有冇發覺家陣新一代對傳統習俗 (拜年,拜山 燒衣紙 之類) 已經無乜興趣想做??

感覺上家陣新一代, 不論是大陸定香港, 已經對呢D傳統習俗無興趣
就好似過年要去親戚屋企拜年咁, 好多唔熟既親戚, 基本上都無人想去
我就被逼跟父母返鄉下去搵D 一年見一次既親戚拜年
但我身邊好多同齡既人都話唔返鄉下, 情願有假期去外國旅行好過

仲有清明, 重陽 要拜山, 燒衣紙, 都係主要上一代做
新一代又係一係唔做, 一係被逼跟住上一代去做

家陣新一代有假期, 情願係屋企 玩手機/手機/睇劇.....又或姐去旅行
已經唔太想參與呢D 習俗
特別是鄉下果班所謂親戚, 根本好多一年都唔聯絡一次(就算佢地主動搵我父母, 都係想借錢之類, 否則平時佢地係唔會搵我地)
係得過年先去拜年見一次, 見到又無話題
我就算返到去, 我果堆差唔多年齡既表哥, 表弟 都係由朝到晚縮係自己房間玩手機, 食團年飯果陣先會出房, 食完之後又急急腳返自己房, 根本完全無任何交流

我就因為父母好想返去見下佢地既兄弟, 所以我跟埋返去算
但我身邊既同齡人都話 唔跟父母返, 返去無乜意思.......情願難得有假期, 自己留係屋企休息or去旅行

可能過多一段時間, 上一代死哂, 新一代唔會再搞呢D習俗
家陣唔止香港新一代係咁, 大陸新一代都係差唔多

不嬲都係架啦, 去拜年逗果一百幾十, 要比班友審犯咁審

拜幾十年都冇保佑中六合彩，都唔知拜黎做乜七

7080後開始揸旗，開始冇架啦

再加上新一代既生育率低
好多傳統習俗o係呢一代就會係最後一代

好事黎 無效社交一早要廢

好坦白講，未來嘅喪禮我都唔想攪，麻撚煩為做而做

全部都係迷信嘢

係, 我以前已經頂唔撚順
老馮迫你講句恭喜發財
好似乞食咁
得果一百幾十
仲慘過返工

近幾年過年我都搵個地方去旅行HEA左佢算

以前親戚就好關心你, 一直問你有冇結婚之類

不過近呢幾年關係都生蔬左, 已經無乜問你野

不過咁仲好, 最好大家無交流
反正大家都唔熟, 但又要扮熟, 扮到好關心你咁
好似大家明知做緊戲, 都要繼續做落去咁, 場面好尷尬

只係聽到賀年歌就燥燥地

你清明有無拜你太爺嘅太爺?無就算啦,50年或者仲有人記得你,100年之後呢？

如果大家平時有聯絡, 好熟既, 咁就無問題

但其實好多所謂親戚, 根本一年都唔聯絡一次
大家都當大家係陌生人咁
平時出街撞到都未必認得對方

然後一到過年, 就要扮到大家好熟咁, 好關心對方咁, 互相問候
真係好尷尬

以前 細個過年果陣有種開心既感覺

但經過呢幾年既 政治環境/疫情之後
好似對過年已經無乜興趣, 唯一開心係有長假放
其他野已經唔想理

特別是近呢兩年連屋企 揮春都唔想貼
反正貼完幾個月, 又要撕返落來, 好無謂

仲有買吉都係, 以前屋企會買盤吉放係屋企
今年都唔買, 又要阻地方, 而且放一個月左右又係拎出去掉

我大陸親戚 平時唔聯絡
一聯絡就問借錢, 好鬼煩
而且佢地借左都預唔會還

我父母成日心軟, 因為親戚一場,所以會借小小比佢地
都預佢地唔還
通常兩三千左右, 又要去銀行轉帳之類, 好煩

有時問埋d問題擺明就係八卦
又唔係真心關心
答完又要比較下
答又煩唔答又煩
咁多餘無意義既日子
邊有後生仔有興趣

一個肺武4-5年冇見，都已經生疏晒
19年農曆新年仲係小學5-6年班，仲會攬攬抱抱。24年新年，已經中三中四。婷婷玉立，已經身體接觸都要避忌

會照做
但少左好多繁複野

依個年代過年對香港人 都冇咩意義啦
以前d人 離鄉別井搵食 一年見唔到一次
就話拜年見面

香港咁細 有心見 一星期見幾次都得啦
洗撚特登拜年見面咩

留返啲時間打機好過啦，做埋啲無謂嘢
尤其是見自己啲阿爸阿媽咁多年
好似都仲係咁失敗

就唔想提了

有D係見大陸親戚, 真係一年先一次

好事黎 靜靜過最開心

大家都崇尚個人主義多左，慢慢對呢啲傳統「家族儀式性活動」冷感。

其實唔係新一代
係我地中間呢代都唔鐘意
只不過我地上一代太專制太重視焗住跟
到呢代做左長輩已經冇咁睇重或者會簡化
咪一代比一代唔重視同更簡化