《臨時決鬥》集中討論區

真係算勵志咩佢只係被逼接受現實，接收返以前既輝煌已經唔存在

古天樂唔知點解有種hea做感覺可能係人設

無聊至極！
不知所謂！
例如個gay 佬泰拳教練既存在根本冇意義

好似港產片咁
有d野係做唔返咪要搵過條路

未完全沉澱晒，但係覺得gigi好多句對白都入肉，見骨個種，唔知有冇人有呢個感覺，佢可能係代表自己，可以係代表上一代明星，亦可能係代表導演，又可以係代表緊香港，簡單黎講就係舊個套唔work，你要生存就要接收自己已經唔值錢

但佢係全套戲入邊打得最好睇

Hea hea 哋覺得幾自然
反而對住棵樹有啲內心戲嗰幕仲有啲突兀

我係講成套戲個定位
唔定做勵志片應該係乜

但的確我都覺得做唔好勵志片
無一種underdog 最尾爭返口氣嗰種感覺
佢好意思用把口去問究竟點解要打拳
真係睇完都感受唔到/感動唔到

同樣大橋係爭仔/爭女然後去打拳嘅
真係要參考返《破壞之王》
套戲鳩得黎，但的確係一個underdog 為左證明自己唔係懦夫而打贏一個唔可能贏嘅對手，贏得美人歸

《臨決》都係爭仔做起點
但完全睇唔到佢地點解要咁做
動機好弱，完全唔到肉
講到鍾磊要掙扎繼唔繼續撐
但完全無一種衝破左某啲衝突嘅感覺
得Gigi 叫做面對馬死落地講英文嘅情況，肯去擺低面子，move on 改變，而得到另一啲成就，喺戲劇上係解決左個衝突
其他每個角色都好難睇

如果係人設
都係極唔好睇嘅人設

中國古拳法嘅鬼仔達就好睇好多

未睇呢套
破壞之王真係經典 低成本
鳩得黎又好笑 又熱血
依家冇哂呢啲片

果兩個釘，亦由軟既棉花糖變為硬嘅橡皮糖

真係睇幾多次都咁好笑

放棄她～放棄她～

我覺得套戲唔係傳統由輸變贏嘅勵志片
而係想講由輸變輸得嚟可以捱落去嘅態度

本來周秀娜打到王丹妮仆街之後收手我係覺得幾無癮(我全套戲都想睇王最後輸到貼地)
但之後娜姐補返句 good fight 師妹
Get 到贏輸唔係重點我就即刻感動咗

至於動機
王講咗係一時衝動 + 本身人設係自己大撚晒
娜姐就贏硬怕咩打
兩個話要打我都接受到嘅

都係贏，贏啖氣丫嘛
最近月頭，宋康昊嗰套《逆球大叔》
隊波都只係贏一場
上年定前年《熱辣滾燙》賈玲都係輸左

但問題係要好睇就全部都係贏啖氣，正所謂人爭一口氣，佛爭一柱香
唔一定係贏對手
最重要係贏左自己

但臨決真係說服唔到人
佢地點樣贏左自己，或者解決左啲乜野衝突
王丹妮打呢場係想得到乜？
一時衝動即係為左乜野？
ok，你可以真係純粹一時衝動
咁你就會寫左一個好難睇嘅故仔，因為咁代表個角色無一樣真係好想得到嘅野

我明，其實佢去到一半都已經唔係因為輸贏，無論係胡子彤定係王丹妮，兩個都係知不可為而為之，胡子彤係慘d咁解，雖然王丹妮最後都唔係話特別好下場咁，但起碼對打既係師姐最後算留左手

王丹妮唔係衝動撚咁簡單，佢覺得自己係可以掌控晒所有野，做人太有自己一套，唔聽人講，總之under自己既野自己就有絕對話事權
但愛情同拳賽好現實，你control唔到就係control唔到
嚴格黎講佢唔係好勝，係地盤主義，一開始覺得陳湛文係屬於自己地盤既野比人搶左緊係嬲啦
只係發展到咁上下佢變成拳賽呢個地盤既下線，知有自己control唔到既事要接受要面對，變相係入左人地地盤，個仇外意識冇左，轉化成認同呢種運動既人，你可以話個轉變好虛，但其實有d 人就係咁

咁佢想要嘅係乜？
佢嘅阻礙係乜？
佢點樣解決個阻礙？

我認同唔一定下下要係underdog 嘅故事
但underdog 會容易啲去答上面3 個問題

let's say 如果設計王丹妮係外強中乾嘅人，無自信而得到一個高層嘅位，所以做人蹺口巉手
咁會容易寫，咁佢最尾贏到嘅獎品係真正嘅自信，唔再夾硬黎，無咁惡，亦都接受到同peter分手 etc

但依家個角色，我答唔到上面3個問題
我淨係覺得個故事好難睇

過年想鳩流流攝下時間
就要認真到分析班角色
套戲已經算係新年檔最唔夾硬賀歲片

呢度不嬲係多認真撚，套套戲都同你分析一大餐先得，事實上以前大把戲都冇理過咩人唔人設架啦
有時心諗佢地做人都幾辛苦，不過又或者可能係樂趣黎既，搵下bug又可以打發下時間咁

想要 = 能力範圍以外嘅嘢都要得到手（新手打拳王要捱到 3 round）
阻礙 = 對手太強，訓練時間太短，無可能捱到 3 round
解決 = 明知贏唔到都練到尾，最後捱到去一個超越師姐想像嘅地步，得到師姐認同（簡單嚟講即係打感動）

有人講破壞之王
假如套戲今日先上
連登仔應該會問點解周星馳會咁蠢俾吳孟達呃，應該報警，無敵風火輪現實上唔可能，空手道同古拳法都唔會夠泰拳同MMA鬥

佢最後得到既我覺得係妥協，因為佢姑姐食飯個陣話自己咁既狀態都撐到，王丹妮已經有咁多咁好既牌係手係冇資格呻
所以拳賽個意義唔同左，由本身要爭一口氣，到妥協完接受自己一定打唔贏，再去到尊重返個比賽，見胡子彤明知輸都仲打，我覺得佢係若隱若現想將拍港產片套係打拳到只不過冇特別講明，而係用gigi作為出口做借鏡

我讀到既主題係港產片都知差唔多要比時代淘汰，唔同既持份者究竟應該點面對先係呢個故事既主題，只係佢地未必有足夠時間發酵

以前大多數戲都跟三幕劇嗰條formula丫嘛
咁件事咪易啲睇得落囉
咁咪唔需要分析乜乜物物都會直覺覺得好睇囉
依家呢套戲唔好睇丫嘛

同埋都唔見有人搵bug
搵左啲乜？