第一章 我究竟做緊乜？
「你呢個問題問得真係好呀！」戴住紫紅色假髮嘅我講。
「我哋都好樂意解答你呢個問題！」到隔離藍色假髮個傻仔。
「我哋嘅目標係喺破壞中，」
「維持呢個世界嘅平衡，」
「用罪惡去搵出真理嘅所在！」
「我哋兩個係魅力四射嘅奸角！」佢懶型咁揞住塊面。
我單膝跪低，好型咁講：「武藏！」
「小次郎！」
「我哋火箭兵團不嬲都係來去如風嘅！」
「我哋嘅明日係惡貫滿盈嘅黑暗日子！」
有個四眼𡃁仔喺我哋中間跳出嚟「無錯啦喵！」
呼吸間，我個人慢慢平靜返，而腎上腺素水平亦同時瀡返落嚟。
隨之而嚟嘅，係做完火箭兵團經典出場之後嘅羞恥感。我開始不禁問自己，究竟發生乜嘢事？點解我會戴住個半人高新月形嘅假髮，同隔離兩隻騎呢怪喺度扮武藏小次郎喵喵怪？仲有，果然翁又去咗邊度？
一切都要由舊年除夕倒數嗰晚講起。
————————
「林子軒，我好病呀，我哋都係唔好出去啦，你留喺屋企睇住我吖。」
大佬呀，我都中四啦，仲要年年同老母出去倒數，今年仲要搞到街都無得出。天呀，俾啲自由我吖好冇？
Anyway，大家唔好誤會我開場嗰陣係偽娘扮武藏，我只係個名比較男仔姐，我英文名叫Alexandra，可以叫我Alex。
其實，我都問過我老母，點解要改到我個名咁男仔，搞到我成世俾人笑。
「咁我想生仔吖嘛，咪俾個子字你囉，我又鍾意張敬軒，咁咪叫你子軒囉。」
算係咁，唔係叫子敬，唔洗俾人笑KOL。
就係咁，我除夕嗰晚就留咗喺屋企。
⋯⋯
11:53
開火，凍水落麵，水滾一分鐘熄火，放個麵同湯落碗，落粉落麻油。
11:56
大火多油，午餐肉兩塊，蛋一隻，煎嘅同時淋啲油上去。
11:58
全部煎脆之後砌上個麵度，灑蔥花，𢳂埋鑊入面嘅滾油上啲蔥上面。
11:59
拎埋碗麵坐返去電視前面。
「五，四，三，二，一，新年快樂！！！」
Biu~Biu~Biu~ 啪！啪！啪！螢幕上嘅煙花不停綻放。
叮，叮叮叮！啲whatsapp group嘅新年快樂一個個咁跳出嚟。我一個都無睇到，廢事睇到啲大合照。
「死女包食咩咁香？」
「食你嘅白粥啦嘈！」
咁樣就一年，我坐喺屋企食住碗麵就過咗，唔係唔開心，但係總好似差咁啲嘢。
正值豆寇年華，我係咪應該多啲年少輕狂，青春無悔嘅回憶？
除咗揀到自己鍾意嘅科之外，我今年最開心係咩呢？玩下社咁？
明明我嘅生活都唔算乏味，但係就諗唔到啲咩開心過食面前呢碗餐蛋麵。
嗰一刻，我決定今年要創造好多回憶，生活過得多姿多彩。
最起碼要吸引過一碗香噴噴，蛋又燶邊，餐肉又金黃，麵身又彈牙嘅公仔麵。
「我今年要開一間萬事屋！」
「咁我委託你你煮個麵嚟吖⋯⋯」
「早抖啦你！」
【校園】我今年中四，喺學校開咗一間萬事屋
動物橫町
10 回覆
2 Like
6 Dislike
以連登毒撚嘅年齡層，你敢話火箭兵團羞恥，你仆街鳥
先block為敬
先block為敬
改返榮耀感得唔得
專心d讀書啦第二章 事前準備
一個外貌型棍，着住橙色大褸嘅武士喺雪地上馳騁，踩住滑雪板喺雪地上左穿右插。然後，佢喺雪丘上縱身一躍，劃過閃耀嘅太陽，身體喺陽光下形成一個唯美嘅剪影，引嚟旁觀者尖叫歡呼。無錯佢就係將軍大人。
⋯⋯
「收聲，呢個唔係雪球嚟架，呢個係叫New Armstrong Cyclone Jet Armstrong砲。」
⋯⋯
「你有冇聽過doo逼力。」
⋯⋯
喺第二日我就開始準備，我上hkanime打開咗套銀魂睇下，諗住參考下阿銀萬事屋嘅商業模式。
點知我一個唔小心就打開咗前列腺刹車嚟睇，一個唔小心睇埋砂紙抆屎又一個唔小心睇埋JJ螺絲批。
