而佢洗到人地條眉變紅眉同冇左一部分眉毛，同佢IG嘅效果圖相反，事後亦用唔同藉口拒絕承擔責任。
喺客人嘅質問之下，佢地期後道歉，並安排「部分退款」，同送眉毛精華，但個金額係要收咗一次洗眉嘅費用，同買package嘅原意相反，而退返落嚟嘅錢亦唔夠事主喺出面重新整眉，事主就要求佢地至少要幫人整返好條眉，要唔係整衰咗人哋條眉唔肯善後，仲拍拍籮柚走左去。
但轉個頭又賴話係客嘅問題，又話唔係佢地造成眉毛脫落，同時亦唔肯提供完成洗眉後嘅即時照片去比較。佢講嘢前後矛盾，佢為咗逃避責任啲藉口全部都係同佢喺IG標榜嘅嘢相反，例如佢賴事主喺第二間舖頭整過，所以佢地處理唔到，但明明佢哋IG啲case都係喺第二啲舖頭整過再嚟佢哋嗰度「進行一次無創洗眉」然後成功由深色眉毛變成淺色眉毛，仲要冇變紅眉，但事實就係相反。
仲喺度抵賴話自己俾咗同意書人哋簽，但係嘅所謂同意書只係剔有冇病歷，之後簽名，佢哋嘅條款係關於紋眉，而唔係關於洗眉，仲要佢係帶咗人哋入房搽埋藥膏，先同人講話一次洗乾淨唔條眉，先斬後奏，個客知道咗真相之後又唔俾人退訂金，逼人洗濕個頭後繼續俾錢做落去。
期後仲自稱自己係專業人士，可以憑佢哋去判斷有冇整親條眉毛同埋皮膚，唔講以為佢係皮膚科醫生添
加上個優惠係只接受現金，不能轉帳及用其他電子支付等可以留下紀錄嘅付款方式，有逃稅之嫌。
已知唔少人中伏，詳細可以睇返：
[警世]洗眉飄霧眉IG美容黑店Elegance 1st
https://lih.kg/3859289
- 分享自 LIHKG 討論區
但覺得寫喺threads好似仲有效