[請勿買行貨]Fujifilm 討論區 (104)

對焦模式選擇黎 你望吓說明書先

本身光圈快門ISO三者就係互相影響, 唔會出現玩掂邊樣先
等如揸車呔盤油門波棍, 無可能話我玩到支棍好熟先去玩油門
用個M MODE, 慢慢去撚下, 影得多就會知做緊乜, 前提係要知道光圈快門ISO除咗影響曝光之外, 三者會有各自影響的效果

唔同情境用唔同mode，唔講咁多技術嘢費事睇唔明

想像下你今日喺屋企見幾好陽光，照到窗邊盆栽好似幾靚，就拎部相機出嚟快手snap下，於是校去P mode (全Auto)。反正自己記錄下屋企生活點滴，唔係要影咩驚世大作，交畀相機去做曝光計算，輕鬆冇煩惱。

之後你老死call你問你喺邊，成枱人到齊等你一個，你先急急腳出門口，於是你順手校去Shutter priority – 手動set 快門，光圈同ISO 都係auto，今次係校慢快門，一路跑落樓梯一路影，影出嚟motion blur咁好似好有速度感。然後去到巴士站就校去AF-C，再開Subject detection (car) pan住咁是旦影架經過嘅巴士(唔好影到幾多號)，跟手send番相畀你老友呃佢話頭先跑到隻狗咁都追唔到架巴士，叫佢地等多陣。

上到車你見到有位對象好吸引你，想影低畀fd睇下自己口味正唔正常。於是又轉去Aperture priority (快門同ISO auto)，手動校大光圈嚟拎淺啲個景深，blur晒對象以外前同後嘅其他人樣，因為你就咁影一堆人，班fd一定會話「吓，最右邊阿叔/阿嬸你都有興趣？」。

到落車嘅時候你發現個對象都拎住部相機，佢一手就校好晒ISO﹑快門﹑光圈，因為佢好清楚當日陽光有幾強，知道佢要影啲咩subject (靜物/動物)，同埋拍攝場景光線嘅轉變，佢識按情況再調校shutter speed / ISO / Aperture去令張相嘅曝光達到佢想要嘅效果。

(利申新手，有錯請指正)

對焦模式睇需要 影靜態我會用單次單點
光圈焦距物距焦平面都會影響景深
現代鏡多數無景深呎參考 除左經驗外
可以上網搵景深計算器玩下 會更易理解

對焦模式唔影響境深，blur唔blur，單點定連續都無分別

你收光圈概念上正確，實際收幾多無定收，但另兩點影響景深嘅要留意，係焦距同埋拍攝距離，改變光圈並非唯一影響景深嘅一環

簡單講行近啲景深就淺啲（背景blur) ， 焦距長景深會淺啲，有時收光圈都未達到想要效果就會考慮埋以上兩點因素

當你用緊56mm （APSC)鏡，然後你個景最近你第一棵樹喺11米外。如果你對焦落嗰棵樹，光圈開f1.4，in focus嘅大概就係距離你鏡頭10-12米中間嘅嘢


如果光圈縮細啲去到11，咁in focus 嘅大概就係鏡頭前6-44米內嘅嘢

呢排風氣好左

大師呢? 大師去咗邊

可能比三島收左皮

有冇人入左Gfx100rf?