失策！除咗笑咗一個晏晝，乜都無做到。阿銀條友仔日日等運到，又唔宣傳，剩係識食甜品我學似佢死撚得。
都係諗下點開始先，試下時地人事。
時間，2025年啦，小息，lunchtime同放學後都接job。
地點，唔好用班房啦，好張揚，後樓梯隔離泊單車嗰度啦，仲有啲備用枱凳添。
人，即係員工？好似神樂同新八咁？暫時自己做先。
事，乜都接囉，就咁！
好，整poster。
戀愛學業友情⋯⋯唔得唔得又長又唚。
呢個字體核突到死，呢個仲差啲，呢個好似幾得⋯⋯
畫面個balance唔得，郁下先⋯⋯
咁樣有冇人搵我接設計job架？
最後都係肉肉酸酸咁，不過唔緊要。好似係咁講架嘛，你不需要很厲害才能開始，但要開始才會變得厲害，我會變得好厲害架啦。
望住張poster，諗下未來呢一年有幾精彩，我嘴角都不自覺上揚。Poster上面最大嘅五隻字，代表住呢個故事嘅開始。
「子軒萬事屋」
一個外貌型棍，着住橙色大褸嘅武士喺雪地上馳騁，踩住滑雪板喺雪地上左穿右插。然後，佢喺雪丘上縱身一躍，劃過閃耀嘅太陽，身體喺陽光下形成一個唯美嘅剪影，引嚟旁觀者尖叫歡呼。無錯佢就係將軍大人。
⋯⋯
「收聲，呢個唔係雪球嚟架，呢個係叫New Armstrong Cyclone Jet Armstrong砲。」
⋯⋯
「你有冇聽過doo逼力。」
⋯⋯
喺第二日我就開始準備，我上hkanime打開咗套銀魂睇下，諗住參考下阿銀萬事屋嘅商業模式。
點知我一個唔小心就打開咗前列腺刹車嚟睇，一個唔小心睇埋砂紙抆屎又一個唔小心睇埋JJ螺絲批。
失策！除咗笑咗一個晏晝，乜都無做到。阿銀條友仔日日等運到，又唔宣傳，剩係識食甜品我學似佢死撚得。
都係諗下點開始先，試下時地人事。
時間，2025年啦，小息，lunchtime同放學後都接job。
地點，唔好用班房啦，好張揚，後樓梯隔離泊單車嗰度啦，仲有啲備用枱凳添。
人，即係員工？好似神樂同新八咁？暫時自己做先。
事，乜都接囉，就咁！
好，整poster。
戀愛學業友情⋯⋯唔得唔得又長又唚。
呢個字體核突到死，呢個仲差啲，呢個好似幾得⋯⋯
畫面個balance唔得，郁下先⋯⋯
咁樣有冇人搵我接設計job架？
最後都係肉肉酸酸咁，不過唔緊要。好似係咁講架嘛，你不需要很厲害才能開始，但要開始才會變得厲害，我會變得好厲害架啦。
望住張poster，諗下未來呢一年有幾精彩，我嘴角都不自覺上揚。Poster上面最大嘅五隻字，代表住呢個故事嘅開始。
「子軒萬事屋」
除夕嗰晚，我煮咗一碗餐蛋麵。
明明我嘅生活都唔算乏味，但係就諗唔到啲咩開心過食眼前呢碗餐蛋麵。嗰一刻，我決定今年要創造好多回憶，生活要過得多姿多彩。
最起碼要吸引過一碗香噴噴，蛋又燶邊，餐肉又金黃，麵身又彈牙嘅公仔麵。
Penana：https://www.penana.com/story/172454/%E6%88%91%E4%BB%8A%E5%B9%B4%E4%B8%AD%E5%9B%9B-%E5%96%BA%E5%AD%B8%E6%A0%A1%E9%96%8B%E5%92%97%E4%B8%80%E9%96%93%E8%90%AC%E4%BA%8B%E5%B1%8B
希望會做到每日更新，故事大約會有50章，總共五萬字左右，多謝你睇到呢度
第三章 正式開業
1月2號，新一年第一日返學，啱啱放完兩個星期假，都唔係好慣要返學。
晨咁早就起身，刷牙換衫梳頭，咬返塊麵包，搭返同一班巴士，見返同一班乘客，行入同一個校門，睇住同一班人打籃球，望住同一個中一仔火影跑，所有嘢都將我帶返去一個日常。
