而事實上 古惑仔原著漫畫入面都係多次出現呢類打boxing/mma嘅決鬥。
例如 江湖巨人排名賽
最好打嘅六條友 以後會成為黑道調停者 例如 A幫派同B幫派開拖 搵六大去調停😆😆😆😆
例如 世界之最
香港各黑幫組隊 代表香港 去同其他國家打boxing（而其他國家嘅拳手 基本上清一色都係黑幫份子）
至於點解要開打 因為涉及石油嘅地盤瓜分 勝方嘅國家將接管波斯灣石油嘅分紅利益
單單係呢兩場比賽 就話俾你聽 成個武俠小說咁😆係邊個賦予你唔撚用AK47 用飛彈用核武爭石油 居然用拳頭交決定😆得到左冷禪和任我行嘅首肯，所以令狐沖同慕容復組團去打泰臣阿里？
😆😆😆
有趣。真有趣。係劉偉強拍得麻麻，先令呢啲拳賽變得有啲膠😆先唔好講南哥 處於下風之下忽然聶風上身KO司徒浩南，漫畫入面堪稱戰神嘅大頭仔，居然要對手一晚屌7七獲腳軟先可以勝出比賽，咁請問呢兩場比賽 含金量會唔會低過霍哥打龍心？
加上啲動作設計 亦唔得
不愧為 古惑仔電影水尾之作 連帶票房仆到索性賣出版權 以後都唔拍續集。
（第六集係賣出版權 與頭五集主創人員無乜關係）
#古惑仔