懷疑這公司賣淘寶玩具扮正貨

似啦, 一路提著人地個名

你可以咁諗既，但唔係。
我若是競爭對手，
我知道大家貨源一樣，
但我平到賣俾你，
假設你又會買既，
你明知貨源一樣，
你會俾平D買定貴D買？

即如果你係唔介意俾貴左係KIDRISE買，
我唔會阻止你的。

如果唔想大家買貴左，
當然要不斷提住，
就算唔提，你睇返我個原帖，
你都係會知人地個名架。

照你咁講
iphone 唔應該有地區價格？
佢畀唔到優惠個價唔係佢問題 而有人買咗係因為佢唔去做多步格價
咁既然唔格價 責任唔係呢間公司問題
再加上 佢明碼實賣冇存在欺詐成份喎 佢開個web 你去買 明明所有動作係你送入去 唔通就唱鳩佢？

咁你應該屌晒所有水貨舖同炒賣舖頭喎

點解有差價, 係因為要過CERT, 做TESTING, 你TB買到個D 未CHECK 未做TEST咪平D, D 貨去外國賣咪收貴D

咁就上網搵下有乜玩具岩，之後左去呢個網

佢真係係淘寶拎貨，因為的有朋友中了招，早知就係淘寶買

一開頭又話上上下網見到呢個網想係呢度買格價, 轉頭又話有朋友中招買貴左露撚曬底啦你, 想數臭人仲扮撚曬野

我說明一下其實我想表達甚麼。
任何貨品係可以有地區價格，
的確任何人按自己喜好去買野無問題。

我識有些有錢人，知道同一款貨係中環買會貴左，
但佢依然照俾，品係因為話俾人知佢大把錢，
更何況唔會因為咁表達到自己大把錢，
只係佢有能力付得起。

即係同一來源貨，係明知自己買貴了，
你都肯俾，這是你選擇，我唔會阻止你，
但對有些經濟條件較差既人，
可能是省了些飯錢，才有錢買到玩具俾小朋友，
對於這類人被騙了錢實是不愉快。

若有人看到這帖，他本身有財才壓力，
我都叫幫左佢，提佢係淘寶買，
唔好係KIDRISE買。

淘寶買一定會平d啦
如果介意咪自己係淘寶搵
就算買水貨lego education 系列，淘寶都平過香港
呢個問題避免唔到

而且你買呢d stem toy 大陸肯定最多選擇

首先，
如果你咁睇，我又唔怪你，
因為真係朋友中招了，
我都上網睇下是甚麼一回事，
才能說出來，確實一開始無提到是朋友中了招，
顯得唔夠完整。

如果你針對這個個位置，
忽略了本身大家會否買貨唔小心俾人呃錢，
那就不是幫到更多的人。

我明你講乜。

如果有一件貨你好想買，
貨源同一個，你會選擇買平定買貴？

如果買平，我幫到你唔好俾人呃，
如果買貴，你俾人呃左，你既事，我叫盡力責提醒大家。

你暫時是唯一一個明我想講乜，
我針對既唔係是否中國製造，
而係同一貨源，都係來自中國既，
點解唔淘，又要係簡港買貴左呢？

我由始至終沒阻止任何人買貴左，
但我希望幫到經濟收入較差的人，
可以避免買貴左俾人呃。

on9 logic

其實世界上有好多野我都唔岩睇，
通常我會飛過唔理，唔會花時間，
也不會說沒有價值的內容，
這會顯得感覺不好。

不過你留了言，變相幫到個帖回覆增加，
都幫到少少這個帖可以排前俾多些人睇到。

唔同地區不嬲唔同價錢，做生意不嬲都係賺訊息差

你眼中嘅淘寶貨係老翻定係純粹淘寶賣嘅貨先

但我覺得間舖冇呃人
條link 第一件貨，佢其實都講明簡體包裝

想買平貨，就要識得格價啦
肯花時間格價咪可以洗小d 錢
買野從來都係咁
買支汽水一樣可以度度唔同價錢，唔通賣得貴又呃人咩

呢個唔知，
我單純想提提收入唔好，
又要買玩具的人唔好俾人呃。

我習慣SEARCH完先買，
咁岩淘寶，就順便查下朋友講既，
米公開講下。

忽略了本身大家會否買貨唔小心俾人呃錢

首先人地係賣貴左, 唔係你口中既呃
如果佢標35蚊入到去比錢收錢收350蚊呢d先係呃

第二人地賣同淘寶貨源既野賣貴左又點? 人工, 網站成本, 運輸, 倉存全部都要錢, 貴幾多, 合唔合理唔係你話就係, 唔岩價唔買就得, 你會唔會係街頭買完盒蛋30蚊街尾見到人賣28蚊就話人係呃

網絡發達唔識自己格價係佢問題, 宜家都大把人係amazon買野番黎香港, 你會唔會話香港全部分銷係呃?

都廢事同你講咁多, 一係你就同行想唱衰人, 一係你就真係on9黎

是。

你本身會淘寶，如果同一種貨，
淘寶見到只需50元，
但KIDRISE買200元，
你買邊個？

當然你可以買200元的，你只是選擇白白俾人呃錢。

我針對既唔係呢個問題。

你明知貨源一樣，又係老翻貨，
你會淘寶買平D，定係香港買淘寶回來的貨俾人呃錢？

我既目的，
想告訴較少收入既人，
你若要買玩具，
可以考慮淘寶。
如果收入較多既人，
大把錢唔介意俾貴左，
買一件淘寶可以平買到既貨，
你仍然可以選擇俾貴左去買。

我由始至終，唔係阻止人點樣俾貴左去買，
而係告訴低收入既人，係唔想買貴左，
你可以去淘寶買。

即係你覺得自己月入十萬叫少，
你米淘寶囉，始果你月入一百萬，
有錢既可以繼續淘寶，
也可以去買更高質玩具。

有好多淘寶新手仲係唔知其實淘寶乜都有咁滯，真係隔幾個禮拜就見到d連登神探開心大發現見到d一樣既貨跟住話人哋淘寶

大把野係香港Mark up左高左好多 人地上面成本低你咁多根本無得鬥

上星期係圍方Rxxx睇中個背囊千幾蚊 淘寶佢先好似600幾人仔 計返差唔多平一半 一樣既野其實無乜理由你要貴一倍買