減脂增肌可以一齊做?

我今年三十中，250lb，177cm，重撚到仆街，我唔會話自己好肥，因為我有keep 住做gym，有肌肉底但我做gym 只做重訓，唔會點做帶氧。

我又太鍾意食嘢，基本上冇咩點控制飲食。

我估我身型大約似馬東石咁，但加個肚腩。



因為實在太大份，加上太重始終唔太健康，想減吓重，但又唔想流失本身肌肉。

想問吓可唔可以減脂之餘又增到肌(或者起碼唔流失本身肌肉)。

分享吓你每日三餐食咩先
管唔到把口，都好難管到身材

搵個地方track住in body

減脂好像點都會減到肌肉，但係你配合飲食上既改變，應該就可以
先試下減左落黎先，再谷肌上去

勿屌，因為我都知我食嘢真係好冇制。

朝早食個公仔面，加兩隻蛋，加腸/ 有時沙嗲牛，加咖啡。

午餐都係食個碟頭，食得晒
晚餐就一碗飯，加肉(約一隻雞肶咁上下)加菜

但食嘢係好偏咸同辣。

打算生個酮，但keep 住做gym。

預咗做gym 會冇力。

我而家諗緊減磅期間駛唔駛停埋gym ，減到咁上下先再操返肌。

基本上公仔麵加碟頭飯啲脂肪應該爆撚晒出嚟

90%重要: 食量先打8折。

運動維持一樣。最多適應期做輕啲啲，之後再上。

唔好講運唔運動先 你啲飲食習慣差到仆街

減脂唔減肌最簡單講就係食蛋白質少碳水
你要快有效果就雞胸菜雞蛋，日日食

慢慢減就食咩肉都得，少碳水，當然都唔好太多脂肪既肉

大量飲水，做埋帶氧，食野走甜走糖

講咗我啲餐單我都預咗比人屌，我都知自己太唔節制，恃住有做吓gym 就係咁食，但食嘢實在太開心。

請教吓少碳水要少到點先合標準?同埋係咪應該唔食咁多白飯，轉食吓蕃薯薯仔嗰啲?

係囉 呢D野你其實都識，差在做唔做到

滅肥呢味嘢真係知易行難。

唔係點做到三十幾年肥仔。

我做到，唔係生酮

其實都係果啲方法
先搵到個calorie 少少deficit 個數
然後食高蛋白質

巴打你意思係咪即是計TDEE?

我紀律差，我碳水真係要全戒，如果少碳水我會唔覺唔覺食多咗。

你咁減法速度如何？

乜都戒只會減完維持唔到最後反彈
不如係gym基礎之上加45分鐘至2個鐘有氧好過

馬東石呢d身型係要肌肉同脂肪同時都高先做到
你真係有佢咁既肌肉量
只要飲食計好卡路里好快就減到

但我好懷疑你有無佢既肌肉量

唔洗一嚟生酮
試下戒甜同早餐食輕啲應該都好大分別

假膠
大家可以離開呢個post

減肥啦仆街

me 178cm 250lbs （以前）
家下 204lbs... 會繼續減。

我都一樣為食，一日可以食5餐...餐餐都重碳水...高脂重鈉...一開始減都戒唔到口。後來慢慢加帶氧，加強度，操到想嘔，真係反胃嗰隻。每次想食既時候就會諗返操得咁辛苦為乜，就忍到口。

我身型同你差唔多，不過年紀比你大，我選擇係少食飯呢d澱粉質（例如以前食兩碗飯改一碗，一碗變半碗，半.....) （但又唔係完全唔食，每日食少少）改為食洽雞胸同蛋。

仲有一樣超重要唔好捱夜，如果唔係好易有水腫。

lm 學野

我以前169cm 11Xkg
減左3xkg

體重大既人開頭增肌減脂係好易
其實你依個份量食返少啲就唔係咩問題，問題係點食法

茶餐廳早餐可以食半個鮮牛肉通煎雙蛋走包，飲走甜既飲品，盡量唔好食餐肉火腿加工製品，雪米都ok，公仔面就唔好啦。

食lunch食半個碟頭飯可以揀無汁既飯，炒野唔食。我自己通常揀蒸魚或者蠔仔湯飯。燒味飯可以食雞鴨叉瘦，要走色走薑蓉皮唔食。

夜晚就最主要補充返啲菜同蛋白質。早餐下晝食左咁多碳水我會夜晚唔食碳水。我通常夜晚滾個湯飲，例如絲瓜瘦肉豆腐湯。我會食湯渣當餸咁食。

只要9成食健康，淨返1成食自己鍾意同想食既野，你想食咩都得。減肥只係數字遊戲。難係難在面對自己貪食既心魔。

多謝巴打分享，我Covid 嗰排減過落210，冇街出，冇飯局，會落街跑吓步，但人一有返啲社交生活同會出吓街食嘢就返唔到轉頭。

同意心魔係最難搞

1年 重咗.5kg
Bf 由12 去到 9.7
多咗1kg 肌