Day 1:
臨近悉尼海岸
搭過九個鐘嘅機，終於降落悉尼。喺度等左2小時多啲，就搭飛機去斐濟楠迪，機程係3小時，都可以接受。當然直航更好啦
悉尼機場
斐濟海岸，就咁睇d水已經好清
楠迪上空
喺當地時間3:40pm左右先到達，原本預訂咗一個去斐濟文化村嘅團，機場就要4:30pm上shuttle bus，落地嗰一刻已經知道應該趕唔到了
。
相信每次有入境旅客時，都會彈結他唱歌
因為斐濟入境職員真係好斐濟方式-慢活，現場有五個入境職員，不過得2個職員做入境櫃位
當時有兩架飛機嘅乘客排緊隊，結果用咗50分鐘先入到境
不過呢度嘅SIM卡呢就都幾平嘅，跟住見到三支1.5L烈酒唔駛係$600港紙，所以買定先。
其實未比參加費，衰仔d可以no show ，不過最後自己搭的士過去啦，唔應該影衰香港人既朵
用咗$35當地貨幣搭的士過去文化村。
係呢度基本上冇乜公共交通，出入都係酒店叫的士/街上截的士。不過中途遇上大塞車，結果最後係遲咗成45分鐘先鐘後入園
楠迪的市容
錯過迎新嘅舞蹈同埋介紹部份斐濟人嘅生活方式，其實呢個斐濟文化村團都係介紹返斐濟人嘅文化啦，係當地嘅原住民帶團，老實講，d內容當然都唔記得了
介紹緊d手工藝？
介紹點捕魚？
聲稱係部落長老
最後呢就有一個自助晚餐，咁一路食嘢就有當地嘅原住民做表演嘅，佢地好中意用火黎表演。男女原住民都會表演下。
原住民傳統的煮食方式，將野食(魚）埋係下面燒
Buffet
大概8點幾就搭返佢哋安排嘅車返酒店，為咗要慳旅費，自己一個黎，就揀咗喺沙灘區$8xx嘅酒店。原來係沙灘沿岸既酒店，地下係做一啲餐廳，個別餐廳夜晚會有live band show，幾多外國遊客飲下野既，係酒店房都唔算好聽到
之後就同作客嘅波友喺間餐廳聚會，聽佢哋之前喺斐濟另一個城市睇波同之後環島揸車嘅經歷。睇波同時可以去下當地足總，沿途的城鎮，了解下當地，真係好正😊 聽下球隊的近日既消息，不過what happen in Fiji , stay in Fiji , 都係每次作客球迷獨有既聽聞
返到酒店休息，就發覺呢個價格嘅酒店係有原因，原來沖涼嘅水嚴重唔夠，花灑好似屙尿咁樣流出嚟，仲要唔多熱，完全沖唔到一個舒服既涼
酒店環境
酒店房間
已經係最大水量
呢間酒店冇水送，而斐濟啲超市，士多晚上8/9點關門（便利店係指有d酒店地下士多，通常印度人開既）。喺偉大嘅Google Maps搜尋之下，終於搵到一間距離酒店距離少於1公里左右一間士多開到凌晨一點，要行返出去酒店區外既。於是就自己行過去買水買牙刷，想返都幾夠膽，夜晚條街係無人，來回都要10分鐘腳程。
感謝呢間士多
趁仲年輕，都留意今年仲有冇作客比賽，可惜土庫曼同烏茲別克需要嘅日子比較多，所以就冇去
有無換房？
