讀咗幾年U俾人Term

寫到要入青山點搞

巴打，我以前都係咁，又係有情緒問題，收埋自己一個
連炒幾個sem
到prof搵又扮正面正能量 已經好返咁
睇到你個post諗起以前

老老豆豆，咁都頂唔住你出黎社會唔會撈得掂，仲要係香港。。只可以做倉管個類唔駛對人既工，咁仲駛乜讀書呢

多reju入唔入得返嗰科？如果得嘅可以繼續讀

巴打最尾點？

你咁中肯一定實有人咬你

係，一直都好擔心以後返工點算。情況已經冇當年咁嚴重，起碼敢直視人，識扮自信鎮定，係街同陌生人講野都冇問題。但一返到課室就漏曬餡，恐慌又會發作，同齡人越多越嚴重，唔知想點

咁點解你唔爭取今次唔使死，有醫生信證明都唔得都好歧視你啫

唔係唔信你 但係你上黎分享 可唔可以講下你情緒做乜咁差？而且點解覺得只要可以再讀翻書 你就一定唔會再逃避上堂？

如果你精神狀態好差 讀書只係微不足道 你睇醫生休息下處理好自己問題仲好啦

依d情況有醫生紙解決哂啦

send咗份email俾Dean同Head，唯有等消息今日Leader打黎傾，佢話俾任何證明都冇用，完全唔想幫我，好想我快d走咁，當時即刻灰咗唸定後路。

你成績又唔算最差
有醫生紙都無得傾
開名啦邊間，報東張再講

冇開始過就話冇所謂，讀左幾年先話你冇得讀就係問題

幾年前試過，可以等一年之後readmission ，我嗰陣直接re jupas用以前個DSE分報，依家已經grad左了，個分夠嘅話基本都會收翻你。
呢啲野好小事，咪當比一年自己調整一下身心。

巴打你好 我同巴打你一樣係大學尾段精神健康出左問題
一樣兩個sem fail左5科+無上過堂
我有啲final無去 有啲真係無論點努力去讀都好似個腦出咗問題咁 tgpa係1 cgpa 低你好多 收過幾次warning letter但係都無人提出要term我 早期好似連叫我搵佢地都無 可能唔同院校唔同做法吧

我第一個sem之後因為開始有幻聽就去搵學校counsellor
我當時係遇到個好counsellor 去幫我同course instructors/ department協調 佢要寫supporting documents 比學系
仲幫我約見醫生 後來都要食藥
所以你真係要搵專業人士幫幫你呀 有人幫係好唔同的

Fail又好 defer又好 都係小事
好老實講大學入面有唔少呢啲case
所以正常嚟講唔會咁絕情
搵學校counselling 先啦 佢地應該幫到手的 唔想出街可以試下video meeting
祝順利

你比幾千蚊去睇私家寫封好啲嘅信啦

當時其實主要想問nonjuas，所以冇唸住講咁詳細童年發生好多好多事，然後到form one就開始抑鬱，d人見我唔講野就開始攻擊我，言語攻擊比較多，身體攻擊都有，但自從我還拖後就好少有。阿sir見到完全無視，冇人幫我。慢慢性格開始扭曲，憎恨好多人，一直獨來獨往。幸好撐到畢業，畢業前兩年都遇到唔少好人，但頭四年對我影響實在太深，我變得相當自卑，相當恐懼人群，長年精神緊張狀態下，令精神變得好脆弱。

讀asso既時候其實狀態幾唔錯，所以好順利咁入咗degree。但入degree後，精神狀況又慢慢變差，中學時既感覺又出返黎，我唔想再經歷多次，所以選擇逃避

讀書係因為屋企人好恨我degree畢業，唯有焗住去讀，所以點都要讀

多謝你建議好有用我聽日就嘗試去搵下

醫好先
慢慢嚟

被人欺凌一世架
同自己和解要好多時間
啲陰影有時都返返黎
就係對人好 對自己殘忍先有心理問題
要走出去係要身邊人幫幫手

難得你高中搵到對你好少少既人 你asso亦都正常渡過 咁你有冇去諗過點解你負能量會冇啦啦復發？degree時同人有磨擦？有群體同你溝通出現問題？

你以前貌似好翻時 你係靠身邊對你好既人去治癒你？係既話會唔會考慮比佢地知你而家情況 傾下？ 同埋就算你唔正式去睇醫生 有冇著手搵社工幫下？我知可能好多人覺得冇用 但你會開始有做更多野去幫自己 呢個比實際上做左乜可能更重要

至於屋企 我明白你意思 但屋企究竟知唔知你精神差到極點？定係其實佢地一知半解甚至唔多知？如果你好單方面覺得佢地只會一廂情願地死要你拎degree 而不理你精神健康 我覺得咁諗對你屋企人都唔公平 可能佢哋最緊張嘅都係你個人 精神唔好嘅人正正就係會諗偏 以為生活好多野只可以得一種方法詮釋

加油

試吓同AI 傾閒偈
練吓點同人吹水 講笑

濫用精神健康真係好仆街