有無人相信八字、紫微算命？其實準唔準？

比兩個師傅算過命，模凌兩可，可以話準亦都可以話唔準


有無師傅推薦？有無人中過伏可以講下

網上免費算命網算性格都幾準，其他麻麻地

同問 有無邊個有性價比既師傅推薦下

我用ai 算都唔差

有無多啲資料

我自己睇過一個八字準到pk
我嚴重懷疑佢搵私家偵探查我

幾年前睇過 佢whatsapp問我拎左八字
中文名 出生年月日 咁上下
等左三個月先上去第一次見佢
跟住拎張A4紙出黎讀我啲八字運程
準到驚驚地
一黎就講咩性格特質
又講知道我做邊行
利申嗰陣幫緊屋企人手 無咩人知

感情生活又講下個陣條女性格唔夾
連我個陣條女性格都中埋
又話我78月有新女朋友叫我唔洗愁
又真係俾我7月拍到新女一直拍到宜家
不過年底會大鬧交 熬得過就好順利
點知真係鬧 之後幾年都無鬧過
最撚恐怖細個邊個器官大病過都知
叫我小心身體
之後唔敢再睇 太準真係好驚

唔洗問邊個咁準 講左就會比人話打手

幾錢？

上去之前話1300
俾錢嗰陣原來係入落利是封
無散紙比左1500

有無睇埋你面相掌紋？定係純粹八字算命就咁準？

無
總之就係第一次見 已經拎幾張A4紙照讀
唔係臨時吹水嗰啲 完左仲會比你拎走慢慢睇

準。

利申：自學紫微，三合、中州都有學

佢呢啲好似要額外加錢
咁第一次睇 唔知佢咩料點會加錢搞呢啲
試下就睇八字咩料先啦

唔好浪費金錢
你見到嗰啲都呃飯食多

香港禁咗八字

多人呃飯食 唔等如果樣野本身唔得

勁 ! 下次美國大選 , 侵侵搵師傅睇下連唔連到任先

即係其實人嘅命運係整定晒

有禁到咩？有無source

XXXX
XXXX

禁咗

我覺得係，至少我睇既師傅都講中左某啲野

八字可以睇到命運，但要睇師傅能力

信得呢啲嘢嘅人 通常都失失地敗

李嘉誠同楊受成真係好失敗

睇你同玄學有冇緣份，好多時係你經歷咗再睇返先覺得準