不過提起Kisabbb的話，就要數2020年她在沙灘拍照時，被網民「偷拍」後公開真實一面，無PS照一事。當年網上討論區上的網民對此事討論得相當激烈，紛紛表示Kisabbb是「照騙」令人幻想破滅，更有不客氣的網民取笑現實中的Kisabbb是「坦克車」，十分之mean。
日前（17/01）Kisabbb再於個人社交平台上重提此事，寫下長文發表感受。她寫道：「2025年都仲見到有人拎沙灘相出嚟，首先講一講，我X晒你呢班咁鍾意網絡欺凌嘅人先。喺我眼中鍾意網絡欺凌嘅人，內心都真係好醜陋，而我相信相由心生，閣下一定係好樣衰。」她又表示，自己沒因此事而氣憤，只因為最近壓大，正好見到有網民「挑機」所以想「發洩吓啲壓力」。不過在文中，她就暗示相片是遷就角度，加上縮肚而影出的，並沒有就「P圖」作過多解釋。
她又分享感受，寫道：「呢單野真係幾委屈，俾人偷拍已經慘，仲要俾人網絡欺凌咁多年，真係開心自己心臟強大，心態亦都非常之良好，希望大家積吓口德，多啲讚美別人，唔好再沉淪喺貶低人以為可以抬高到自己咁井底之蛙呢啲惡劣行為度。」最後，她還直言如果有網民「堅持走向醜陋嘅道路上」的話可以留言，她亦會將之封鎖，表示希望令自己的網絡世界「乾淨少少」。
