上年去西藏嘅相

好佩服樓主咁多年仲堅持喺連登po相
睇返樓主啲舊po好體會到點解啲人會話連登而家已經唔適合討論

多謝巴打冇所謂啦，好壞comment都全單照收

多謝巴打我會繼續喺連登po相

拉sir屌打

請問巴打有冇影到中囯特警執勤

舊年年中去自駕影的
完全唔識影相各位插細力啲
iphone直出冇執過

巴打咁講後 我起底睇咗舊po
覺得以前影嗰套黑白相 同埋「偷食」嗰張相好正

樓主應該擅長影人非影景?

雖然個標題係話去西藏，但其實人地係分享攝影作品，唔係旅遊KOL，好既攝影作品往往係減法既藝術，無奈既係好多根本冇乜藝術素養既人硬係要衝出嚟話咩「冇景」 「low key冇輪廓」

真係好似帶我呀爺去食米芝蓮omakase，然後大大聲問個師傅「日本餐點解冇天婦羅叫㗎」，「食壽司點會冇得自己點豉油」，真係好撚失禮

有時唔係鄙視啲人見識少，但唔識嘢其實可以收返埋把口，返去做吓功課再講嘢

咁d相真心唔好睇 冇內容 唔知影緊乜柒
你當古典音樂 要讀過書先知內容咩
影相最簡單就係要令人覺得好睇 驚奇 共鳴之類
呢d相邊張做到

講驚奇你睇陳冠希嗰啲咪得 而家啲討論水平根本唔係講緊古典音樂好唔好聽，而係喺度話「咩野垃圾音樂嚟，入面點解冇人唱歌」

我唔敢講自己識好多，但樓主畫面既工整/純淨度，對人文，光影捕捉既觸覺其實好值得借鑑，呢個台十個人都未必有兩三個可以有呢啲水準

或者你可以話佢啲作品唔夠入世，但解讀藝術相關既事物就係需要一定既文化素養。你冇，唔代表人地做得唔好。

唔好意思，怕我自己講得唔夠通俗 — 譯返個淺白啲既：藝術既嘢你識條鐵咩，讀多幾年書啦

自以為冠上藝術呢個名 就等於藝術
你仲可以係堆咁既相入面話佢工整 純淨度 對人文 光影捕捉讚不絕口
請問第三張咁樣 點表達人文? 咁既光影有咩意思帶出黎?
有幾工整?有幾純
十幾廿張入面 有9成以上都好垃圾
你讀多幾年書 睇多d呢個世界 你先會明

第三張有乜問題
構頭強喎

構圖*

你可以睇返我開頭留言，我都話有啲相我自己未必會出。

但既然大師你用口影相影到咁高境界，都咁難得有一成作品勉強入到你法眼，咁咪留返俾我地啲凡夫俗子一齊參考吓樓主做得好既地方囉

攝影最衰既態度就係自己唔影，然後一味靠踩低人就以為自己有料到，人地做得好過你又唔肯接受，唔肯學。

仲話睇多啲個世界⋯你睇嚟托杉咩，心盲睇咩都冇用。

攝影最衰既態度就係你呢d咩都讚好
上面大把人講樓主既相 根本係幫西藏倒米
影到西藏咁樣
仲要你都識講攝影係減法既藝術
揀相去post都要識減法
你都有份批評樓主咩都post 你咪又係用把口去攝影?

把口成日掛住講大師 讚到人地係藝術 人文攝影
用返你咁鍾意既例子
呢d相就好似爭鮮 唔洗讚到係omakase咁既級數
所以先叫你睇多d世界咋傻閪

個style 有啲似80年代(?) 中国啲攝影家/藝術家去西藏新疆雲南西川風光feel

但真係有啲黑
而且係大面積黑
黑到咩都睇唔到

同埋太近
用等效35mm影個壓迫感太大

多謝各位巴打咁踴躍留言，成個旅程我當然有影景，始終西藏嘅風景咁靚，但我覺得如果想睇景嘅話網上大把靚嘅西藏風景相而且人哋一定影得更加靚，當然我唔係想話自己呢啲相好靚，先唔講構圖靚唔靚或者係咪黑得濟，我只係覺得影人有趣過影景，呢啲相可能有人覺得好核突，但我的確係靠踎喺某個位一段時間捕捉影返嚟，而我認為呢樣嘢比起就咁影藍天白雲更加有趣。至於點解有啲相我會揀而你哋話俾著係你就唔會揀，我純粹記得當下影嘅時候對方好開心，或者我好滿足，所以我就揀咗。

講真，大家覺得靚我當然開心，唔靚嘅咪繼續影繼續去改善，攝影易學難精，最緊要係肯行出去真係影。至於係唔係藝術我唔敢講，但我寧願po出嚟嘅時候有人屌，好過一啲反應都冇。