畫畫互助互勉交流區[長期更新](3) 你今日畫咗未？

繼續推!

小人是初期沒有太多經驗

第一張就係經驗

順時間順序

獻醜

最尾三張我係用adobe RGB上色
連登會將張轉做sRGB
但就咁睇
連登轉色效果差過我自己手動轉
個亮度同彩度都唔同咗

獻醜求狠評

仲係臨摹嘅階段，覺得比例怪怪地
原圖

除咗右手（唔計肩）之外，其他全部都角度同位置唔同

臨摹係練習觀察同重現能力
首先你要觀察人哋個動作、比例、位置
畫嘅時候大致決定位置
模咗最外條線，大致上形狀差唔多
先再慢慢雕細部

仲有呢點雖然香港美術老師唔鍾意
但實際好有用
說係重疊張紙上去睇下大致位置有無錯
如果真係位置差好遠
諗下點解會走位
係觀眾唔好，定對手重現唔到位置

BTW 我本人係唔建議新手臨摹

我自己都唔係好擅長臨摹
但可以比你睇下步驟

畫個框俾張圖+自己 比例要一樣

用九宮格 抓型 ，慢慢畫。

唔明乜野叫 九宮格抓型 可以google.


新手 畫快樂 培養興趣好重要 ，所以想畫喜歡既動漫角 想畫就畫

畫起來， 邊畫邊學 ， 唔好咁快走流程畫啲自己唔鍾意既，好快收皮

臨摹其實仲要一路畫
一路理解佢條線點解要咁畫先會學到野
所以建議速寫會好啲
仔細位完全跳過先
淨係抓形
抓到咁上去穩先理解埋仔細位

加油!
我睇到啲好有樂觀既偏差
雖然係偏差，但係證實咗你用緊啱既思維

你可以重點練下透視perspective。當你蓋淨上胸，會發現個胸好「front view」，無做到45度角轉身既透視。但咁即係話你個腦入面係做咗一個3d思考。下一步就係將個3d轉身，做返個透視。
延伸去到角色左手臂，手臂有3d結構但無遮到上半身。即係話你個腦畫胸同畫手係兩個獨立過程。好既地方就係你係兩個部位都有思考到。咁下一步就係起稿時，腦中幻想一個「整體」骨架，再將胸、手套入去相應位置。

同樣情況出現咗係褲浪，角色右腳係啱方向，但三角位係0度而唔係45度。亦到需要將下半身骨架與上半身做返個整體性。

我幾欣賞兩個拳頭既處理

越畫張情人節圖越唔知自己畫緊乜
每年總係有幾次咁嘅時期
仲要Keep呢個mental趕RG稿

加油

自己跟住上網畫， 盡量學下，可能唔夠好

等閒又推下PO

最近試緊水彩畫，主要都係畫花
花個結構好難搞次次畫完比例都怪怪地

講開臨摹其實觀察係最重要，即係要花多D時間去睇係重要過落手畫
或者應該用各種形式嘅輔助線去幫自己定位
我就用格仔線做輔助線
可以參考最後嗰張草稿
當然因應個人習慣唔用格仔，用其他方法都得

木顏色+Marker

袁澧林 Angela Yuen

ig: bobbyfei

加油你下面嗰堆嘗試畫鼻嘅線好有趣

唔好急住畫detail
可以喺起稿階段好rough咁畫低每個部分嘅位置
比例啱先獨立畫每個位
例如哩幅悟空，你要留意個頭個左手膊頭係差不多高低
而個左手拳頭又同個頭差不多大
胸嘅位置同左手同水平
右手會比左手低D同細D
每個位置嘅大細比例都係另一個部分嘅reference

係自學嗎？
水彩好難

唔知叫唔叫自學
上網搵圖對住，之後意識流咁係到試
但水彩好需要勾線那個技巧
我真係呢方面好弱

我懶得濟拖左勁耐都冇畫完佢

我想畫類似極度疲累,精神崩潰嘅樣出嚟，但唔係太知道點畫，鼻嗰度唔夠好

純粹個人感覺，你想畫既野係疲累係一種無力感
而你張畫偏向比表出咗負面情緒出嚟。

a疲累、b崩潰兩種情緒係有少少衝突。我理解既疲累係無力，崩潰係用力。所以要將兩者放喺同一張臉係有啲高難度。由其係二次元。因為二次元係會誇張人物。只要有表達誇張>就會有力。

疲累既無力感，重點係肌肉無力，最難既地方就係要你要好清楚臉部肌肉骨架既結構。放得好準先可以表達「無力」。而要喺無力之中表達出情緒，就要係微表情既部位表達。最重點會係眼末端、眉末端、蘋果肌邊緣。

除咗依啲位，其他要放係好defualt 位置。我認為你個「嘴角向下」太有力量。減啲曲線反而更能表達「疲累」，眼、眉同樣道理，你強調咗「八字」眼就變相強調咗力量。

眼可以無順著「眼球、眼咼、骨架」畫。reference既眼球係有好標準既位置。從眼白位置可以腦補出成個眼既結構。就係因為佢五官放得準，所以就無力。

鼻其實係一個變化好大既器官，吸氣變大輕池，呼氣變練細緊絰。疲累可能係呼氣都無力。如果根據我既角度，你個鼻表達得緊絰，可能因為咁以唔合你心水。

我個人認為哭笑依啲表情有力，因為可以誇張所以更易畫，而崩潰疲累係好難有神緒。