不過，我今日就要打破佢！我拎出疊poster，走勻晒學校，操場壁報、籃球框條柱、自己班壁報、人哋班壁報、女廁廁所門等等，總之掂到嘅地方我都去晒，至於男廁就太過份啦，放學等晏啲先。好多人好好奇咁想知我做乜鳩，個個都裝下裝下咁。
呢個時候，我仲未察覺到其中有道視線跟得我特別耐。
除咗貼poster，今日最緊要嘅嘢就係派卷。今次係選科之後第一次考試，講真我唔擔心自己考得差定點，我都算一個學霸嚟，不過係萬年第二，咁耐以來都未試過高分得過隔離位嘅Eason，今次就睇下點。
話說我哋放咗差唔多兩個禮拜假，累積嘅功課都唔少，所以抄唔切功課嘅同學都隨處可見。
「喂你抄完未呀，要交啦！」
「差一題！」未抄完功課嘅Jacky喺度同班長交流緊。
哈，睇真啲條友仔抄緊我嗰份，不過我人美心善唔同佢計。
「Miss Lo到㗎啦，計欠交架啦！」
「得······得得得！哈哈零秒出手！」Jacky交完之後仲拍咗兩下空氣波射個step back三分，啲男仔真係幾歲都咁白痴。
同一時間，Miss Lo行到入班房。
「Good Morning Miss Lo······」
「Good Morning Class······ 大家新年快樂，不過呢你哋快樂埋呢幾分鐘好啦。」
吓，又發生乜事。
「你哋今次考試啲成績呢，我睇咗架啦，十分之參差，唔知係咪覺得考到入E班就輕鬆啦，可以抖下啦，咁樣呀？」
「喂，點解我睇到咁多聲音嘅呢？」Miss Lo 啤住後面唔識收聲嘅m&m，即係Mike同Marco，真係隔住副眼鏡都feel到個眼神幾咁凌厲。
「總之呢，你哋平均分仲差過隔離文科B班，全級排緊第四，你哋好自為之啦。」
咁低分，唔撚係啩？我有少少嚇親，個口都唔係好記得合返埋。
Miss Lo笑返望住我講：「Alexandra，你又唔洗咁驚，你今次都考得幾好。」
好彩姐，鬆返口氣。
「咁大家都出嚟拎卷啦，陳······」
慢慢大家都拎咗卷，有個男仔拎住自己份得四十幾分嘅卷仲笑笑口咁同friend講，有個女仔拎完份卷眼紅紅咁默默返埋位，有個人拎住份卷自己喺度YesYesYes，亦有人望一望之後無乜出聲咁行返埋位。
全日都差唔多係咁，每堂就係派返嗰科嘅卷，同埋講解下。臨近放學，要派嘅卷都派晒，我望住平均都有75分嘅試卷，充滿信心咁同Eason講:「交換嚟睇下吖！低分請飲嘢」
「你範文滿分？痴線架？好彩拉勻成科都係差你三分，仲有機會。」
「嘩你英文都幾高分喎，Listening 80，Writing 85⋯⋯」
「痴撚線，數學85，Physics 80，Chem 87，Bio 90?」
「唔玩了，唔玩了⋯⋯頭先衝動咗，好啦bye bye聽日見！」
我BiLiBaLa完一輪之後微笑住同Eason講，伸手想拎返啲卷。
Eason捉實疊卷，睇多兩眼之後先瞇眼笑住覆我一句:「考得幾好吖，不過我想飲手作功夫茶。」好似笑緊我不自量力咁。
「知啦，咁一陣五點三我上返嚟搵你再一齊走啦，我仲有啲嘢做。」
Eason點咗點頭，而我就拎住疊poster開始進攻男廁。
企喺男廁門口，我左望下右望下，再同入面講兩句Hello，確認無人，就偷偷摸摸咁入咗去。
嗯，唔係好臭，啲尿兜又幾得意喎，廁格入面都唔算污糟。啲poster痴邊度好呢？就廁所門後面啦，咁佢哋一路屙，就可以一路睇廣告，perfect池！
突然間，廁所外面有腳步聲，嗰個人走咗入男廁！
我驚到仆街，即刻閂埋門，聲都唔敢出。
1月2號，新一年第一日返學，啱啱放完兩個星期假，都唔係好慣要返學。
晨咁早就起身，刷牙換衫梳頭，咬返塊麵包，搭返同一班巴士，見返同一班乘客，行入同一個校門，睇住同一班人打籃球，望住同一個中一仔火影跑，所有嘢都將我帶返去一個日常。
