佢地又唔會話嘥時間 去讀書呢啲正面嘢又會變咗嘥時間 同埋點為之嘥時間先 得罪講句 就算我阿嫲突然之間話想讀返書 我都會鼓勵佢 完全唔知嗰啲濕鳩社會規矩係邊個定出嚟

所以呢度啲會員特別後生啲嘅 唔好聽咁多柒頭講嘢 雖然連登係真係好多低質post 但係久唔久都有啲高質會員嘅 只係大多數都係會同你講唔好嘥時間 又成日郁啲就話人哋讀乞食科 只要嗰樣嘢唔係犯法 或者影響到人哋 想做咪做 使撚理人哋咁多

凡係正面嘅嘢咪鼓勵兩句囉 而家社會上好多人好似把口好少少都要死咁

最近我都見到有人開post 28歲想讀返書 咪又係一堆人話嘥時間又話呢個年紀乜都定咗 唔好搞咁多嘢 屌 所以話 喺度問意見多數都係濕鳩嘅 唔好話28歲 48歲都可以隨時讀返書啦 與其問咁多 就即管做啦 人生比你想像中長的

你講啱 最緊要唔好令自己後悔

29歲 乞食PhD

精神+精力+記憶力係同年齡成反比
你要有一個好大嘅動力去support你先會捱到
如果唔係幾十歲先黎半工讀係超級辛苦
(part time仲要拖長黎讀)
加上多數本身就係細個讀唔成書先要而家補返
你嘅決心要大過普通人好多倍先可以堅持到

而家OU DL轉咗形，

加上科目選擇得返好少，

唔建議讀OU，

如果而家自己做緊嗰行，

有得發展而又需要degree嘅，

就揀返相應嘅degree啦，

如果唔係諗住幫助工作上發展，

就真係揀返自己嘅興趣去讀，

如果唔係，

只會越讀越辛苦，

最後可能半途而廢。

vtc 相對較簡單 通常考試似pp 多勞多得 天道酬勤

你試下捕住你想讀既學校或者個班d人放學
就會發現4/50歲都大有人在 有d因為冇人湊仲帶埋個仔/女上堂

為咗自己 值得咬緊牙關

是

留意返 真正做生意好叻嘅人好多學歷都唔錯
至少語文要好先 唔係點同人溝通