[三更半夜中二病發作]有時我會覺得,愛只存在於死亡之中

真正嘅愛是為無私奉獻

但人嘅所作所為,都係由自己嘅意志產生,意志即係願景,即係私慾
例如說:我想殺人
可能係基於情緒或者利益,或者其他某種我所期望嘅願景而去令我作出殺人依種行為

救人都係同理,我救一個人,係基於我對"依個人得到救贖"依個願景而行動

救完佢,佢真係會幸福?所謂幸福又係咩?係指你嘅幸福定佢嘅幸福,定佢嘅將來又會對世界造成咩影響?
殺完佢,佢真係會不幸?所謂不幸又係咩?係指你嘅不幸定佢嘅不幸,定佢嘅將來又會對世界造成咩影響?

唔係想係到講幸福或不幸下定義
想講嘅係世界上根本冇人可以對自己嘅行為真正意義地負上責任
我哋所做出嘅任何選擇都只係只係一個不負責任嘅隨心所欲
你絞盡腦汁所諗出嚟認為係"最善""最好"終究都係你所認為嘅"最善""最好"

施恩莫望報嘅真諦在於唔好渴求,你幫人,係基於你所渴求嘅結果,一切都係"私心"

但我咃點先可以做到真嘅"無私"呢?
冇,生命之中唔存在無私

只要我地心中一日存在意志,存在自己嘅想法就唔可能達到無私
就算我聽日係深水埗派身家,之後再貢獻人生去第三世界做義工,一生茹素

都唔係無私

只係基於我想咁做而產生嘅自我滿足
"唔係呀,我只係想見到比我幫嘅人開心快樂,三餐溫飽"
依種正正就係自我滿足

並冇人可以真正選擇一件自己唔想做嘅事
出現嘅選擇可能被限制咗,但每個人所作出嘅選擇都係佢所認為"最好""最善""對佢本人而言"最有價值"嘅選擇
如果今日有人願意放棄所有財甚至性命去做出看似偉大嘅行為
咁只係代表咗依個行為對佢嚟講有更大嘅價值
同你手揸15蚊,係到諗買格仔餅定雞蛋仔係同樣意義,兩者嘅本質完全相同

既然有"意志"就唔可能達成無私╴愛
咁愛存在於何處呢?
我認為愛存在於死物之中,可以係空氣,水,石頭,太陽,或者屍體之中,
只有死物先可以做到默然不語,無怨無悔,與天地萬物分享所有,不求回報
正因為冇意志,冇自我,先可以成就愛


如果下次有人問你咩係愛,你大可以拎起碟三文魚

"依個就係愛"

事實上唔會有無私

你絕對可以話所有形而上既野都係概念，不存於世
可能你引入翻「相對」去比較，而唔係睇絕對值，比較一個人既行為係among社群內更接近「無私」呢個概念，由行為既結果而非動機去睇。
中二病就係會無限鑽牛角尖負面去諗野，見識多左、有更多實質體會就會慢慢成長。

無駄無駄無駄無駄無駄無駄
厨二はふじのやまいでござる