不過，我今日就要打破佢！我拎出疊poster，走勻晒學校，操場壁報、籃球框條柱、自己班壁報、人哋班壁報、女廁廁所門等等，總之掂到嘅地方我都去晒，至於男廁就太過份啦，放學等晏啲先。好多人好好奇咁想知我做乜鳩，個個都裝下裝下咁。
呢個時候，我仲未察覺到其中有道視線跟得我特別耐。
除咗貼poster，今日最緊要嘅嘢就係派卷。今次係選科之後第一次考試，講真我唔擔心自己考得差定點，我都算一個學霸嚟，不過係萬年第二，咁耐以來都未試過高分得過隔離位嘅Eason，今次就睇下點。
話說我哋放咗差唔多兩個禮拜假，累積嘅功課都唔少，所以抄唔切功課嘅同學都隨處可見。
「喂你抄完未呀，要交啦！」
「差一題！」未抄完功課嘅Jacky喺度同班長交流緊。
哈，睇真啲條友仔抄緊我嗰份，不過我人美心善唔同佢計。
「Miss Lo到㗎啦，計欠交架啦！」
「得······得得得！哈哈零秒出手！」Jacky交完之後仲拍咗兩下空氣波射個step back三分，啲男仔真係幾歲都咁白痴。
同一時間，Miss Lo行到入班房。
「Good Morning Miss Lo······」
「Good Morning Class······ 大家新年快樂，不過呢你哋快樂埋呢幾分鐘好啦。」
吓，又發生乜事。
「你哋今次考試啲成績呢，我睇咗架啦，十分之參差，唔知係咪覺得考到入E班就輕鬆啦，可以抖下啦，咁樣呀？」
「喂，點解我睇到咁多聲音嘅呢？」Miss Lo 啤住後面唔識收聲嘅m&m，即係Mike同Marco，真係隔住副眼鏡都feel到個眼神幾咁凌厲。
「總之呢，你哋平均分仲差過隔離文科B班，全級排緊第四，你哋好自為之啦。」
咁低分，唔撚係啩？我有少少嚇親，個口都唔係好記得合返埋。
Miss Lo笑返望住我講：「Alexandra，你又唔洗咁驚，你今次都考得幾好。」
好彩姐，鬆返口氣。
「咁大家都出嚟拎卷啦，陳······」
慢慢大家都拎咗卷，有個男仔拎住自己份得四十幾分嘅卷仲笑笑口咁同friend講，有個女仔拎完份卷眼紅紅咁默默返埋位，有個人拎住份卷自己喺度YesYesYes，亦有人望一望之後無乜出聲咁行返埋位。
全日都差唔多係咁，每堂就係派返嗰科嘅卷，同埋講解下。臨近放學，要派嘅卷都派晒，我望住平均都有75分嘅試卷，充滿信心咁同Eason講:「交換嚟睇下吖！低分請飲嘢」
「你範文滿分？痴線架？好彩拉勻成科都係差你三分，仲有機會。」
「嘩你英文都幾高分喎，Listening 80，Writing 85⋯⋯」
「痴撚線，數學85，Physics 80，Chem 87，Bio 90?」
「唔玩了，唔玩了⋯⋯頭先衝動咗，好啦bye bye聽日見！」
我BiLiBaLa完一輪之後微笑住同Eason講，伸手想拎返啲卷。
Eason捉實疊卷，睇多兩眼之後先瞇眼笑住覆我一句:「考得幾好吖，不過我想飲手作功夫茶。」好似笑緊我不自量力咁。
「知啦，咁一陣五點三我上返嚟搵你再一齊走啦，我仲有啲嘢做。」
Eason點咗點頭，而我就拎住疊poster開始進攻男廁。
企喺男廁門口，我左望下右望下，再同入面講兩句Hello，確認無人，就偷偷摸摸咁入咗去。
嗯，唔係好臭，啲尿兜又幾得意喎，廁格入面都唔算污糟。啲poster痴邊度好呢？就廁所門後面啦，咁佢哋一路屙，就可以一路睇廣告，perfect池！
突然間，廁所外面有腳步聲，嗰個人走咗入男廁！
我驚到仆街，即刻閂埋門，聲都唔敢出。
可唔可以唔好作落去 溫埋個dse先慢慢ff la
好撚毒
留名