楊卓娜太忙未有即時診治
楊卓娜憑《黑色月光》余漫星一角有份競逐「最佳女配角」，日前她出席10強記者會時都有在IG貼相，但就舉起V手勢遮住眼睛和尾角，並發文指：「多謝大家關心，因為上星期喺深圳開工，可能俾昆蟲咬到，眼眉有紅腫發炎嘅情況，已經睇咗醫生，康復中請不用擔心！」原來她當日接受訪問時曾解釋：「我都唔知咩事，喺內地拍拍吓劇，突然間有朝起身化妝，見到我又腫又痕，有個窿凹咗落去。跟住返香港第一時間唔係睇醫生，因為太多嘢做，我搵咗啲藥酒，蚊叮蟲咬嗰啲搽一搽，搽完之後開始紅有啲痛，開始起水滋，然後開始穿，醫生話細菌感染得好緊要，眼呢啲位硬晒脹晒，脹到落眼肚下面。」
早前楊卓娜在內地拍攝馬國明與高海寧主演的新劇《夫妻的博弈》，現時內地戲份已煞青，但仍要趕拍在港的戲份。楊卓娜雖然破相仍要繼續拍攝工作，更抽空與劇中拍檔游嘉欣慶祝生日，她昨日（16日）貼出一張正接受治療的照片，見到有人正用棉花棒為她整理傷口，眼眉下方則依舊紅腫，楊卓娜又發文稱：「啱啱又去睇醫生，溝通咗一輪，終於知道點解搞成咁！」楊卓娜還要繼續做直播，見她傷疤仍然明顯，但仍敬業樂業拼搏，令粉絲心痛。
楊卓娜住豪宅有私人農莊
楊卓娜2009年為楊志翹誕下女兒楊舒然，一家三口住在豪宅內，還有私人農莊，不過楊卓娜堅持演藝事業，自從接下直播帶貨工作後非常上心，更試過在直播中落重本，送出Hermès禮物，她於平台主力售賣生活用品，除了即席下廚外，還不時親自做模特兒，又試過母女檔齊齊做生招牌。
