[Apple TV+] Severance 生活割離術 Season 2

Innie殺咗人咁Outie有冇法律責任今集點收科

仲諗住今季差唔多解開晒啲伏線最尾一集可以完到
點知原來又有第三季

身為主角點會有事

如果平時有睇佢最後導演 演員嘅分享，記得有個曾經話第一季主角團隊就好似一個幼兒階段 經歷過依家第二季係成長期，個感覺應該佢會有三至四季，帶出做過分離手術嘅人 佢地所經歷嘅成長⋯

好有周星馳feel

佢哋最後可以走得去邊唔通一世唔收工匿喺severance floor?

https://youtu.be/LcKa5BAtp8g?si=f2TwWGvPYRmDwihB
4:20

一早就知有第三季

希望第3季唔好又要等多3年咁耐
第2季搞咁耐應該因為之前hollywood編劇罷工影響

如果由innie角度睇，佢地擁有既只係作為outie的替代物在公司度過枯燥工作時光，Mark S由「出生」至今只有兩年，心智上可能只係細路，但返工時認識到朋友與愛人、令佢體驗到友情愛情、自我意識覺醒，其實都係不斷成長緊

重睇發現角色對白之間好多相似之處，例如餐廳Helena向Mark Outie 同 今集Mark Outie向Mark Innie都有講錯自己愛人個名，呢刻佢地意識到講者根本唔重視佢地，都係令佢地立場轉變的轉捩點。今集Helly提到Deleware重用第1集Mark Innie向Helly問既問題答案。

其實cold harbour有咩重要性？
Lumon唔係一早掌握咗severance嘅技術咩
明明mark s佢哋都已經完全無關於outie嘅情感

其實呢集finale 算係解開咗一大半迷團，就算當初開唔成第三季都總算有個結局

至少條主線 Mark 要救 Gemma 出嚟係已經完成咗，但係Lumon 最宏遠嘅目標去開發完整嘅Severance chip 係需要解釋
而且S3 嘅主線好可能係 Mark 自己嘅innie 同 outie 對壘，究竟邊個先係自己嘅話事人，Mark 會揀 Gemma 定係 Helly, 相信呢條線係好吸引

等咗咁耐總算有個半圓滿嘅結局，開新一季又有啲新嘅故事線玩，唯有期待

Cold Harbour 係 Gemma 個人嘅最痛記憶點，目的係想測試佢有冇諗起流產喪子之痛

我諗暫時 Severance chip 嘅缺陷係未做到多重切割同完全分隔，因為醫生成日提到 "Severance barrier 割離屏障", 我估現有嘅chips 仍然會有記憶同情感洩漏去innie 嘅人格

上一季 innie Irving 就試過見到油畫嘅顏料進入佢嘅世界，因為outie Irving 夜晚不斷畫畫，令自己burn in 一啲記憶入去，所以令佢見到啲異象

而且，我相信將來嘅版本係可以無限切割
今集 Mark 走入去Cold Harbour 救 Gemma 嗰時係冇換做另一個innie, 即係現有嘅版本係只會應用喺分割outie 同 innie

將來嘅chips 可以令一個人可以擁有多重身份，情感同記憶唔會互相影響，我估甚至乎想測試埋將來係咪都冇得做reintegration, 咁呢粒就會係完美嘅chips

最後一鏡Mark 同 Helly 狂奔拍到好王家衛 feel
仲要用菲林拍

睇到個part覺得勁撚爽

唔係好明最終目標點實行一人多格，係lumon 就一間間房返工放工換innie outie，但到最後實際生活點實行到？

如果唔拍s3，成套劇最後係咁樣完既話，我覺得都已經好完美

反正最主要既謎團cold harbor已經解左，gemma又已經救返，將mark s同helly既後續留白，故事ending就定格喺走廊嗰一段，反而會更加浪漫

而第十集唯一要挑剔既位就係lumon件鬍鬚肥佬廢左少少，Mr.Millshake氣場勁好多

呢套劇依家係apple tv王牌，邊有可能咁快完，依家只有希望apple俾創作團隊決定幾時完，唔好將套劇搾乾搾剩拍到爛先停

係喎 點解mark 入cold harbour 冇換人？ 間房淨係對Gemma work?

應該Gemma張晶片同Mark晶片設定唔同，入testing floor房同進入severed floor先會啟動

Gemma晶片應該更先進進階，可以完美分離負面情緒同記憶，Mark個塊應該仍可以透過reintegration同潛意識影響（如Irving不停畫油畫）突破到

OT嗰陣示範咗其實啪個制就可以換人格啦根本唔關咩房事