元素勁多，鬼、妖、殭屍、超能力者，前期嘅平哥同平馬個單元睇到勁心寒，屌你個平媽塊面勁撚白，好撚恐怖，珍珍仲要只係話佢面色差
pipi勁慘，不斷比平媽精神虐待，係撚咁鬧人邪花，見到個平媽恨不得佢馬上消失，最後仲要同大軍嚟個母子情深，平媽真係冇句好說話，唔係pipi屌鳩佢真係死性不改
同埋佢拍出嚟嘅茅山驅鬼好易令觀眾接受，有啲喜劇感但又令人覺得恐怖。妖亦唔係個個都係衰，只係衰太鐘意一個人（白蛇），杜汶澤嗰條線真心唔錯，睇素素不斷推開正中，但正中又冇因為咁而放棄，素素得而含笑而逝
鬼都有好鬼，完全唔恐怖，好似嗰個呀勝咁，一上身就想食煙
劇情真係一流，伏筆亦埋得唔錯，一路以為山本一夫係big boss，點知殺出個御命十三，山本只係棋（御命十三出現嗰陣）。山本雖然係反派，但又唔係真係好討厭，至少喺回到過去嗰幾集令我覺得佢真係想終結喱60年嘅悲劇，但個濕鳩碧加阻頭阻勢，所以唔太明點解山本唔認真對待喱個炸彈。個碧加仲要當正山本係老豆，其實山本只係當佢棋，仲要妄想代替未來
見到山本最後一鳩打死碧加就覺得爽
仲有個妙善廢到震，一開始講佢以為佢真係好撚勁，全知全能咁，點知根本就冇咩淨世咒，有嗰個係如來
但佢有樣嘢講得啱嘅係況天佑同山本要聯手。屌你老尾碧加打咗一掌就直接KO，跌落時間漩渦 所謂觀音化身is a joke 認真，我覺得求叔仲撚勁，又識發明殭屍探測器、血天使等等，又識睇梵文。好奇佢實力係同馬小玲差唔多定係勁過馬小玲
初頭覺得吳廷燁喱個角色有啲怪，嗰陣佢成38歲，但演一個21歲嘅學生（復生被綁架嗰陣呀Ken話自己今年71歲，做咗殭屍50年），但愈睇愈覺得佢喱個角色佢演得幾好，忍辱負重，只係為咗殺山本一夫，不惜同歸於盡，最後終於可以同未來一齊，雖然係死
著嘅衫亦由野性剛烈變成樸素，kind of反映咗佢心境變化。講開衫我覺得服裝係有花過心思，淨係未來都好多唔同造型，風格鮮明令人留低深刻印象，我自己就好欣賞，呀Ken啲衫又係風格強烈，好多紅色，唔再幫山本做嘢就著灰色。
其實珍珍同況天佑唔襯，只係佢哋格硬撮合（最後知道山本同珍珍先係一對
），睇天佑同小玲仲正，起碼兩個人真心唔想對方有事，亦都清楚明白危險性，講嘢方式似啲歡喜冤家咁。個珍珍天真又低b，唔係特別討好，雖然係幾靚女，小玲都靚其實，係講嘢比較倔，又會打扮著靚衫，套戰衣又型
你哋會想做殭屍定做普通人就算
天佑都明言長生不老未必係好事，最主要都係睇住心愛嘅人死。我自己就幾想做殭屍，反正又冇心愛嘅人，又消除咗對死亡嘅恐懼（恐懼源於唔知幾時死），永生就唔使死了，反正殺得死殭屍嘅又有魔刀同茅山術（馬家血脈）。天佑同國棟講過話到你有一個日東集團嘅時候就會想要更多，我就覺得永生追求嘅係用年輕嘅身體活在當下，就當滿足晒所有欲望但同時你可以永遠享受愉快，可以日日滿足性欲，食欲，物欲，唔一定滿足晒之後就得返空虛。最後想講下天佑個失控look，勁撚柒
山本嗰個型好多
有 boss 紅衣御命十三 不過女人版
佢件紅色大褸好襯佢
